Dimars, 18.1.2022 03h00
Me desencusi per avança de semblar aver tintèinas suu subjècte de la pandemia e sustot de la legislacion a l’entorn, mes peu purmèr còp de ma vida me sentissi opressat per l’actualitat, sustot que lo president declarèc qu’una part deu pòble èran “pas mès ciutadans” (Mes l’avèva refusat peus terroristas deu 13 de noveme). De qué vòu díser, aquò? De cap a on vam? A mesuras d’excepcions? Pas jamès avèvi jo imaginat víver un periòde atau dambe monde mostrats deu dit peu poder, cresèvi qu’aquò se legissèva pas que dens los líbers d’istòrias o sus autes continents.
Doncas per aquesta passa, dens l’Estat francés:
— Una part de la populacion es estigmatizada e sa libertat es limitada, pr’amor de sas opinions, tanvau una auta part pr’amor qu’a pas accès aus suenhs, lavetz qu’an pas hèit qué que sia contra una sola lei de la Republica. Com s’apèra un regime que redusís las libertats pr’amor d’opinions?
— S’arcasta a milions de personas en bona santat, que cotizan a la Securitat Sociala e que pagan talhas, de mascanhar lo sistèma espitalièr, lavetz qu’es dempuèi bèra pausa atacat per una politica denonciada peus professionaus deu sector, politica, particularament, copabla de la barradura de fòrça nombroses leits d’espitaus, en periòde pandemic tanben.
— Estón fòrabandits suenhaires, lavetz que’s deplora precisament una manca … de suenhaires. Professionaus de santat potencialament negatius pòden pas mès trabalhar, e suenhaires positius au covid-19 estón rapelats. Aquò vos sembla coerent?
— Es interdit d’entrar dens lòcs publics (trens, estanquets, restaurants, mes pas encontres politics o religioses) a personas testadas e negativas, lavetz que deishan entrar monde potencialament portaires deu virus e que pòden contaminar los autes.
Èi plan comprés que la tòca èra pas d’estar logic, mes de “hèr cagar” daubuns. Mes un governament normau pòt vertadièrament hèr votar leis illogicas?
Lavetz, caminam suu cap o pas?
Comentaris
19 de genièr 09.31h
#11 "vai te’n cargar a la vila ! ", ça díson a la campanha...
Valora aquest comentari:
0
0
19 de genièr 09.16h
— Un governament normau pòt vertadièrament hèr votar leis illogicas ?
— Òc-ben : La fortuna dels dètz òmes pus rics del Mond a doblat dempuèi lo començament de la pandemia… Lo fascisme ordinari practica correntament lo ferm manten de privilègis totun injustificables, e donc, pefièitament illogics e autoritaristas. La diferéncia amb lo sègle passat es que, per ara, non an pas mai besonh d'embarrar ni de tuar per ilmpausar sas leis inicas e debilas.
#8 Per empachar la saturacio... Legir la seguida
Valora aquest comentari:
4
1
18 de genièr 22.06h
#9 Solide que lo virus se passeja encara.
Mes botar dens un medish lòc barrat personas que'u pòden portar e lo ,transméter l'empacha pas de's passejar, podèm quitament díser qu'es lo contrari.
Valora aquest comentari:
2
0
18 de genièr 19.41h
#1 Deishetz-me en patz damb eres vòstes fotiròles!
Jo que soi mai qu'una tripleta d'escola de primer grau :
tèsi, antitèsi, "fotèsi", quiòc!
Valora aquest comentari:
3
0
18 de genièr 12.36h
Aquó se complica, normalament una persona vaccinada non desvolopa de forma grèva de la malaudia çó que a per consequéncia de non pas anar en reanimacion e de saturar l'espital. Lo virus continua de circular, çò que fan tots los virusses, mas un vaccinat a 90% d'astre per non pas anar a l'espital.
Valora aquest comentari:
1
1
18 de genièr 12.36h
Aquó se complica, normalament una persona vaccinada non desvolopa de forma grèva de la malaudia çó que a per consequéncia de non pas anar en reanimacion e de saturar l'espital. Lo virus continua de circular, çò que fan tots los virusses, mas un vaccinat a 90% d'astre per non pas anar a l'espital.
Valora aquest comentari:
8
1
18 de genièr 12.29h
#6 N’ignorèssetz pas la fiabilitat relativa dels tests et mai que mai de la lor validitat limitada a l’instant t de l’espròba...
Valora aquest comentari:
4
1
18 de genièr 12.03h
#4 Justament, aquò se podèva concéber dambe lo passapòrt sanitari, mes dambe lo vaccina, los testats negatius son interdits, lavetz que presentavan pas nat dangièr. Los non-testats, per contra, òc.
Valora aquest comentari:
2
0
18 de genièr 12.03h
#4 Justament, aquò se podèva concéber dambe lo passapòrt sanitari, mes dambe lo vaccina, los testats negatius son interdits, lavetz que presentavan pas nat dangièr. Los non-testats, per contra, òc.
Valora aquest comentari:
3
0
18 de genièr 11.53h
#2 Esperit finòt, mos avètz acostumats a mai de nuança...
Se tracta de limitar l’exposicion dels vaccinats a la carga virala superiora dels non-vaccinats, çò m’par...
Valora aquest comentari:
2
3
Comenta
Lo comentari es estat mandat corrèctament
13 comentaris
(16 vòtes)
En cargament
13 comentaris
Mandar
