CAPÇALERA2: AMICS DE JORNALET

Jornalet, gaseta occitana d'informacions

Dissabte, 16 de decembre

Joan-Marc Leclercq

Dimars, 5.12.2017 03h00

Ahar Filoche: la dobla error deu Partit Socialista


Comentaris 10 comentaris    
Dolent Fluix Bo Molt bo Fabulós (4 vòtes)
carregant En cargament


Petit abracat de l’ahar: lo 17 de noveme au ser, Gérard Filoche, sòci de l’ala esquèrra deu Partit Socialista, publica un tweet que bremba la vielha propaganda antisemita que liga los mitans jusius dambe los de la finança.
 
Lo 20 de noveme es estremat deu partit peu burèu nacionau a l’unanimitat.
 
Segon çò que digoc lo concernit, s’èra enganat. Avèva passada la jornada a escríver contra Macron e sas refòrmas deu còdi deu trabalh, èra fòrça enmalit contra eth, a vist passar aqueste imatge que’u pareishoc sustot anti-Macron. Vesoi pas de tira los drapèus americans e israelians ni tampauc que lo monde a l’endarrèr d’eth èran Patrick Drahi, Jacob Rothschild e Jacques Attali, que son totis tres jusius. Ajustèc una frasa venjadora sus Macron, en tot le qualificar de “lèd gus”.
 
Se botèc au lheit de tira e estoc desvelhat per son hilh que l’aperèc ende’u díser que son tweet venguèva deu siti Egalité et Réconciliation, qu’es un siti de dreta extrèma e que’u calèva milhor boishar, çò que hascoc còp sec. La preséncia deu messatge perdurèc en tot una 45 minutas.
 
Tròp tard, una polemica s’enseguiscoc, çò qu’es normau, qu’acabèc per la hòrabandida de Gérard Filoche. Aquí, pensi que lo partit hascoc duas pècas:
 
1/ Excludiscoc per antisemitisme quauqu’un qu’es lo contrari de l’antisemita:
 
Es normau qu’un partit refusa d’aver coma sòci una persona que’s muisha, per sas declaracions, antisemita o racista. Aquí dessús soi plan d’acòrdi. Mes justament, Filoche a un curriculum vitae que pròva plan que n’es pas. Cadun amassa los “malus” e los “bonus”, coma per l’assegurança de la veitura, e lo tipe avèva dejà acomolat un bon paqueton de “bonus”.
 
Joen militant, s’engatja dens lo movament trotzkista (brembam que Marx e Trotzki èran jusius), qu’es conegut com estant de fòrta inspiracion ashkenaza, aus costats de companhs de luta coma Pierre Franck, Henri Weber, Alain Krivine, Janette Habel, Daniel Bensaïd, Daniel Gluckstein.
 
En 1984, es cofondator de SOS-Racisme (!) dambe Julien Dray e Harlem Désir. Gérard Filoche a passat mès de temps a manifestar, hèr signar peticions e organizar accions contra lo racisme que los sòcis deu burèu nacionau deu partit socialista totis amassa.
 
2/ Balhoc aigua au molin deus antisemitas (es aquò que’m hè romegar):
 
L’exclusion de Filoche deu partit se hascoc dambe una procedura de las mès rapidas. Normalament, cau que la responsa sia proporcionada. Un tweet malerós? Cau ablatugar de tweets justicièrs l’autor dinc a que s’excuse, se que non pervéser una sancion mès hòrta se s’encapborrís e manteng sons acuses, çò qu’èra pas lo cas.
 
Los antisemitas se trufan plan ara de véser qu’aqueste ahar sembla les balhar rason. Lo purmèr secretari deu PS estoc durant longas annadas un représ de justícia mantuns còps condemnat per “abús de bens sociaus” e “recapte d’abús de hidança”, suspectat “d’obtencion fraudulenta de doctorat de tresau cicle” (Jean-Christophe Cambadélis), mes aquò compta pas davant uns subjèctes que son vists coma “sacrats”. Segon eths, atacatz l’Islam, e l’Amassada Nacionala sancèra vos sosteng de pè en bàter de las mans (Ahar Charli Hebdo - Tariq Ramadan), atacatz lo judaïsme, quitament per error, e la pèce es impardonabla, la sancion cad de tira. Cau que la coheréncia e l’equitat sian la règla d’aur de l’antiracisme.
 
Estar vigilant de cap au racisme es solide indispensable. Mes agir d’un biais extrèmista e innocent pòt jogar contra la causa que defenètz. Coma “la guèrra es un subjècte tròp seriós per estar confidat a militars”, benlèu que l’antiracisme es tròp seriós per estar confidat … au Partit Socialista.
 




abonar los amics de Jornalet
 
 



publicitat



Comentaris

8 de decembre 08.17h

#9 pas faus, l'i a sempre agut de monde de gaucha per téner de proposes antisemitas. Un dels paires de la social-democracia alemanda d'avans 1900, Bebel, disia que l'antisemitisme es lo socialisme dels nècis (es eu que disia tanben qu'un poble que n'oprima un autre pot pas estre liure). Mas en generau los antismeitas de gauche passavan lèu a l'ultra-drecha, coma los que passan lor temps a parlar de la Nacion francesa -los chevènementistas per ex. Pas en a veire, me sembla, amb l'itinerari d... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

8 de decembre 06.57h

Vos trufatz de nosaus ?Una partida de l' esquerra francesa a sempre estada antisemita .
En francès " Vous voyez bien M. d' Ormesson qu' il y a un lobby juif en France ! - Vous parlez comme ma grand-mère M.Mitterrand " aprèp la sortida dal trabalh sus Mitterrand a Vichy .
La frontiera entre " esquerristas " e fascistas s 'esvanesitz .


Valora aquest comentari:   votar positiu 0   votar negatiu 6
Respondre comentari replica Comentari inadequat   Formulari d'abús de comentari

7 de decembre 16.57h

#3 Benlèu qu'estoi tròp brac sus l'expresssion "d'inspiracion ashkenaza". Coneishi fòrça plan, per mon istòria e tanben per asard, lo mitan esquerrista e jusiu. Los joens ashkenazes instruits se trobavan, dens la annadas 70, en gran nombre dens lo movement trotzkiste, lavetz que los sefaradas èran màgerment maoïstas. Susprenent, non pas ? E totun es vertat.

La cultura deus ajòus, l'origina etnica e la religion son sovent responsablas de l'inclinason politica. Espiatz on es enrasigat l... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

7 de decembre 16.45h

#6 Soi plan d'acòrdi dambe aquesta analisi. Diserí quitament que lo brassau eth medish es un simbèu que vò associar lo poder deus sòus dambe lo poder totalitari deu nazisme, aquí pres coma quicòm de marrit, e doncas antinazi e antipoder-finanièr, e pas brica antisemita pres solet. Sabi pas s'es clar ...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

6 de decembre 07.44h

Antisemitisme e antisionisme
Cal refusar l'amalgama entre las tres nocions vesinas, qu'es pas innocenta ideologicament.
De legir l'istorian israelian Shlomo Sand, " consí fosquet inventat le pòble joseu ? "
L'antisemitisme es condemnable a juste titre, coma ostilitat al grope de personas de religion josiva.
L'antisionisme denóncia la creacion e le compòrtament d'Israèl, dit estat josiu.
Israèl acorda la nacionalitat israeliana a tot josiu non-resident que la demanda, e es presumit sionist... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 de decembre 20.58h

#4
Atau que harà un moviment politic de mei a l'esquerra...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 de decembre 19.24h

Èra de "l'ala esquèrra del PS" aquel Filoche ? L'an fotut defòra ? E ben, aquò rai ! Li demòra pas mai qu'a crear un novèl partit, realament socialista, e efectivament d'esquèrra… Nos cambiarà un pauc de la mediocritat ultraliberala e antidemocratica de la dreita olonadiana e vallsiana…


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 de decembre 18.59h

Qu’apreni la LCR qu’èra d’« inspiracion ashkenaza », que pensavi qui èra meilèu un partit politic. Aquò dit, Filoche n’ei pas antisemita qu’ei un fèit mes la rason qui avançatz qu’ei ua faussa rason. Las originas religiosas vertadèras o supausadas (Marx qu’èra protestant) deus fondators d’un movement n’an pas arren a véder dab las orientacions o los prejutjats qui pòden après neurir los lors afiliats. Per exemple, lo partit Baas qu’estó fondat per un crestian e... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 de decembre 18.34h

La doble error del PS n'en es pas una per la direccion del partit, que vòl de desbarrassar de Gérard Filoche e sa còla. Pauc impòrta qu'aquò sia un pretèxte e qu'aquò alimente l'antisemitisme.
Le PS voliá ja l'exclure al moment de la mòrt del PDG de Total, e l'an empachat de se presentar a las primàrias de l'esquèrra.
Filoche s'arrapa al PS per i pesar quicòm, quand una màjer part de l'esquèrra del partit l'an quitat.
D'un biais general, la politica del precedent govèrn e l'estr... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 de decembre 13.32h

Aqueth ahar qu'illustra tanben lo ròtle negatiu deus hialats sociaus dens la comunicacion politica.
Entad existir un òmi politic qu'a, adara, d'estar present suus hialats sociaus, de reagir lo mei viste possible e d'estar present e quitamant omnipresent, que vòu díser ocupar l'espaci mediatic.
Aquò que mia a comunicar lo mei viste possible, a postar lo mei de pòsts e, a còps, a postar conerias per'mor n'as pas avut lo temps de verificar d'on vien lo messatge que relajas o per'mor qu'as d... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions