CAPCALERA: BOTIGA
CAPÇALERA2: OPLO

Jornalet, gaseta occitana d'informacions

Dimars, 27 de setembre

Joan-Marc Leclercq

Dimars, 19.7.2022 03h00

Ahar Uber / Macron


Comentaris 3 comentaris    
Dolent Fluix Bo Molt bo Fabulós (3 vòtes)
carregant En cargament


Stock Catalog




L’ahar “Uber - Macron” sortiscoc i a pas guaire, mes dejà a coneishut duas fasas: la de la mesa a la coneishença deu public de rapòrts tròp estrets entre la firma e lo ministre de l’epòca, e aquesta de la reaccion de l’interessat, que declarèc qu’aquò “le tocava una sense de hèr bolegar l’auta”.
 
Sus aquesta remèrca que veng d’un president de la Republica, podèm comprénguer que lo tipe, mandra finòta, saboc desviar l’atencion deu monde mercés a una frasa qu’estoc fòrça comentada e qu’ensagèc de cambiar de subjècte.
 
Totun, que machi jo per càder pas dens un cinisme tròp exagerat, mes èi plan enveja de levar los braces en l’aire en tot díser “Mes que son innocents aqueste monde!”
 
Semblaré que tot lo monde descobrisca pas qu’ara çò que son los grops de pression, aperats lobbies en francés. Ne profieiti per díser qu’au parlament europenc, i a dus lobbistas per un deputat, e totis en lor burèu a Estrasborg … Suspresa?
 
I a paises on Uber es interdit, coma Ongria, Turquia, Italia, a Brussèlas, New Delhi, e d’autes on los miaires benefician d’un estatut de trabalhador normau, coma los Paises Basses, lo Reiaume Unit e Soïssa. Non pas en França, país corromput. Los dossièrs mostran plan qu’Olaf Scholz, eth, a pas cedit a Uber.
 
L’ahar a mostrat qu’economistas coneishuts coma Nicolas Bouzou e Augustin Landier estón pagats per la firma per dehéner sus platèus de television la teoria qu’aquesta fòrma d’economia èra bona per l’ensems de la societat. Aqueste Landier es fòrça mediatizat, receboc lo prèmi de “milhor joen economista” en 2014 per Le Monde, lo Senat e lo Cèrcle deus Economistas. Ensenha … a Tolosa.
 
Doncas, de véser la suspresa deu monde, me disi que son pas brica assabentats sus çò que son los lobbies o com fonciona lo monde deu capital. Sufiré pas totun que de legir Propaganda d’Edward Bernays per ne saber un pauc mès. Ne parlava dejà en març de 2013 aquí.
 
E doncas dens l’ahar, i a un cèrt Emmanuel Macron, qu’èra a l’epòca ministre de l’economia, puish que vengoc president de la Republica, tornat elegit un dusau còp. Segon çò que sabèm, a ajudat bravament la firma de s’implantar dens lo país, especialament en tot aleugerir la legislacion, coma, per exemple, lo nombre d’oras de formacion, passadas de 250 a un parelh.
 
Ara coneishèm los rapòrts qu’an aguts, mes mancan totun quicòm: es la contrapartida. Sabèm de plan que la firma (qu’auré dirèctament escrits uns amendaments votats a l’amassada nacionala) a finançat largament la campanha presidenciala de Macron, mes es tot? I auré pas quicòm de mès? Com saber? Ne nos podèm dobtar, solide, cau pas contunhar de jogar los innocents.
 
Pas question de càder de sa cadièra en tot descobrir qu’un politician es estat corromput per una firma se sabèm plan que lo tipe en question èra banquièr d’ahar. Es pas especialament un filantròp que va guastar son temps dens una associacion lei 1901 per ajudar una causa o monde “que son pas ren”. A un casernet d’adreças plan empleat, l’a pas getat en tot sortir de la banca.
 
Mes benlèu que las revelacions van seguir …
 
 
 
 
abonar los amics de Jornalet
 
 


 



publicitat
BANNER1 - OPLO erasmus



Comentaris

19 de julh 15.35h

#2 Segur que lo mond se son desbrembats que le regim de 1958 es eissit d'un còp d'estat, que consagrèt retorn des notables vichistas au poder damb l'ajuda deu "liberator" De Gaulle...


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

19 de julh 13.04h

#1 Cal pas oblidar que son los franceses qu’eligiguèron dos còps lo sénher Macron. Per çò qu’es de l’afar Uber, cal responsabilizar los clients. Personalament ai pas jamai utilizat Uber. Tanpauc es pas gràcias à ieu que Mac Donald faguèt fortuna. Fa mai de 20 ans que vòti pas pus. Soi pas un afogat dels presidents reis. Ont son los franceses repotegaires per manifestar contra la cinquena republica e son sistèma presidencial digne d’un regim autoritari ? L’eleccion del sénhe... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

19 de julh 06.13h

Un pauc de cultura francesa, per l'exotisme :

https://www.youtube.com/watch?v=3pDB_b6II1Y

"Ni de gauche, ni de droite
Ni du centre, bien au contraire
Oui je vais te le faire à l'envers
Ou dans le cul si tu préfères

Je me présente, je m'appelle Macron
Avec moi, tu l'auras dans le fion
Mes ministres sont des faux-culs
Et leur devise, c'est dans ton cul

Maintenant que je suis ton président, président, président
Va falloir rentrer dans le rang, dans le rang, dans le rang
Maintena... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions