CAPÇALERA: ETH LO
CAPÇALERA2: ESTRENA DE L'AN

Jornalet, gaseta occitana d'informacions

Dimècres, 19 de febrièr

Joan-Marc Leclercq

Dimars, 7.1.2020 03h00

Èi legit lo Goncourt 2019


Comentaris 5 comentaris    
Dolent Fluix Bo Molt bo Fabulós (4 vòtes)
carregant En cargament


Aquò vos poderé semblar banau, mes ende jo qu’es una benalèja de las bèras. Legissi quasi pas jamès romans. Soi un “handicapat dramaturgic”, es a díser que pòdi pas m’interessar a quina ficcion que sia, literarària o cinematografica, pr’amor que sabi pertinentament qu’estoc imaginada per una persona e que doncas es pas la vertat. M’estaqui mès per consequéncia ad espiar “com es hèit” que non pas “çò qu’es” e lo hat de tau o tau personatge a pas guaire d’importància, que’s morsicosse o que’s maridèsse per la fin.
 
Mes un hèish de circonstàncias (que’vs estauviarèi) hascoc que’m retrobèi dambe dens las mans “Tous les hommes n’habitent pas le monde de la même façon” deu Joan-Pau Dubois, lo que receboc ongan lo prèmi Goncourt. Ma hemna que l’acabava de legir, m’expliquèc que cada capítol es dividit en duas parts: una que’s debana dens una preson canadiana e l’auta a Tolosa, on l’autor naishoc. Solide, es aqueste darrèr element que’m decidiscoc de començar la legida.
 
Sautèi doncas gaujosament los paragrafes carceraus mercés au nom deu personatge Patrick qu’i es fòrça present e aisit de localizar. Acabèi au moment quan lo eròi se’n va de Tolosa. Estoc fin finala viste hèit.
 
Estoi lèu decebut per tot çò que pertocava la vila ròsa. Lo personatge màger deu líber es un tolosan hilh d’un pastor protestant danés e d’una hemna gerenta d’una sala de cinèma “d’art e d’ensai” de la quala lo nom es inventat. En resumit, entercambièssetz lo nom de Tolosa dambe una auta vila, l’istòria seré la medisha. L’autor descriu fòrça plan la cultura danesa, e l’opausicion que’s crea contra las idèias novatoras de la mair, que programa, com una mena de provocacion, los purmèrs filmes pornografics dens las annadas 70. Tolosa per contra demòra sense cultura pròpria, ni sense istòria.
 
Avoi lo medish sentit dambe lo roman istoric de Marc Lévy, Les enfants de la Liberté, que’s debana tanben a Tolosa. Per contra, Lévy es pas nascut dens la vila ròsa e sa desconeishença deus lòcs, fòrça vededera tre las purmèras paginas, se compreng mès aisidament.
 
Après, es pas la causa mès importanta d’un roman e la qualitat literària de l’òbra n’es pas pertocada.
 
Dens una cronica passada, m’èri amusat  de comptar lo nombre de romans franceses modèrnes mès venduts qu’avèvan un rapòrt quin que sia dambe America deu nòrd, e la shifra de 85% (!) me demòra dens la memòria. Semblaré que lo Joan-Pau Dubois sia dens aquesta dralha. Especialista deus Estats-units ende lo jornau Le Nouvel Observateur, l’autor i a viscut e a màgerment escrit sus aqueste país e sus Canadà.
 
Mon espèr de véser una vila occitana botada a l’aunor per sa cultura e son istòria s’esparvolèc doncas lèu. Benlèu un aute còp …
 
 
 
 
abonar los amics de Jornalet
 
 


 



publicitat
BANER1: AOF



Comentaris

8 de genièr 13.50h

#3 Vos convidi de descobrir la larga causida de çò qu'existís entre lo roman e lo gavidaire toristic, i a fòrça causas interessantas.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

8 de genièr 12.08h

#1 Solide solide. Mes prefèri un libe istoric que non pas una ficcion. Avèvi un espèr sus aqueth libe pr'amor qu'a recebut lo Goncourt e doncas podèva tocar un public mès larg que non pas los occitanistas.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

8 de genièr 10.05h

I a tanben lo "Petit Futé" e lo "Guide Michelin". Pensi que pòt èsser a la man del cronicaire e que l'agradarà.


Valora aquest comentari:   votar positiu 0   votar negatiu 2
Respondre comentari replica Comentari inadequat   Formulari d'abús de comentari

7 de genièr 17.17h

Ai dins la bibliotèca "Toulouse, du rose au noir", Autrement, 2000. Un recuèlh de novèlas policièras que se devon debanar dins la vila ròsa. L'ai pas legit.

Jetatz-i un uèlh se jamai vos interèssa.

I a lo recuèlh francés de l'occitanofòne Julian Comprenon "Brûler tous ces punks pour l'amour des elfes" a cò de Pocket que conten d'unas novèlas qu'an d'unes elements que marcan plan sa coneissença sociala de la vila (sol un tolosan compren l'umor que i a de fotre una ANPE plaça de ... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

7 de genièr 17.12h

Car sénher Leclercq, se lo còr vos canta de legir ficcions ont s'encontra l'èime e lo perfum prigond de las nòstras ciutats, lor istòria, lors istòrias, lors mites e legendas, non cal pas trastejar : cal legir recits istorics o se volent tals, al mens. Per exemple, "La Sang de Tolosa", del tolosan Maurici Magre, passat a l'occitan non fa gaire… Aquí, si que poparetz lo chuc e lo muc de "las Tolosa", la reala e l'imaginària mai que tot. I encontraretz los nòstres comtes, los nòstres ... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions