CAPCALERA: BOTIGA
CAPÇALERA2: OPLO

Jornalet, gaseta occitana d'informacions

Dimars, 27 de setembre

Joan-Marc Leclercq

Dimars, 16.8.2022 03h00

La culpa d’Amnesty International?


Comentaris 2 comentaris    
Dolent Fluix Bo Molt bo Fabulós (4 vòtes)
carregant En cargament


Agnes Callamard, secretària generala d'Amnestia Internacionala
© Pacific Press Agency/Alamy Stock Photo




La hèita: lo 4 d’agost, l’organizacion Amnesty International publica un tèxte que bota en evidéncia lo biaish drin dangerós per la populacion civila dambe lo quau l’armada ucrainiana dispausa sas unitats de defensa, es a díser au bèth miei de parçans poblats. Balha dètz e nau exemples on èran instaladas basas e desplegadas armas dens sectors residenciaus.
 
I avoc dejà l’exemple d’un centre comerciau d’un barri popular de Kyiv qu’estoc bombardat e, uns jorns mès tard, estoc reconeishut qu’èra una basa de defensa antiaeriana.
 
Aqueste tèxte estoc criticat peu govèrn ucrainian e peu president Zelenski purmèr. Dens son parladís quotidian, digoc qu’ “es una temptativa d’amnistiar un país terrorista”, que plaça “la victima e l’agressor sus un pè d’egalitat”.
 
De son costat, la branca ucrainiana de l’organizacion protestèc contra lo rapòrt qu’a “volgut a tota fòrça empachar d’estar publicat” e tanben “qu’a refusat de revirar en ucrainian”. Oksana Pokalchoc, sa responsabla, desmissionèc.
 
Dens un comunicat seguent, l’organizacion presentèc sons “degrèus pergonds d’aver causadas destressa e colèra” mes “en tot manténguer sas conclusions.”
 
Mes es pas tot. La premsa francesa tanben se hascoc lo reclam de l’indignacion presidenciala.
 

Le Point: “La defensa deus Drets Umans son entre mans estranhas.”
 
Le Figaro: (Aqueste rapòrt ..) “desconeish las realitats de la guèrra d’artilleria miada per Russia.”
 
France Info: “Es una dèca d’Amnesty International.”
 
Aquò es pas susprenent. Nos torna mandar dens un deus vielhs demònis de la premsa francesa: son maniqueisme que’u pega a la pèth e sa manca d’aubi o de discerniment.
 
Amnesty a publicat 25 rapòrts que denóncian l’armada russa e sons excesses dens aquesta guèrra. Sufís pas que d’un sol que bota en lutz los mancaments de l’armada ucrainiana per que sia acusada d’estar l’avocat de Moscòu.
 
Cau a tota fòrça qu’i aja un complètament Maishant e un complètament Bon. Cau a tota fòrça qu’aquò se semble un film american. Totun, solide, dens aquesta ahar i a un agressor e un atacat, i a monde que patissen, que son quasi totis ucrainians, mes cau pas hèr créser qu’un pòble e lo poder que’u mia, tot coma son armada, es la medisha causa.
 
Dens un moment de crisi coma lo d’una guèrra, la causa jmès mauaisida es de demorar lo cap fred e de poder espiar los eveniments dambe clartat. Es pas aisit. La tension es hauta e cada mot pòt estar interpretat d’un biaish marrit.
 
S’i a ucrainians qu’an los nèrvis tibats pr’amor que lor vila es estada bombardada e qu’an devut huéger, aquò se compreng aisidament.
 
Mes de la part de jornalistas parisencs deus quaus lo mestièr es …, coma ac definissèva George Orwell, “d’escríver causas que quauqu’un vòu pas véser publicadas”, aquò se compreng mens.
 
 

abonar los amics de Jornalet

 



publicitat
BANNER1 - OPLO erasmus



Comentaris

17 d'agost 18.35h

#1 Mes que l'utilizi ! Me servissi pas que deus onglets Rei Bèthvéder e per Noste. Lavetz, solide i a fautas de pica (jmès) mes per contra dens ma version originala avèvi escrit "colpa" (corregedor automatic ?), lo Rei Bèthvéder balha "ucrainian" e per çò de "ahar", volèvi plan escríver "ahar", doncas "afar" en lengadocian, es pas una error. Per çò de "dèca" comprengui pas tròp çò que volètz díser.
Se que non mercés per las remèrcas.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

17 d'agost 12.37h

*culpa > cOlpa (mas Unpels cultismes, com Culpabilitat)

*ucrainiana > ucraÏniana

instaLLadas

*desmissionar > demissionar

*sus un pè d’egalitat > EN un pè d’egalitat

*artilleria > artilHeria

*dèca > dèca

*maniqueisme > maniqueïsme

*aquesta ahar > aquest anar

*Jmès > jamès

*complètament > complEtament

Que'vs caleré emplegar lo corrector deu Congrès


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions