CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Divendres, 15 de novembre

Joan-Marc Leclercq

Dimars, 1.5.2012 03h00

Lo medoth deu Rugbi


Comentaris 2 comentaris    
Dolent Fluix Bo Molt bo Fabulós (3 vòtes)
carregant En cargament


mont de marsan, rugbi, guy boniface

Estadi Guy Boniface a Lo Mont de Marsan (Lanas Petitas)
© Jibi44




Etiquetas
leclercq, prod2, rugbi

Entaus ahuecats vertadèrs deu rugbi, existís un tesaur qui s’apèra la "Prò D2". Qu’ei lo medoth deu nòste art nacionau: lo mei shucós, lo mei substanciau, e lo mei plan esconut hens los medias. Que’u cau cercar, copar l’òs dab las dents, entà ne gausir. La cadena França 3 que difusa, a còps, un encontre lo dimenge de cap a tres oras, mès aquò n’ei pas brica anonciat suus programas de television e quitament pas tampauc sus la Despacha deu Mieijorn, la gaseta de la Democracia! Qu’ei reservat aus astrucs qui podon recéber lo malhum "França 3 Sud", un dacòs qui s’ei dividit en dus dacòs en 2010: "França 3 Mieijorn-Pirenèus" e  "França 3 Lengadòc-Rosselhon". Anatz comprénguer quauquarren. Ei un pauc com per saber se l’emission venenta de "Viure al país" serà en catalan o en occitan, ajuda-te pichon e lo cèu t’ajudarà benlèu.

E totun, aquera "Prò D2" qu’ei entà jo, çò qui’s hè de mei bon uei lo dia. Per qué? A miei camin entre lo espectacles grans deu "Tòp 14" e lo rugbi deus vilatges, i podètz trobar un jòc de qualitat (sovent dab jogaires joens plens d’avenidor de descobrir), clubs de legenda qui an marcat l’istòria de l’art (Besièrs, lo Mont, Dacs) e sustot l’ambient irremplaçable deus estadis petits, on cadun balha, de l’empont estant, lo son conselh avisat aus jogadors, son compliment au jutge o un brave shiuletàs plen de respècte e de fair-play au moment on lo butaire advèrse va trucar. L’uelh de l’arbitre de linha e sa bona fe que servisson de video per un essai litigiós. Qu’ei tanben lo lòc on la frairau partida de castanhas ei enqüère inscriuta hens lo quasèrn de las cargas audio-visuau.

En dus mots, se volètz véser jogaires qui viven aunèstament deu lor espòrt shens de crubar somas escandalosas en tot trempar bravament lo camisòt, guaitatz França 3 cada dimenge o, enqüèra mei bon, anatz sus un prat de "Prò D2" tastar l’ambient popular qui ei demorat, fin finau, lo deu nòste mainadèr.




publicitat
BANER1-2-3: DGPL DICTADES



Comentaris

2 de mai 10.08h

Non pas d'accent sus la "I"n que seré un françisme inutile. Es interessanrt de véser que los Poloneses dison "ragbe" mentre los Russes fan la transcripcion "règbe". Desbrombatz pas de har bronir la "R" com cau.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

1 de mai 08.58h

A bon, creses ?
Un gròs paquet d'avants, un tustaire, una cordelada de penalitats e gaireben pas d'ensags...
Siás amorós del rugb(sabi pas mai se me cal metre un accent o pas sus la i) nharrut ?


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions