CAPÇALERA: MARPOC
CAPÇALERA2: mot amagat

Jornalet, gaseta occitana d'informacions

Dissabte, 2 de julh

Joan-Marc Leclercq

Dimars, 21.6.2022 03h00

Los joens e l’abstencion


Comentaris 2 comentaris    
Dolent Fluix Bo Molt bo Fabulós (4 vòtes)
carregant En cargament





Au moment deu purmèr torn de las eleccions legislativas de l’Estat francés, la chifra de 70% d’abstencion de las joenas generacions a forçadament aperat l’atencion. La participacion deisha pas de baishar a cada còp, mes l’interès deus mens vièlhs de cap a las institucions pòt pas qu’interrogar los observators (e los autes).

E coma totjorn, cadun i vei pas que, solide, la confirmacion de çò que pensava. Mes totun, la nautat deu problèma es de notar.

L’ensems deus comentaris, disi plan l’ensems, se concentra suus joens e cèrca rasons dins lor mentalitat navèra. Manca d’educacion civica? La fauta d’internet e deus hialats sociaus?

La analisas se segueishen e degun pensa pas a interrogar la institucions, las questions se viran de cap a “qui” e non pas de cap a “qué”.

Èi pas jamés legit ni ausit quauqu’un se demandar se las institucions son pas despassadas, se les caleré pas reformar.

Se los vièlhs (dins los quaus me boti) son acostumats de’s pausar pas nada question per rotina e pr’amor d’una opinion largament espandida, benlèu qu’aus uèlhs deus joens, la democracia representativa a viscut sa vida e deveré deishar sa plaça a un sistèma mès dirècte.
 
Se prenguèm en exemple la refòrma de las retiradas, cresi que la màger part de la populacion es opausada a mès de 60%. E totun, estoc elegit un president qu’es a favor a 100%. E demòra una possibilitat que passe a l’Amassada nacionala mercés a un vòte deu grop Les Républicains que son tanben a favor. Democracia?
 
Sèm dambe un sistèma que data de las annadas 50 deu sègle passat per çò qu’es de sa version la mès modèrna. E la manca d’evolucion en mestior de foncionament de la vida publica es la causa pièger que posca arribara çò qu’aperam (benlèu ara a tòrt) la democracia. Aquò, i a pas que las joenas generacions que poscan sentir.
 
N’am la pròva devath los uelhs.
 
 
 
abonar los amics de Jornalet
 
 


 



publicitat
BANNER1 - comuna tolosa



Comentaris

23 de junh 14.20h

#1 Avem tot simplament oblidats d'ensenhar la democracia a l'escòla e dins la vita publica ? I trabalhats, dins l'ensenhament public ? Son los politicians e los grands financièrs internacionals (lors mecènbs eb campanha electorala) qu'an oblidat resolgudament çò qu'èra la democracia. Los joves non son pas mai piòts que los vièlhs ! Per los joves non van pas mai votar ? Que vòten "a esquèrra" o "a dreita", la politica aplicada pels elegits es sempre la meteissa, lo neoliberalisme mondi... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

21 de junh 07.04h

Avem tot simplament oblidats d'ensenhar la democracia a l'escòla e dins la vita publica.
Las elitas se son acostumadas a contornat la democracia e las fòrças democraticas volian daus demans que cantan sens se procupat dau foncionament de la democracia.
Qu'es aquò la democracia? Quò es tot simplment une relacion entre los uns e los autres au niveu d'un colectif ( estat, una region o una associacion).
D"alhors si l'òm divòrça en familha, l'òm pòd divorçar au niveu d'una associacion. ... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions