Opinion
R.I.P. Democracia
Aqueste còp, i sèm.
Aquò que hè bèra pausa que daubuns denoncian lo hèit que l’Estat de l’exagòne es pas mès en Democracia mes es un regime plenipotenciari. Es un pauc un tabó, mes ara l’ahar de la refòrma de las retiradas que’n pòrta la pròva pro clarament. Pr’amor?
A la debuta, de cap a la fin de 2022, uns sondatges balhavan 85% deus franceses opausats a la refòrma. Vos boti aquí grafics per vos avisar de çò qu’aquestas chifras pòden representar. Puèi, a la debuta de 2023, benlèu dambe questions pausadas diferentament, un sondatge de BFMTV balhava 66% contra la refòrma e un aute de Harris Interactive-Toluna per RTL e AEF Info, publicat lo 18 de genièr mostrava que 72% de las personas interrogadas trobavan la refòrma “injusta”. Vau doncas prénguer 75% coma valor mejana de monde clarament opausats a la refòrma, sia los tres quarts de la poblacion.
E doncas normalament, en Democracia, aquesta refòrma deveré estar pas aplicada mes aute còp discutida. E per malastre cresi qu’ac serà. Es lo president contra lo pòble. Lo contrari de la Democracia.
Disi qu’ac serà pr’amor que lo nombre de manifestants o los jorns de cauma le van pas “tocar una sense hèr bolegar l’auta” per emplegar un discòrs presidenciau. Se trufa complètament de çò que pòt pensar lo pòble.
L’argument “democratic” d’Emanuel Macron es de díser qu’aquesta perpausicion èra dens son programa au moment de l’eleccion. E ben justament: sabèm plan (legir mon article deu 26/04/2022) que solament 19% de las personas en edat de votar se son desplaçats per botar un butletin Macron dens l’urna, sia un pauc mens que non pas 1 persona de 5. Podèm quitament díser que mès de 80% an pas aprovat son programa.
Es de remercar tanben que l’absurditat deu sistèma hè que la grana majoritat deu monde qu’an manifestat lo 19 de genièr contra la refòrma avèvan votat Macron contra Marine Le Pen au dusau torn, coma la grana majoritat deu monde que manifestèc contra la “Lei Trabalh” de Hollande avèva votat per … Hollande. I auré coma un pichon sentiment d’escroqueria dens aqueste sistèma.
Lo problèma es doncas que nos cau votar per personas e non pas per idèias o projèctes, coma deveré estar dens una Democracia vertadièra. Soïssa n’es un bon exemple, pas perhèit, solide, de milhorar sense de dobte, mes basada sus un federalisme institucionau.
Ara que l’engana apareish au jorn, me demandi quantas personas van gausar botar en question lo sistèma ….
Aquò que hè bèra pausa que daubuns denoncian lo hèit que l’Estat de l’exagòne es pas mès en Democracia mes es un regime plenipotenciari. Es un pauc un tabó, mes ara l’ahar de la refòrma de las retiradas que’n pòrta la pròva pro clarament. Pr’amor?
A la debuta, de cap a la fin de 2022, uns sondatges balhavan 85% deus franceses opausats a la refòrma. Vos boti aquí grafics per vos avisar de çò qu’aquestas chifras pòden representar. Puèi, a la debuta de 2023, benlèu dambe questions pausadas diferentament, un sondatge de BFMTV balhava 66% contra la refòrma e un aute de Harris Interactive-Toluna per RTL e AEF Info, publicat lo 18 de genièr mostrava que 72% de las personas interrogadas trobavan la refòrma “injusta”. Vau doncas prénguer 75% coma valor mejana de monde clarament opausats a la refòrma, sia los tres quarts de la poblacion.
E doncas normalament, en Democracia, aquesta refòrma deveré estar pas aplicada mes aute còp discutida. E per malastre cresi qu’ac serà. Es lo president contra lo pòble. Lo contrari de la Democracia.
Disi qu’ac serà pr’amor que lo nombre de manifestants o los jorns de cauma le van pas “tocar una sense hèr bolegar l’auta” per emplegar un discòrs presidenciau. Se trufa complètament de çò que pòt pensar lo pòble.
L’argument “democratic” d’Emanuel Macron es de díser qu’aquesta perpausicion èra dens son programa au moment de l’eleccion. E ben justament: sabèm plan (legir mon article deu 26/04/2022) que solament 19% de las personas en edat de votar se son desplaçats per botar un butletin Macron dens l’urna, sia un pauc mens que non pas 1 persona de 5. Podèm quitament díser que mès de 80% an pas aprovat son programa.
Es de remercar tanben que l’absurditat deu sistèma hè que la grana majoritat deu monde qu’an manifestat lo 19 de genièr contra la refòrma avèvan votat Macron contra Marine Le Pen au dusau torn, coma la grana majoritat deu monde que manifestèc contra la “Lei Trabalh” de Hollande avèva votat per … Hollande. I auré coma un pichon sentiment d’escroqueria dens aqueste sistèma.
Lo problèma es doncas que nos cau votar per personas e non pas per idèias o projèctes, coma deveré estar dens una Democracia vertadièra. Soïssa n’es un bon exemple, pas perhèit, solide, de milhorar sense de dobte, mes basada sus un federalisme institucionau.
Ara que l’engana apareish au jorn, me demandi quantas personas van gausar botar en question lo sistèma ….
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Tiò, me brembi que Hollande avèva prometut de hèr ratificar la Carta de las Lengas minorizadas mes avèvi pas prometuda la Lei Trabalh. Una engana, qué.
Lo problèma es doncas que nos cal votar per personasque nos vendon d'idèas o de projèctes que non an jamai agut l'intencipon d'aplicar, mai que de votar dirèctament, per via referendària, per de leis.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari