CAPCALERA: BOTIGA
CAPÇALERA2: OPLO

Jornalet, gaseta occitana d'informacions

Dimars, 27 de setembre

Joan-Marc Leclercq

Dimars, 26.7.2022 03h00

On es passat l’antimilitarisme?


Comentaris 4 comentaris    
Dolent Fluix Bo Molt bo Fabulós (6 vòtes)
carregant En cargament


Andrys Stienstra




Me brembi plan, quan èri joen, dens las annadas 70, mas annadas de licèu, que l’antimilitarisme èra plan desvolopat au demiei de la joentut. Benlèu vos brembatz deus dessenhs de Cabu o de las cançons “Paracadudista” de Maxime Le Forestier o “Dinc a la cinta” de Graeme Allwright.
 
Se m’engani pas, vesi màgerment très rasons a la preséncia d’aqueste sentit en çò dèus joens de l’epòca.
 
Purmèr, solide, que lo servici militar èra obligatòri. Totis avèvan en cap una o mantunas anecdòtas sus la peguessa de las règlas de l’institucion. L’amiguet de ma sòr me condava com, lavetz que trabalhava a l’endehòra per temps de nèu dens lo famós Camp de Ger, un colhon de superior ierarquic hasèva seguir estrictament la règla d’aver las manjas reviradas, devath la pena d’acabar en preson.
 
La dusau rason èra sense de dobte las protèstas contra la guèrra au Viêt Nam que coneishèva lavetz son apogèu. Artistas e intelectuaus americans e europencs laudavan la Patz dens un contèxte dramatic.
 
La tresau rason èra la fòrta preséncia dens ma generacion de hilhs d’anarquistas catalans, enchafrats “republicans espanhòls”, que contunhavan, dens una cèrta mesura, lo combat dèus pairs.
 
Mes ara, dempuèi qu’aqueste servici nacionau es pas mès obligatòri, la question de l’armada se pausa, solide, fòrça mens. E totun aquò nos hè manca.
 
Au moment on l’armada russa a atacat son vesin, se parla fòrça de las marridas accions qu’acompanhan automaticament cada accion militària au demiei deus civius.
 
E los comentaris, suus hialats sociaus, nòtan sovent que “Los Russes an hèit aquò... “ o quitament “La Russia a hèit aquò...”. Jo, m’i hè tostemps de díser que manca lo mot “armada”, que cau díser “l’armada russa” o “los soldats russes”, m’acari sovent à una manca de compreneson.
 
La preséncia d’una armada sembla ara passada dens una logica que’s pausa pas nada question.
 
Lo monde comprenen pas tròp que “sens armada, nada guèrra” e, causa susprenenta, se renden pas compte qu’utilizan los arguments deus dehensors americans deu dret de portar armas de la NRA, lavetz qu’i son opausats.
 
Per eths, l’armada es pas un problèma, lo problèma veng d’aqueste que se’n servís. Precisament com Donald Trump que ditz qu’es pas un problèma d’arma automatica mes un problèma psicologic.
 
Lavetz qu’en Euròpa, un hòu va cridar per carrièra e serà cuelhut per una ambulància quan lo medish aus Estats Units se va crompar un fesilh automatic e tuar dròlles dens una escòla. Vaqui la diferéncia. Potin sense armada auré pas hèit ren.
 
 
 
abonar los amics de Jornalet
 
 


 



publicitat
BANNER1 - OPLO erasmus



Comentaris

26 de julh 17.20h

Ont es passat l’antimilitarisme, car Joan-Marc ? Demoram, el e ieu, a la meteissa adressa, e ne poiràs préner novèlas a cadun de mos tèxtes d'opinion (çò mai clar essent versificat dins mas "Cronicas demiurgicas")…


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

26 de julh 10.49h

Blancha o roja, l'armada obeit a un poder mesma si es dictatorial perque lo poder nomma lo generau que comanda tot.
Autre còp, l'armada era colonisatritz; uei es liberatriz perque se rend ben compte que los poders en plaça au niveu nacionau coma internacionau fan una politica contraria aus interests de l'ensemble de la populacion e dau respect de l'environnement. L'armada es a la poncha d'una tecnologia e en vai los travers mielhs que lo pòple.

Dins lo Var, i a un capitani que faguet... Legir la seguida


Valora aquest comentari:   votar positiu 2   votar negatiu 3
Respondre comentari replica Comentari inadequat   Formulari d'abús de comentari

26 de julh 10.49h

Blancha o roja, l'armada obeit a un poder mesma si es dictatorial perque lo poder nomma lo generau que comanda tot.
Autre còp, l'armada era colonisatritz; uei es liberatriz perque se rend ben compte que los poders en plaça au niveu nacionau coma internacionau fan una politica contraria aus interests de l'ensemble de la populacion e dau respect de l'environnement. L'armada es a la poncha d'una tecnologia e en vai los travers mielhs que lo pòple.

Dins lo Var, i a un capitani que faguet... Legir la seguida


Valora aquest comentari:   votar positiu 3   votar negatiu 4
Respondre comentari replica Comentari inadequat   Formulari d'abús de comentari

26 de julh 08.07h

Adara enqüèra , quan se vei çò que hen las armadas un chic pertot en lo monde, i a de qué soscar ! e se mesfisar ... ! Birmania d'aquestes jorns , osca ? E tantes autes on l'armada , prevista per "protegir" lo país, se crei lo dret de hèser putsch e governar . En França quitament , n'oblidam oas lo Bonaparte ... e autes mauhasents... L'armada es un poder amagat

Un país gausa n'aver pas nada armada : lo Costa-Rica . Se ditz que los ci... Legir la seguida


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions