CAPCALERA: BOTIGA
CAPÇALERA2: OPLO

Jornalet, gaseta occitana d'informacions

Dimars, 27 de setembre

Joan-Marc Leclercq

Dimars, 12.7.2022 03h00

La Guingueta de Tornahuelha: un exemple de seguir


Comentaris 3 comentaris    
Dolent Fluix Bo Molt bo Fabulós (3 vòtes)
carregant En cargament





Lo dijòus 7 de julhet se daubriscoc a Tornahuelha (Gasconha tolosenca) un estanquet associatiu, aperat “guingueta” pr’amor que’s tròba au ras de l’aiga e que s’i pòt escotar musica e dançar cada ser, que son los elements indispensables per poder beneficiar d’aquesta apelacion.
 
Pequé parlar d’aquesta guingueta, lavetz que n’i a ara un pauc de pertot?
 
Pr’amor qu’es una iniciativa “ciutadana” sortida d’una estructura pro unenca per aquí que’s sona “l’Agòra”. Es la Comuna que decidiscoc, suu conselh deu delegat a la Democracia, Mathieu Bourgasser, d’amassar ciutadans tirats au sòrt per estar una fòrça de perpausicion de cap au conselh municipau. D’aquí neishoc una comission “guingueta”, puèi una associacion independenta segon la lei 1901 qu’entreprengoc d’apitar aqueste estanquet estivau.
 
Mantunas comunas hèn una crida aus privats per assegurar la venda de bevudas e minjar, quan sovent tanben l’endret es sancèrament privat. Aquí, non pas. Estoc demandat aus restaurators locaus de vénguer assegurar de ser la venda de mangiscla, mes son benevòles que’s seguissen darrèr lo taulèr per vénder de qué béver, mes tanben sietas de hromatges et carnsalada en jornada, tanvau glaças de fabricacion artisanala e locala.
 
Çò d’originau tanben es que lo programa de la jornada es daubèrt a las associacions de la vila que pòden exercir activitats de totas: descobèrta de la natura, leçons de bachata, talhèrs pedagogics suu climat, gimnastica volontària, talhèrs “Purmèrs Secors”, talhèr de decoracion de la guingueta peus dròlles, jòcs intergeneracionaus, lectura teatrala, Qi Gong, etc …
 
Trobaratz aquí lo programa deu mes de julhet, cada divendres, dissabte e dimenge, en tot saber qu’au mes d’agost la guingueta serà barrada: www.laguinguettedetournefeuille.org dambe un pichon mot de planvenguda en occitan.
 
Un exemple de vida en comun de seguir, solide …
 
 
 
abonar los amics de Jornalet
 
 


 



publicitat
BANNER1 - OPLO erasmus



Comentaris

13 de julh 22.39h

#2 L’article de Wikipedia ten pas de pèd…
Que restan qualques natius que te diran Tornaoeilha …


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

13 de julh 09.29h

#1 Es un explic interessant, lo de las oelhas. Peu moment i a pas d'etimologia oficiala peu nom de la vila, mes benlèu unas teorias, de las qualas la d'una tor, levat que n'i pas nada tor mencionada istoricament. Lavetz perdequé pas las oelhas ?


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

12 de julh 22.32h

Toponimia
Tournefeuille se ditz de parlar lengadocian en zòna gascona (riba esquèrra de Garona).
Tournefeuille se vira Vira-f(u)elha (L) o Vira-huelha (G), quand Torna-oelha (L) o Torna-aulha vòl díser ramène ou rentre brebis. La H gascona iniciala es quasi-muda al confinh èst de Gasconha...
Latin: ovícula : oelha, feda...
Una francizacion polida mes pas corrècta.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions