CAPCALERA: ajuntament de tolosa
CAPÇALERA2: mot amagat

Jornalet, gaseta occitana d'informacions

Dijòus, 26 de mai

Joan-Marc Leclercq

Dimars, 29.3.2022 03h00

Com los jornalistas dehenen Macron


Comentaris 4 comentaris    
Dolent Fluix Bo Molt bo Fabulós (9 vòtes)
carregant En cargament


Jean Lassalle




La campanha electorala n'es au mès fòrt, enfin, au jornau televizat, pren lo pauc de plaça que'u deisha la guèrra en Ucraïna.
 
Las entrevistas politicas se seguissen dens los mèdias. Los candidats son interrogats. Èi doncas escotat lo medish jorn sus France Info duas entrevistas, una de Jean Lassalle e l'aute de Guillaume Pelletier, un ancian conselhèr de Nicolas Sarkozy passat dens la còla d'Eric Zemmour.
 
Aquí, la tecnica deus entrevistaires es aisida d'analizar. Cau protegir lo president. Es a díser que, a cada còp qu'un entrevistat tòca aquiu on dòu, le cau copar la paraula. Es atau qu'estoc hèit dus còps.
 
Lo purmèr còp estoc quan Lassalle prononcièc lo nom de Mc Kinsey, un ahar embarrassant per Macron. Ne podoc pas acabar sa frasa. Lo convidat estoc pregat de tornar a sas perpausicions.
 
Lo dusau còp quan condèc que la velha èra a Lyon dambe los de la Crotz Roja qu'ajudan aus sens-ostaus de nueit. Tot anava de plan quan comencèc de díser : "Quan pensi que lo president avèvi prometut …". Solide totis se bremban pas de çò que Macron anoncièc que, per la fin de son mandat, i auré pas nada persona a dromir per carrèra en França. Un bilanç meslèu catastrofic e una promessa non tenguda.
 
Coma pervist, la frasa n'arribèc pas a son tèrmi e los dus "cans de guarda" le trenquèn vista hèit la paraula.
 
La dusau entrevista estoc drin dens lo medish estile. Comprengoi que la tecnica deus jornalistas se sembla la "defensa de zòna" deu hand-ball. Hèn una linha de pas passar a l'entorn deu but. E çò que cau hèr, coma en rugbí, es de ténguer l'adversari luenh de son embut sense de'u balhar la veishiga, es a díser le guardar devath andadas de question, prèst de l'interrómper se passa la linha d'avantatge.
 
Atau las questions portavan màgerment suus rapòrts entre lo partit Reconquête  e lo Rassemblement National, çò que's debanarà au second torn en cas de duèl Macron-Le Pen. Quin serà la consigna de vòte de Zemmour ? Solide de qué drin enmaliciar l'entrevistat que devoc protestar que "ren es pas encara hèit".
 
Comencèn l'entrevista per demandar quantas personas atenguèvan au meeting deu ser au Trocadero, coma s'èra quicòm d'important o simplament una informacion. Defense de zòna. Parlar pas de "çò qu'enmalís".
 
D'un biaish generau, es interessant de constatar que la paraula deus entrevistats politics es sovent trencada, levat se son sòci deu govèrn. Acostumat a escambis peluts, estoi susprés d'ausir una mosca volar dens los estudios quan s'agsicoc deu ministre de l'Economia, Sénher Bruno Lemaire.
 
Escoti pas France Inter, mes ausissi testimoniatges de monde que disen aver deishar de l'escotar pr'amor d'un ambient tròp favorable au govèrn e de çò "qu'èra pas brica coma abans"…
 

 
abonar los amics de Jornalet

 



publicitat
BANNER1 - comuna tolosa



Comentaris

29 de març 18.05h

Lo mitterrand aviá una astrologa, costava mens car.


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

29 de març 15.22h

D’a còps son los jornalistas que parlan mai que los entrevistats.

L’afar McKinsey ten importancia, l’estat devengut ingerible l’es al travèrs de cabinets de conselhs privats, jos Macron nos còsta 1 milhards d’euros. Es a se demandar a de que servís d’elegir monècas que tot e còps gerisson al travèrs de conselhs dels cabinets de conselhs privats.

Las eleccions son cossi anèm despensar l’argent de l’estat qu’avèm quitament pas enquèra emblat per taxas, escotissons, ... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

29 de març 08.05h

Chau subretot pas parlar de vaccinacion que porrian menar sur daus chamins tòrts.
Chau pas parlar non pus dau libre de Jean-Peire Petit intitulat " rechercha scientifica :naufrage mondial" que ven de surtir. Jean-Peire Petit ancian director de recerça au CNRS i denonça los coloques internacionaus scientifics ente los 3/4 daus participants pianotant s sur lòrs smartfones tant los desbats son sens interest mas chau far acte de presença per poder gardar son pòste.
An fan l'europeen e lo... Legir la seguida


Valora aquest comentari:   votar positiu 0   votar negatiu 3
Respondre comentari replica Comentari inadequat   Formulari d'abús de comentari

29 de març 08.05h

Chau subretot pas parlar de vaccinacion que porrian menar sur daus chamins tòrts.
Chau pas parlar non pus dau libre de Jean-Peire Petit intitulat " rechercha scientifica :naufrage mondial" que ven de surtir. Jean-Peire Petit ancian director de recerça au CNRS i denonça los coloques internacionaus scientifics ente los 3/4 daus participants pianotant s sur lòrs smartfones tant los desbats son sens interest mas chau far acte de presença per poder gardar son pòste.
An fan l'europeen e lo... Legir la seguida


Valora aquest comentari:   votar positiu 4   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions