CAPCALERA: PAIS INVISIBLE
CAPÇALERA2: mot amagat

Jornalet, gaseta occitana d'informacions

Diluns, 6 de febrièr

Joan-Marc Leclercq

Dimars, 1.11.2022 03h00

Doble escandale Pfizer?


Comentaris Pas cap de comentari    
Dolent Fluix Bo Molt bo Fabulós (10 vòtes)
carregant En cargament





Aqueste còp, èi remercat duas informacions que segotissen drin la telaranha, e çò de susprenent es qu’esmaven pas QUE la telaranha, lavetz qu’es un subjècte deu quau la totalitat deus mèdias an parlat fòrça pendent duas annadas cada jorn coma purmèra informacion. Ara be son silencioses aquò dessús. De qué s’i tracta?
 
Doncas èi vist passar las informacions que:
 
— Lo burèu deu procuraire europenc daubrís una enquista sus los contractes de crompa deus vaccins contra lo COVID per l’UE e particularament per la presidenta deu parlament, Ursula von der Leyen.
 
— Interrogada per Rob Roos, un deputat olandés europenc, la presidenta deus mercats europencs de Pfizer, Janine Small (véser fòto) a explicat que la firma avèva procedit a nat ensai sus la transmission abans d’estar botat suu mercat.
 
Doncas solide èi picat sus la telaranha per trobar entresenhas de mès. Mes estón pas que sitis qualificats generalament de “complotistas” que Google prepausèc en purmèr. Sitis coma: “Veridik”, “la-verite-nous-rendra-libre”, “francesoir”, “euraktiv”, etc …
 
Sol Libération ne parlèc dens sa rubrica Checknews (Es atau que me n’assabentèi) on, un drin estranhament, afirmèc que “Non, la representanta de Pfizer avoèc pas la manca d’ensais, èra causa sabuda dempuèi la debuta …” Ah bon? Sabuda per qui? …
 
Doncas la question que pausi, en dehòra deu debat suu vaccin que m’interèssa pas tròp, que soi pas mètge, es de saber pr’amor los jornaus e la cadenas de television màgers ne’n parlan pas? Per amagar la responsabilitat deus govèrns qu’an crompats dòsis per miliards d’euro e qu’an assegurat que calèva “protegir los autes” en botar en plaça una politica de quasi-obligacion (lo passa vaccinau) dambe la risca de pèganhar sus las libertats individualas?
 
S’ajustam ad aquò l’ahar de la crompa au nom de l’UE deus vaccin per Dauna von der Leyen que vòu pas publicar los SMS qu’escambièc dambe la firma Pfizer, lavetz que son marit es PDG d’Orgenesis, entrepresa farmaceutica qu’a investit dens l’encastre de la pandemia de Covid-19, tot aquò que non hè pas tròp seriós.
 
E un còp de mès, çò d’estranh es lo “silenci eishordaire” deus mèdias màgers. Per astre, am la telaranha.
 
 
 
abonar los amics de Jornalet
 
 


 



publicitat
BANNER1 - OPLO erasmus



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OC Brigada

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions