Bandièra01 1180x150: Comuna de Tolosa

Opinion

Descriptatge economic o propaganda?

Joan-Marc Leclercq

Joan-Marc Leclercq

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

Mai d’informacions
Sus France Info i a fòrça cronicas tota la setmana, que, sovent, son repapiadas a divèrs oraris. Una a aperada mon atencion, se sona Décryptage éco e es realizada per la jornalista Fanny Guinochet.
 
Purmèr, l’idèia de “descriptatge”, mot utilizat sovent per jornalistas per qualificar lors analisis, m’agrada pas brica. Aquò voleré díser que l’informacion nos arribaré criptada, sia de mau comprénguer per nosautes paures mortaus sense l’ajuda deus especialistas que nos balhan a l’encòp l’explicacion e doncas tanben la vertat. Se cau dejà mauhisar.
 
E prengoi i a pas guaire suu hurt (o “la man dens la saca” se volètz) la Dauna Guinochet que hasèva marrida propaganda governamentala sus la refòrma de las retiradas.
 
Tornava emplegar un argument deu ministre de l’Economia, Sénher Bruno Lemaire, per justificar la refòrma: calèva trabalhar mès per aver mès de P.I.B. pr’amor deu deute nacionau que representa ara 113% (!) d’aqueste P.I.B. Soi un ase en economia, mes m’i coneishi totun pro per comprénguer qu’aquò se sona “comparar peras dambe pomas” o “gats dambe cans”.
 
Prenguètz la definicion Larousse oficiala deu P.I.B.: “Soma de las valors ajustadas realizadas anualament suu territòri nacionau”. Es clar: anualament. E lo deute, en cambi, “cor” sus au mens dètz, quinze o vint ans. Se prenguèm quinze ans coma mejana, auram lavetz la chifra de 7,5% deu P.I.B. L’impression que’n sortís es pas brica la medisha.
 
Per comprénguer milhor, se quauqu’un que ganha cada mes 2. 000 euros nets a hèit un manlèu a la banca de 120. 000 euros per se pagar un ostau, son deute representarà uns 500% de son “P.I.B.”, lavetz que sa situacion seré meslèu confortabla.
 
Seré doncas plan milhor que France Info demorèsse una cadena d’informacion e vengosse pas un canau de propaganda, una mena de France Décryptage, se volètz. Es un pauc, per malastre, lo cas.
 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
5.

Descriptatge economic o propaganda ? Criptatge economic e propaganda !

  • 1
  • 0
Farda lorda
4.

#3


Me vau pas far cagar de revirar tot aquò en occitan :

https://www.latribune.fr/economie/france/charge-de-la-dette-francaise-pourquoi-le-fardeau-s-alourdit-925017.html

Bona legida

  • 1
  • 2
Mèfi! 31
3.

Çò d'important es le servici del deute, çò es le remborsament annadièr del cabdal e dels interesses.
Mas le deute public tend a èsser una rotacion dels manlèus, lis nòus que remplaçan lis ancians.
Es una forma de locacion permanenta de monèda, pagada damb'els interesses.

  • 0
  • 0
Mèfi! 31
2.

Çò d'important es le servici del deute, çò es le remborsament annadièr del cabdal e dels interesses.
Mas le deute public tend a èsser una rotacion dels manlèus, lis nòus que remplaçan lis ancians.
Es una forma de locacion permanenta de monèda, pagada damb'els interesses.

  • 0
  • 0
Mèfi! 31
1.

Çò d'important es le servici del deute, çò es le remborsament annadièr del cabdal e dels interesses.
Mas le deute public tend a èsser una rotacion dels manlèus, lis nòus que remplaçan lis ancians.
Es una forma de locacion permanenta de monèda, pagada damb'els interesses.

  • 2
  • 0

Escriu un comentari sus aqueste article