CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Joan-Marc Leclercq

Dimars, 21.5.2013 03h00

Ua vergonha de mei


Comentaris 18 comentaris    
Dolent Fluix Bo Molt bo Fabulós (6 vòtes)
carregant En cargament


Aquò que’ns bremba que lo combat de l’Associacion Occitana per un Retorn de la Finala dens lo Sud ei tostemps d’actualitat …
 
A la debuta, n’i èi pas cresut, que’m soi pecicat la pèth deu braç, mès arron d’ua estona, la vertat que m’ei apareishuda coma sortent deu putz (nuda mès pas tan polida): los dus mieis de finala deu Tòp 14, lo campionat de rugbi professionau occitan open enchafrat campionat de Seine-et-Loire que’s va debanar a Naoned (“Nantes” en seineloirenc), celèbra tèrra d’Ovalia. Comprenètz plan que n’ei pas nat sentit d’animositat contra Bretanha e los Bretons, sustot quan parlan e cantan en breton o en gallò, e pensi que los quites patrias de l’Alan Stivell e deu Denez Prigent seràn d’acòrd dab çò qui vau díser.
 
La purmèra pensada qui’m veng ei de natura culturau. Aquera decision que veng en contra de tot çò qui disi jo dens aquesta cronica despuish mei d’ua annada e me’n sentissi personaument aufensat. Los decididors sembran considerar que lo rugbi ei ua activitat com las autas e que’s pòt “consumir” deu medish biaish un pauc de pertot. Se la cultura compta atau per pèths de castanhas, perqué non pas un jorn organizar lo carnavau de las escòlas de samba a Londres entad ua cobertura mediatica mei bona, la Vasaloppet au Senegau entà que hasca mei calor, los concors de castèths umans a Pequin entà dobrí’s lo mercat asiatic emergent o començar lo derby d’Epson per un haka?
 
Solide, qu’èm acostumat adara a çò que los qui an lo poder d’impausar sian sus la planeta d’ua galaxia a despart on l’interés generau que’s deu clinar dabans lo d’un petit aròu. La maumetuda ei generau e cadun lheva los uelhs au cèu de véser que la comuna de Tolosa a causit l’eslogan So Toulouse entà promòure la vila o d’ausir la cançon seleccionada entà representar Seine-et-Loire au Prèmi Eurovision de la Cançon. Tot que’s hè a l’esconut, shens de considerar que “l’intelligéncia collectiva ei mei hòrta que non pas l’individuau” com ac disèva lo patron de l’usina Poult.
 
Puish veng la dimension economica. Aquò que vòu díser los ahuecats de Tolosa, Tolon, Castras e Clarmont deveràn despatrià’s tà Bretanha entà assistir aus encontres mei importants de la sason. Un còp de mei, lo pòble petit qui hè víver lo rugbi a l’annada, los qui pagan l’abonament, la premsa o los produits derivats, qui vengon a l’estadi dab fidelitat cada dimenjada deveràn pagar car entà estar present au moment cruciau. E quin prètz!
 
Que’m soi amusat de carcular quant tot aquò costarà. Uei lo dia ei aisit gràcias a la telaranha en dus cliquòts. En veitura, dab l’ajuda de viamichelin.com, podèm pagerar la còsta d’ua viatjòt entad un veishigassèr. Las dadas son balhadas dens ua auto de tipa “familhau” e los prètz en anar e tornar:
 

– Clarmont 538 km, 5h33, 254 €.
– Tolosa 567 km, 6h, 252 €.
– Castras 635 km, 6h52, 276 €.
 
Mès shens de dobte son los Tolonés los mei castigats dab ua distància 1.033 km (!), 10h18 de caminada (!!) e ua factura pebrada de 468 €. E anar córrer mei de mila quilomètres un divès de ser n’ei pas la causa mai aisida quan tribalhatz.
 
Solide, pauc de monde i va anar tot solet dens sa veitura, mès podètz hornir lo repaish sus l’autopista, lo repaish de ser a Naoned e perqué pas ua nueitada sus plaça, se que non cau tornar de tira un còp lo shiulat de fin acabada.
 
Doncas demòra enqüèra la solucion deu trin. Solide ne serà pas tostemps dirècte e calerà sovent passar … per París entà’s brembar que lo nòste Estat ei ipercentralizat. La SNCF que’ns balha un escart de prètz segon l’ora e lo camin (Lo prètz son los d’un anar simple):
 
– Tolosa – Naoned: entre 58 (dus cambiaments) e 164 € (per París), 8h de viatge.
– Tolon – Naoned: entre 147 e 175 €, 8h de viatge.
– Clarmont – Naoned: entre 55 e 126 €, 7h30 de viatge.
– Castras – Naoned: entre 70 e 152 €, entre 9h e 11h de viatge.
 
Per çò qui ei de l’avion, que’vs podètz imaginar n’ei pas la solucion mei a bon mercat, mès la mei rapida se’vs cau tribalhar lo dia medish per exemple. Lo siti opodo.fr, un comparador de prètz, que’ns ditz lo viatge costarà:
 
– Tolon – Naoned que començan a 430 € per ua persona.
– Tolosa – Naoned: 175 € per Easy Jet.
– Clarmont – Naoned: 377 €.
 
Doncas atz comprés, la dineròla be serà segotida per l’auperacion “Naoned ovau” en tot saber que la màger part deu monde qui demòra a l’entorn de l’eveniment se’n trufa com deu son purmèr gwiskamant (vestit breton tradicionau).
 
Mès la causida d’ua tau vila n’ei pas, solide, l’enfrut deu azard. Sus quins critèris se son apujats los “gròs mantèths” de la federacion entà causir de balhar las duas diadas a ua municipalitat dab totas las arrecadudas economicas qu’aquò representa? Quitament se vau passar per ua lenga de sèrp o lo complotista de servici, ne podèm pas estar tan simplòts ni tampauc pescalua entà créser que n’i avoc pas nada negociacion comerciau entà l’atribucion d’ua tau manifestation, un drin tanvau las gasanhas a l’entorn deu caminament deu Tour de France, on l’atribucion d’ua estapa s’escambia contra chècs plan guarnits de beròis zèros.
 
E quan seré de passar per ua lenga de sèrp, perqué non pas demandà’s se n’i a pas ua escasença fortuita dab lo hèit que Naoned ei la vila deu capministre? Sustot quan coneishèm la volontat d’aqueste de hèr de la soa vila ua ciutat modèrna e atractiva qui s’ameritaré plan un … aeropòrt navèth.



publicitat
BANER1-2-3: DGPL TRADUCTOR



Comentaris

23 de mai 22.08h

#16
car Mathieu Castèl
Quitatz de jogar damb los mots !
Coneissèm l'istòria d'aqueste espòrt e sabèm plan que lo rugbi es pas nascut en Occitània.
S'es occitan es per la geografia e sonque.
Per nosaus, los de l'anciana Mesclanha e de la futura FORA, i a ges de dobte lo R.C.Tolon es una part essenciala de la familha rugbistica occitana. E se n'i a dins çò qu'apelatz lo "triangle ovaliesc" que o consideran coma un club estranh emai estrangier, condemnam fòrt e mòrt aquesta actitud. ... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

23 de mai 22.07h

#16
car Mathieu Castèl
Quitatz de jogar damb los mots !
Coneissèm l'istòria d'aqueste espòrt e sabèm plan que lo rugbi es pas nascut en Occitània.
S'es occitan es per la geografia e sonque.
Per nosaus, los de l'anciana Mesclanha e de la futura FORA, i a ges de dobte lo R.C.Tolon es una part essenciala de la familha rugbistica occitana. E se n'i a dins çò qu'apelatz lo "triangle ovaliesc" que o consideran coma un club estranh emai estrangier, condemnam fòrt e mòrt aquesta actitud. ... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

23 de mai 08.32h

Mon prepaus èra pas de dire que lo football es mai occitan que lo rugby ò vice versa. Simplament de ramentar que lo rugby, per popular que posque èstre dins d'endrechs ben identificats au nòstre es pas un espòrt occitan. Leis ajustas, la petanca, la bovina, la corsa landesa se volètz.
Lo rugby non. E rapòrt a la pelota basca, la comparason es un pauc alambicada, d'abòrd que l'a de pais onte lo rugby es encara mai popular qu'au nòstre (Nòva Zelàndia per exemple) e que lo breç dau rug... Legir la seguida


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

23 de mai 05.30h

13 e 14

Soi cap e tot d'acòrdi amb çò escrich pel Emmanuel Isopet
E rasseguri lo Mathieu Castèl aimi l'OM e lo foot quand es plan jogat


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

23 de mai 00.18h

#12 E per prova que lo fot es popular e qu'empacha pas d'èsser occitanistas, i a una cola occitana de fotbol! doncas i a pas de vergonha a aima lo fotbol. E lo mespretz d'els uns per un esport a pas gaire de pes.
La sola causa que me geina al fotbol es l'actitud que se vei sovent a la TV raport a l'arbitre ; es lo sol esport televisat ont l'ai remarcat. Caldria benlèu mai de rotge coma l'autre cop!


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

23 de mai 00.12h

#12 Es pas question de nombre de licenciat, es question d'identificacion. Per tornar pas dins mon argumentacion precedenta e longassa, torni préner tas chifras Mathieu e constati doncas que la mitat dels licenciats de la FFR son dins las regions occitanas (48%) ço qu'es pas mal raport a la populacion de França (demandam pas l'origina dels licenciats de las autras regions), per comparason solament un quart dels licenciats de la FFF son dins aquelas meteissas regions. I a donc quicom entre Occ... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

22 de mai 23.02h

#10 #11
Evidentament que lo rugby a una coloracion "sud-ouest". Es pas per ren que lo jornau de referéncia se ditz "Midi Olympique". Mai avètz un pauc de mau de compréner qu'es, en Occitània tanben, un espòrt regionau.

La precision que voliau portar es que non, lo rugby es pas sinonime d'occitanitat. Encara un còp, es redusir Occitània a Tolosa e a seis alentorns. Lo mesprètz que d'uneis occitanistas an per lo football participa, per ma part, a me creire de mens en mens "occitan" de c... Legir la seguida


Valora aquest comentari:   votar positiu 0   votar negatiu 2
Respondre comentari replica Comentari inadequat   Formulari d'abús de comentari

22 de mai 21.17h

#9

car amic

Una causa es segura l'afogament per la palma ovala que lo pòble nòstre apèla tanben la Veshiga es pas en França, es en Occitània. I a de còlas que se son apitadas a Tours, Lille amb coma fondament d'occitans exiliats pel trabalh e pauc a cha pauc de gents del pais s'i son interessats, mas es pas l'estrambòrd coma a noste. Encara a l'ora d'ara i a un fum de pichonas còlas que farian quincanèla se los occitans que se'n ocupan bontosament tornavan al pais.
Las doas solas r... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

22 de mai 21.08h

#9 Atencion a ço que disètz... I a mai d'espectators al TFC qu'a l'Estadi Tolosenc?
Panat sus France 3 Midi-Pyrénées :
"Le TFC, malgré son très bon début de saison, ne parvient pas à remplir le Stadium Municipal (35 575 places). Avec en moyenne 16.237 spectateurs par match [...]. Et si l'on regarde le taux de remplissage (nombre de spectateurs/capacité du stade), c'est la catastrophe : Toulouse plonge en dernière place du classement avec un taux inférieur à 50% (45,6 %) et bien plu... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

22 de mai 15.59h

#8 Es donc luench d'èstre tant simplàs que Nòrd de França = foot / Sud de França = rugby.

En de mai, parlam solament d'una part d'Occitània e pas dau tot.

Dire que lo rugby es un espòrt occitan es un pauc exagerat. Es limitar Occitània ai frontièras de "l'Ovalia", un gròs terç d'Occitània, pas mai e oblidar qu'au Pais Basco, en Catalonha Nòrd ò dins leis Aups arpitanas lo rugby es tant popular.

Per Tolosa, un club de nivèu mejan coma lo TFC a pasmens una mejana d'espectators a... Legir la seguida


Valora aquest comentari:   votar positiu 0   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions