CAPÇALERA: IEA-AALO
CAPÇALERA2: OPLO

Jornalet, gaseta occitana d'informacions

Dimars, 29 de novembre

Joan-Marc Leclercq

Dimars, 30.8.2022 03h00

Los comuns sense genre e autas nautats


Comentaris 8 comentaris    
Dolent Fluix Bo Molt bo Fabulós (10 vòtes)
carregant En cargament





Es au parat d’una escala a l’aeropòrt de Londres-Stansted que vesoi un panèu qu’aperèc mon atencion. Indicava comuns “neutres de genre”. Com ac podètz véser sus l’imatge que prengoi, i avèva quitament un petit dessenh qu’illustrava la causa, un personatge a mièja hemna, a mièja òmi.
 
Estoi susprés, qu’èra lo purmèr còp que’n vesèvi, e solide cau anar de cap au Reiaume Unit per aquò.
 
Soi pas segur de comprénguer de plan çò que pòt estar una persona sense genre, mes cresi que s’agís de quauqu’un que’s reconeish pas ni com mascle, ni tanpauc com fumèla.
 
Mes èi pas besonh de comprénguer lo fenomèn perhèitament per me díser qu’es un progrès. Pòt ajudar monde, quitament se son una pichona minoritat, de’s sentir mès adaise dens una societat on ren es pas pervist per eths/eras.
 
Mes ma suspresa estoc que, quan ne parlèi a l’entorn, sentiscoc en çò de mantuns, totun absoludament pas omofòbes o quicòm atau, una geina que’m podoi pas explicar.
 
Una geina que retròbi sovent dens charradissas dambe amics e coneishenças, que poderí aperar lo “èra-milhor-abans”. Èi l’impression que fòrça monde son destabilizats de cap a las nautats, de cap a tot çò qu’existíssèva pas quan èran dròlles.
 
Podètz pas imaginar lo nombre de publicacions sus Facebook dambe una fòto de dròlles dens las annadas 70, on es escrit qu’èra “lo bon temps, quan los hialats sociaus existissèvan pas”. Sus un hialat sociau!
 
Me bremba aquò la paur de tot çò qu’es aperat “woke” e que son causas mescladas qu’an pas totjorn un rapòrt entre eras, se que non que son un biaish navèth (bon o marrit) de jutjar lo passat.
 
Lo refús tanben d’unas refòrmas de l’ortografia se pòt tanben associar a aqueste fenomèn. Quant crits d’orror am pas vists qu’an an cambiat lo nom deu coquets “tête de nègre” que com totis ac saben, es pas un nom insultant, enfin, peus Blancs au mens.
 
En tot i soscar, cresi que s’agís d’una tendéncia universala e comuna a benlèu tot lo genre uman, es la paur deu cambiament, deu desconeishut, de çò qu’èra pas auperabans e que pòt semblar una miaça peu monde actuau. La paur de pas jamès retrobar lo monde de son enfança.
 
Qu’an èram joens vòlevam tot cambiar, ara que sèm vièlhs, nos planhèm de çò que los joens vòlon tot cambiar. E atau dempuèi que lo monde es monde.
 
 
 
abonar los amics de Jornalet
 
 


 



publicitat
BANNER1 - OPLO erasmus



Comentaris

5 de setembre 08.51h

#6 Lo viure ensemble es una valor cardinala. Quand se comença de botar los uns d'un costat e los autres de l'autre, las una d'una costat e las autras de l'autre, es la debuta de quicòm de doloros.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 de setembre 08.35h

#6 Se volèm plan veire la realitat, la màger part del temps los comuns son comuns. Dins mon vilatge, a la sala de las fèstas, i a dos cagadors. I a pas un pel òmes e un per las femnas. E los dos son equipats pels andicapats. I a plan sovent dins los pichons establiments (cafès, restaurants...), los jaces e los refugis de montanha, i a un sol cagador o de comuns vertadièrament comuns.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

4 de setembre 21.04h

#2 Ara fau un an d'estudis en Suèda e dins un bar monte siáu anat l'autre jorn lei comuns èran totalament comuns, e de verai fa fòrça plaser de va veire


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

4 de setembre 21.01h

Qué fa plaser per un còp, de veire un article qu'es pas a cridar e a udolar ambé panica tre que l'i a una novèla cauva dans la societat, subretot quora pertòca lo genre que sus Jornalet la comunautat s'es mostrada de còp pieger que lei reaccionaris lei mai òrres en comentaris.

Doncas veraiament gramací, fa veraiament plaser, subretot en aqueu periòde.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

30 d'agost 11.01h

« Una tendéncia universala e comuna a benlèu tot lo genre uman, es la paur deu cambiament, deu desconeishut, de çò qu’èra pas auperabans e que pòt semblar una miaça peu monde actuau. La paur de pas jamès retrobar lo monde de son enfança. » "Páur" me sembla un mot fòrt : tot segur, quand s'agís de racisme, contra una color de pèl, una color de fe o una color de lenga, si qu'es de paur irracionala ! Mas pas sonque. D'un biais egocentric e individualista, i se pòt tanben trobar u... Legir la seguida


Valora aquest comentari:   votar positiu 6   votar negatiu 3
Respondre comentari replica Comentari inadequat   Formulari d'abús de comentari

30 d'agost 10.46h

Qu'aimi la tua conclusion!
S'ai plan comprés, los comuns de l'aeropòrt prepausan un tresen cagador?
Soi d'aqueles de se demandan perqué i a encara de cagadors diferents pels mascles e per las femnas. Es pas lo cas a l'ostal, es pas tanpauc lo cas dins tot plen d'entrepresas e d'espacis publics. Lo progrès (segon ieu) seria de suprimir aquesta segregacion espaciala.


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

30 d'agost 10.46h

Qu'aimi la tua conclusion!
S'ai plan comprés, los comuns de l'aeropòrt prepausan un tresen cagador?
Soi d'aqueles de se demandan perqué i a encara de cagadors diferents pels mascles e per las femnas. Es pas lo cas a l'ostal, es pas tanpauc lo cas dins tot plen d'entrepresas e d'espacis publics. Lo progrès (segon ieu) seria de suprimir aquesta segregacion espaciala.


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

30 d'agost 06.42h

Le pissa-neutre i pòt triar discrètament entre pissar de pèd e pissar aquiolat?


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions