Dimars, 25.10.2022 03h00
I a, a còps, informacions que’vs arriban mes que comprenguètz pas de tira. Pr’amor, solide, qu’es de mau comprénguer. O, se volètz, n’atz pas la nocion necessària.
Atau ausiscoc qu’au bèth miei deu conflicte en çò de Total Énergies, estoc arcastat au patron de la firma de s’estar autrejat una augmentacion de salari (caleré milhor díser “de revenguts”) de 52% lavetz que los trabalhadors de son entrepresa se baten per aver tanben un creish de salari d’au mens 10%.
Los revenguts d’aqueste patron son, ac cau díser, ara de 6 milions d’euros l’annada. Se dehenoc sus Twitter en tot díser qu’avèva baishat son salari las annadas de la pandemia e que, es aquò lo mes interessant, qu’es pas lo patron mès pagat deu CAC40. Es vertat.
Lo patron mès pagat en França es lo de Dassault Systèmes que ganha 44 milions d’èuros cada annada. 44 milions... Aquò que hè 44 000 000 euros.
Solide que vosautes, com jo, atz pas la nocion de çò que pòt estar 44 milions e de çò que’s pòt hèr dambe autandes sòus. Es pr’amor que sètz monde normaus.
Davant una tala chifra, cresi que cadun a la medisha reaccion, de’s demandar: “Soi jo que soi pas normau o los autes, que semblan trobar aquò acceptable”?
Pr’amor que la question màger es de saber s’aquò es normau. Jo, ac cresi pas. Se calculam dambe un salari de 2 000 euros nets, lo patron de Dassault cruba 18.333 còps mes de moneda. Benlèu que m’engani e que s’agisca de brut peu patron, botèm, lavetz aquò no haré 10 000 còps mès. 10 000 còps mès.
Qui pòt pensar que lo patron es 10 000 còps mès intelligent, qu’a estudiat 10 000 annadas de mès, que trabalha 10 000 còps mès que lo que trabalha dens sas usinas?
Çò que m’estonava en istòria, es de saber com los nòbles avèvan podut deishar créser au bon pòble, pendent l’Ancian Regime, que lors privilègis èran meritats e justes? Es de pas créser, non pas?
E ben los grans patrons deu CAC40 s’i escaden tamben de hèr pensar que tot aquò es normau, qu’i a monde qu’ac cresen.
Comentaris
25 d'octòbre 17.39h
Lou primier blog nociounolisto ouciton en lengo d'oc es noscut
http://nationoccitane.canalblog.com/
Valora aquest comentari:
3
1
25 d'octòbre 06.47h
Çò qu'’estonava l'autor de l'article, en istòria, es de saber cossí los nòbles avián pogut far creire al bon pòble dels pageses e dels mestierals, pendent l’Ancian Regime, que lors privilègis èran meritats e justes ? Aquò, si qu'es totun de creire, al començament. Per dos camins :
1) Lo pagés noirissiá lo mond, puèi deviá de sa recòlta al nòble.
2) Lo mestrieral deviá moneda (e servicis, notadament de farga) al nòble.
3) Lo clergat el, a fait creire qu'èra indispensable,... Legir la seguida
Valora aquest comentari:
6
10
1
Comenta
Lo comentari es estat mandat corrèctament
2 comentaris
(11 vòtes)
En cargament
2 comentaris
Mandar
