CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dimars, 12 de novembre

Joan-Marc Leclercq

Dimars, 16.4.2013 03h00

Crida per un rugbi occitan


Comentaris 15 comentaris    
Dolent Fluix Bo Molt bo Fabulós (7 vòtes)
carregant En cargament


De costumas las meas cronicas parlan meilèu de la cultura ligada au rugbi. Aquesta setmana, n’ei pas mei ua cronica, mès ua crida. Ua crida aus legedors deu Jornalet e mei qu’aquò.
 
Vist çò qui’s debana uei lo dia au nivèu deu nòste art nacionau, (pensi aus inconvenients deu professionalisme: maudobtança de dopatge, despersonalizacion de las equipas, pèrda deu caractèr culturau unic de la disciplina e semblança dab autes espòrts) cresi lo moment ei arribat d’apitar ua estructura navèra qui auré a l’encòp las duas miras de:
 
Promòver un rugbi estacat aus sons arradics, los de conviviença, d’amatorisme, de hèsta, de don de se medish e d’esperit collectiu entà muishar aus joens qu’un “aute monde ovau ei possible”. Lo messatge de cap a la joentut ei mei qu’ua necessitat pr’amor de çò qui’s debanè recentament deu costat de Sarlat e Briva (véser article “Dopatge” deu 9 d’abriu dens lo Jornalet).
 
Promòver l’esperit occitan capvath partidas amicaus a l’entorn de l’encontre de l’aute e d’ua identificacion a un lòc. La promocion de l’esperit occitan, de tot biaish, ne’s pòt pas hèr sonque capvath l’utilizacion clara e assumida de la sa lenga.
 
Aquera estructura, que’s poderé aperar Federacion Occitana de Rugbi Amator (FORA), deveré aver la fòrma deus clubs independents deus Barbarians (n’existisson un detzenat), shens d’estadi atitrat, dab un foncionament associatiu e democratic. Los encontres, hestius, ne serén pas dens l’encastre de competicions mès, com un còp èra a la debuta, desfís dats a d’autas entitats culturaus devath la fòrma d’escambis annuaus anar-tornar.
 
Ne deveré pas limità’s a ua fòrma de rugbi, totas las variantas estant planvengudas, VII, XIII, XV, femenin, leser o quin que sia.
 
La nocion de coneishença de la lenga occitana seré essenciau e ne poderé pas estar remesa en causa d’un biaish o d’un aute. La quita existéncia de l’estructura seré condicionada dens los sons estatuts a l’utilizacion de la lenga nòsta.
 
Seré soslinhada la volontat de desvolopar un jòc virat de cap a l’ofensiva, au jòc a la man, a l’esportivitat e a l’esperit cavaleirós, en dehòra de tot lèd gèste qui seré pesugament castigat.
 
Doncas aqueste tèxte ei ua crida de cap au monde amorós deu jòc bèth, sabi que n’existisson hèra en Occitània e especiaument a l’entorn deu Jornalet. Que’ns hèn mestièr jogaires, dirigents, apracticaires, ajudaires, espectators, ahuecats, cantaires, bramaires, bodegaires e hestaires de tot escantilh!
 
Ajudatz de cambiar aqueste saunei en realitat e de transformar lo mòde condicionau d’aqueste article en futur, un futur deus beròis entau rugbi e Occitània.
 
Las personas interessadas poden contactar lo Jornalet o meilèu escríver a jomolo(a)orange.fr
 
Be’vs espèri numerós …



 



publicitat
BANER1-2-3: DGPL AN LAFONT



Comentaris

1 de mai 12.26h

Adiu Joan-Marc
Òc-ben, que supausi un còp l'abitud pres d'ac díser e d'ac enténer, l'impression ne pegaré pas (taus qui l'avón en començar). De mei, "Federacion occitana" que marcha miélher que non pas "rugbi occitan".
E fin finau me demandi se deuré estar negre atau l'ovau deu lògo : dab la crotz roja que'm hè drin pensar en un emblèma de pilòte alemand de 14-18… en tot cap qu'a totas las colors de l'insígnia deu men regiment, quan hasèvi lo sapaire (brrr ! maishants soviers) ... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

1 de mai 09.26h

#13 Adiu Joan-Ives,
N'avèvi pas pensat ad aquò, jo que disi "fora" e non pas "fòra" doncas foneticament me destorba pas tan qu'aquò. Que m'evoca meilèu "forra-borra". Podèm cambiar per Federacion Amatora de Rugbi Occitan (FARO), mei simbolic d'un lum qui esclaira la nueit ... o FRAO, mei mauaisit de díser, qui bromba "FRAU" en alemand, la hemna.
Se que non, avèvi pensat a un nom mei practic per la conversacion de cada jorn, mei risolièr coma per exemple "La Veishiga Occitana" una mena ... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

30 d'abril 18.54h

Adishatz tots !
L'idea que m'agrada hòrt mes lo nom que'm chepica drin. FORA que sembla ua faiçon de díser "dehòra" (a qui ?)… Atau comprés, que da còrda aus qui disen l'occitanisme que sap a un retrèit de cap a si medish, e totas aqueras fotiròlas. Badonc que caleré trobar un nom o un acronim qui evoquèssi meilèu l'idea de "planvienguda"…
Per exemple, entà júnher ua equipa, ne deurén pas necessàriament saber dejà parlar, mes que deurén apréner la lenga e assistir aus cors... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

17 d'abril 21.46h

Adishatz a totis !
Torni diluns de l'estrangèr (Israèl per un concèrte) e nos organizam. Shalòm a totis !


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

17 d'abril 19.58h

#1 Qué se n'ei hèit d'aquera associacion ?


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

17 d'abril 19.33h

#7 Voles dire que lo joc d'ataca es reservat als forts e la rusa als pataquejaires?
I a dos tipes de bofas : i a la bofa "soi tan fort com tu, te tèni pel babinhon" franca e qu'es sonque per se fretar a la debuta de la partida, que s'arresta al primièr avertiment de l'arbitre, e puèi i a la bofa d'aquel qu'es dominat, que se sap pas sortir de la petega, que troba pas qu'un biais per baissar l'adversari a son nivèl : li fretar las costèlas als crampons, li far pissar lo nas, li puntar la cu... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

16 d'abril 21.59h

#8 ?


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

16 d'abril 21.42h

"Seré soslinhada la volontat de desvolopar un jòc virat de cap a l’ofensiva, au jòc a la man, a l’esportivitat e a l’esperit cavaleirós, en dehòra de tot lèd gèste qui seré pesugament castigat."

Mas me parlas del Bisonoristan aquì ! Tumadas, pinhas, patacs fan tanben partida de l'"esperit" d'aquel jòc (l'esperit trucaire, benlèu...) E las oposicions d'estile entre los qu'usan mailèu la fòrça e los que li agradan puslèu la rusa ? Enfin... S'as lo sentit que t'an panat lo j... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

16 d'abril 21.42h

"Seré soslinhada la volontat de desvolopar un jòc virat de cap a l’ofensiva, au jòc a la man, a l’esportivitat e a l’esperit cavaleirós, en dehòra de tot lèd gèste qui seré pesugament castigat."

Mas me parlas del Bisonoristan aquì ! Tumadas, pinhas, patacs fan tanben partida de l'"esperit" d'aquel jòc (l'esperit trucaire, benlèu...) E las oposicions d'estile entre los qu'usan mailèu la fòrça e los que li agradan puslèu la rusa ? Enfin... S'as lo sentit que t'an panat lo j... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

16 d'abril 21.18h

En tan qu'afogat de rugbi,de bel jòc,lo jòc a l'agenesa d'autres còp,pa lo d'ara,sosteni completament aquela iniciativa.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions