CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 24 d'agost

Joan-Marc Leclercq

Dimars, 4.6.2019 03h00

Europèas: resultas vertadièras


Comentaris 3 comentaris    
Dolent Fluix Bo Molt bo Fabulós (11 vòtes)
carregant En cargament


Marco Verch




Vaquí un còp de mès que las eleccions europèas son passadas. Com a cada còp, los comentaris tiran camin e cadun i vei la pròva qu’avèva rason. Vau pas discórrer suu hèit que lo movement deus Gilets Jaunes a pas cambiat gran causa a l’escrutin, que lo RN avèva dejà ganhadas las europèas lo còp passat e La Republica en Camin las presidencialas, e doncas estoc pas qu’una confirmacion de tendéncia d’abans lo 17 de noveme de 2018. I a totun monde que s’i escaden d’arcastar aus GJ la victòria deu RN. Les poderam pas empachar d’ac pensar, quitament s’es faus.
 
Las duas causas que volerí jo soslinhar es que, com de costuma, pas nada tematica europèa estoc evocada dens lo debat. Lo hèit que las listas sian pas qu’estatalas a cambiat una eleccion continentala en pelei “a favor” o “contra” Macron. E cadun de comptar puèi son influéncia sus l’electorat estatau. Lo RN s’autodecernís lo títol de purmèr partit de França gràcias a una esquèrra esbrilhagada “faiçon puzzle” e LREM se regaudís d’aver perdut ... mes pas tròp.
 
Es justament l’influéncia deus partits que’s pòt pagerar, coma un sondatge a grana escala. Mes se las resultas son presentadas en percentatges de votzes exprimidas, es interessant de véser quantas personas que podèvan votar son efectivament anadas botar un paperòt dens la caisha end’exprimir lor sosteng, e aquiu es una auta cançon. Las chifras enganan pas e son crudèlas.
 
Cau pensar purmèr qu’i a 15% d’adultes en edat de votar que son pas inscriuts sus las listas electoralas. Aus USA, son comptabilizats coma abstencionistas.
 
Aquò dessús, am una abstencion ongan de 49,88%, que nos hè 42,60% d’adultes en edat de votar que’s son desplaçats.
 
Cau ajustar 4,54% deus que son anats au burèu qu’an botat un bulletin nul o blanc (lo debat sus la comptabilizacion deus vòtes blancs es una sèrp de mar demandada per fòrça monde mes refusada peus poders, solide). Am doncas uns 40,66% de monde que son anats sosténguer un partit politic ende mandar deputats que’ns “representan” au parlament.
 
Vaquí doncas las resultas vertadièras que tenguen compte de la situacion vertadièra:
 

— Inscriuts 85%
— Votants 50,12% sian 42,60%
— Exprimits 95,46% sian 40,66%
 
— RN 23,31* sian 9,47%
— LREM 22,41* sian 9,11%
— EELV 13,47* sian 5,47%
— FI 6,31* sian 2,56%
— PS 6,19* sian 2,51%
— DLF 3,51* sian 1,42%
— Hamon 3,27* sian 1,32%
— PCF 2,49* sian 1,02%
 
Se vei aisidament que lo “purmèr partit es lo de l’abstencion”, que davanteja de 60 contra 10 la lista declarada victoriosa. Com ac diseré Toton Albèrt, “tot es relatiu”...
 
 
 
 
 


* = Percentatge d’exprimits, la resulta utilizada oficialament
 
 
 




abonar los amics de Jornalet
 



publicitat
BANER1-2-3: DGPL TRADUCTOR



Comentaris

5 de junh 10.21h

LREM 22,41* sian 9,11% ? Amb mens d'una persona subre dètz que vòta en lor favor, te venon gasar, ficar en gàrdia a vista e trucar sul cap a còps de barra, cada dissabte, en afortissent que son la majoritat e que los GJ an pas que de se calar e de subir lo neoliberalisme majoritari*…

De majoritat aital, ieu, ne vos pausi una cada matin al cagador !…


Valora aquest comentari:   votar positiu 4   votar negatiu 2
Respondre comentari replica Comentari inadequat   Formulari d'abús de comentari

4 de junh 14.41h

En Fransa la regla establida es que : Per las votacions publicas i a cap de Quorum


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

4 de junh 09.41h

Rason de mai de veire qu'i a una crisa de la politica, daus politcs, daus medias e fin finala de la democracia tot cort.
I a tanben una crisa de jornalet e de l'occitanisme.
Perqué? I aura un contròtle mental quauque part?


Valora aquest comentari:   votar positiu 4   votar negatiu 6
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions