Bandièra01 1180x150: Comuna de Tolosa

Opinion

Vergonha per Euròpa

Joan-Marc Leclercq

Joan-Marc Leclercq

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

Mai d’informacions
I a causas atau, que’vs hèn demandar perqué lo monde reaccionan pas mès a informacions qu’arriban e que semblan tan importantas. La responsa es simpla: depen de la plaça que’us balhan los mèdias dens la ierarquia deus subjèctes tractats. Per çò de qué vau parlar ara, semblaré, per exemple, que France 2 l’aja pas jamès evocat dens son edicion màger de 20h.
 
Lo jornau american New York Times a sasit la justícia lo 25 de genièr per obligar la Comission europenca de publicar los SMS escambiats entre sa presidenta, Ursula von der Leyen, e lo patron de Pfizer, Albert Bourla.
 
De qué s’agís? Es un escambi que tractava de la crompa per la Comission de 1,8 miliard de dòsis de vaccins fabricats per Pfizer contra lo Covid19. Cau saber qu’Albert Bourla avèva dejà refusat de vénguer au parlament en octobre de 2022 e avèva mandat a sa plaça Janine Small, presidenta deus mercats internacionaus. (Que, devath lo pos de las questions de deputats, expliquèc que pas nat essai sus la transmisison avèvan estats hèits abans la mesa suu mercat, mes aquò’s una auta istòria.)
 
Lo clam deu News York Times concernís lo hèit que Ursula von der Leyen volha guardar secretas las clausas d’un mercat pertocant la santat publica, pagat uns miliards dambe sòus publics au nom deus estatjants de l’Union, que la presidenta de la comission es supausada representar.
 
Es doncas un vergonha que s’agisca d’un jornau extra-europenc que demanda justícia sus un ahar que pertòca la democracia en Euròpa, on pas nat jornau (levat benlèu lo Bild aleman), nada television, nada ràdio, nat partit politic sembla pas aver lo coratge ni la possibilitat d’ac hèr.
 
Après l’escandale deu Qatargate (sacas de bilhets venguts deu Qatar retrobats dens l’apartament d’Eva Kaili, vici-presidenta deu parlament europenc), la moralitat de las instàncias de l’Union sembla fòrtament aflaquida.
 
La darrèra informacion qu’arribèc estoc aquera qu’una “instància deu parlament” a refusat a l’encòp de demandar a Ursula von der Leyen de respóner publicament a las demandas deu deputats sus aqueste ahar e tanben d’interdíser l’accès deus sòcis deu lobby de Pfizer au parlament, qu’an … un burèu a dispausicion.
 
Se volètz detalhs sus aqueste clam deu jornau american, ensajatz pas de’n trobar sus France 2, qui difusèc divendres un reportatge sus las chouquettes o une familha que practica la bicicleta en vacanças en bòrd de mar…
 
 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Cercaval
2.

«... on pas nat jornau (levat benlèu lo Bild aleman), nada television, nada ràdio, nat partit politic sembla pas aver lo coratge ni la possibilitat d’ac hèr. »
https://www.humanite.fr/social-eco/union-europeenne/negociations-secretes-avec-pfizer-l-etau-se-resserre-autour-de-von-der-leyen-770382

  • 0
  • 0
Farda lorda
1.

De se rementar l’article 42 :

Tot ciutadan de l’Union tanplan coma tota persona fisica o morala que damora, o que ten un sèti estatuaire dins un estat membre, ten lo drech d’accès als documents de las enstitucions, organs e organismes de l’Union,de qu’un que siòsque lo supòrt lor.

Tout citoyen de l'Union ainsi que toute personne physique ou morale résidant ou ayant son siège statutaire dans un État membre a un droit d'accès aux documents des institutions, organes et organismes de l'Union, quel que soit leur support.

https://www.rfi.fr/fr/europe/20230219-covid-19-le-new-york-times-saisit-la-justice-%C3%A0-propos-de-sms-%C3%A9chang%C3%A9s-entre-pfizer-et-von-der-leyen

Carta dels drechs fondamentals de l’U.E (article 42 e los autrís)

https://eur-lex.europa.eu/legal-content/FR/TXT/?uri=celex:12012P/TXT

Aquò rai ara es al pic de mòda (dernière mode) tot lo mond leva l’afar en bruda

S’en parla aqui :

https://www.rfi.fr/fr/europe/20230219-covid-19-le-new-york-times-saisit-la-justice-%C3%A0-propos-de-sms-%C3%A9chang%C3%A9s-entre-pfizer-et-von-der-leyen

https://www.politico.eu/article/new-york-times-sue-european-union-ursula-von-der-leyen-pfizer-texts/

https://www.ouest-france.fr/sante/virus/coronavirus/le-new-york-times-saisit-la-justice-pour-devoiler-des-sms-echanges-entre-pfizer-et-von-der-leyen-48164772-ae09-11ed-a7fa-81e9d82a996b

https://www.touteleurope.eu/institutions/covid-19-le-new-york-times-poursuit-la-commission-europeenne-en-justice/

https://www.euractiv.fr/section/sante-modes-de-vie/news/le-new-york-times-saisit-la-justice-sur-laffaire-des-sms-entre-ursula-von-der-leyen-et-pfizer/

Complòt o pas :

Nord stream

https://www.courrierinternational.com/article/nord-stream-le-journaliste-seymour-hersh-affirme-que-washington-a-sabote-les-gazoducs-moscou-demande-une-enquete

https://www.wsws.org/fr/articles/2023/02/11/pers-f11.html
https://scheerpost.com/2023/02/08/how-america-took-out-the-nord-stream-pipeline/

De qual es vaccinat contra la COVID ?

https://lemediaen442.fr/lancien-depute-jean-lassalle-persiste-et-signe-le-president-macron-nest-pas-vaccine/
Una entrevista ambe lo deputat sariá planvenguda.

  • 3
  • 0

Escriu un comentari sus aqueste article