CAPÇALERA: CALANDRETA
CAPÇALERA2: FAI-TE SOCI

Jornalet, gaseta occitana d'informacions

Dijòus, 17 de genièr

Joan-Marc Leclercq

Dimars, 25.12.2018 03h00

Ei pas jamès cresut au pair Nadau


Comentaris 4 comentaris    
Dolent Fluix Bo Molt bo Fabulós (8 vòtes)
carregant En cargament


Ma mair a tan patit lo jorn quan s’assabentèc de çò que lo Pair Nadau existissèva pas, que decidiscoc de jogar pas aqueste marrida colhonada (segon era) a sos dròlles. Doncas ma sòr tanpauc a pas jamès cresut a la magia de Nadau.
 
Sovent quan disi aquò lo monde me planhen en díser qu’èi pas agut astre, que soi passat a costat de quicòm de fòrt qu’auré podut embelir mon enfança. E ben non pas, soi pas de plànher tan qu’aquò. Me pòdi pas saber mau d’aver mancat quicòm qu’èi pas coneishut, e de mès, me soi tostemps sentit valorizat d’estar “lo dròlle qu’es deu costat deus adultes”, lo que coneish lo gran secret de la vita, de saber que lo Pair Nadau existís pas! Tadadam!
 
Me soi pas jamès tanpauc lengat, èi resistit a l’enveja de condar lo secret aus amics. Los grans m’avèvan hidada una mena de mission, e èri gaujós de la poder complir. Tengoi dinc a la fin, e traiscoi pas lo monde deus adultes.
 
Per contra, es evident qu’aquò me cambièc l’espiar que pòrti dinc ad adara suu monde que m’atorejan. Estant conscient qu’aquò èra pas qu’una bèra mentida, vesoi de plan tot los esfòrces que hasèvan los grans ende hèr créser a l’existéncia de quauqu’un qu’èra pas fin finala qu’un mite. Èi doncas comprés los engranatges de çò que podèm aperar la manipulacion.
 
Solide trobaratz que lo mot es drin fòrt, mes com aperar los artificis desplegats ende balhar una illusion a milierats de personas? Sufís pas que considerar pas sa portada negative, vist que s’agís pas que d’un conde endeu mainadèr. Estoc interessant de véser aquò de l’endehens estant.
 
De tot aquò n’èi gardat totun una maufisança aguda de cap au discors public. Sabi plan que’s pòt hèr créser quicòm qu’es faus, ende’n tirar avantatges, ad un gran nombre que’n serà persuadit intimament qu’es vertat. Solide totun que m’a miat de cap a una cèrta soscadissa sus l’organizacion de la societat e m’a orientat dens ma construccion mentala filosofica e religiosa.
 
A còps, los condes (o los non-condes) de Nadau an rebombs deus estranhs.
 
 
 
 


abonar los amics de Jornalet
 



publicitat
BANER1: IEA-AALO



Comentaris

25 de decembre 23.03h

Mitologia e besonh de faulas.
Las faulas respònden a un besonh d'explicar o d'idealizar le monde, que le monde i cresen a mièj.














Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

25 de decembre 12.39h

E sustot anatz pas har nat parallèl dab autas credenças, e aperar "manipulacion" "los artificis desplegats ende balhar una illusion a milierats (tè, non: milions) de personas (adultas)".


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

25 de decembre 10.36h

Car ciutadan Leclerc, as pas jamai cregut al paire Nadal ? Aquò te deu èsser plan profieitós, quand te viras cap al mond politic ! Plan coma o daissas entendre…


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

25 de decembre 06.36h

"mes nòsta mair a pas jamès volgut que sons dròlles cresossen a la legenda deu pair Nadau. Sa rason èra simpla: avèva tan patit quan s’èra assabentada de çò qu’existissèva pas, s’èra sentida tan engarçada peu monde deus adultes, que volèva pas que sa descendéncia ne subiscosse las medishas esgòrras".
Coma l'an passat, dirè qu'aquò es responsable, onèste e respectuós dels mainatges. Far plaser d'èstre pas solet...


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions