CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 23 d'octòbre

Joan-Marc Leclercq

Dimars, 17.9.2019 03h00

França: una nacion qu’existís pas


Comentaris 27 comentaris    
Dolent Fluix Bo Molt bo Fabulós (11 vòtes)
carregant En cargament


Me podètz explicar las caracteristicas de l’arquitectura “francesa”? Vesètz un rapòrt entre los ostaus bretons de las chuminèas a cada cap deu teulat e las colanas rotjas tradicionalas deu Bascoat?




Etiquetas
frança, leclercq, nacion, nacionfrança

Vaquí una formula dambe la quala m’empòrti totjorn un succès màger dens una charradissa, sustot dambe monde que son pas amics pròches e que’m coneishen pas tròp plan (los autes son acostumats a mas frascas verbalas):
 
França es pas una Nacion.
 
Lo monde de per aquí an talament popat, deu temps de mainat estant, de l’adjectiu “nacionau” ende parlar de quicòm de “francés” (Lo Rassemblement National, per exemple o l’Assemblée Nationale), que comprenguen pas çò que vòli díser, levat una personas cultivadas. Las autas ne caden de la luna. Ne coneishen pas la diferéncia entre “Estat” e “Nacion”. Doncas me cau tostemps explicar:
 
França es un Estat, o tanben una comunautat de destins, mes pas una Nacion.
 
Puèi contunhi dambe l’exemple: los Sioux o los Bascos son una Nacion, mes pas França.
 
Me demandatz pas pr’amor causissi aquestes dus exemples, sabi pas, mes benlèu son exemples que pòden mès aisidament convéncer un interlocutor franchimand. Me demandan totun de balhar exemples pr’amor que son tostemps pensatius suu subjècte. Donc demandi:
 
Me podètz explicar las caracteristicas de l’arquitectura “francesa”? Vesètz un rapòrt entre los ostaus bretons de las chuminèas a cada cap deu teulat e las colanas rotjas tradicionalas deu Bascoat? Me podètz explicar las caracteristicas de la cosina “francesa”? Entre l’òli d’oliva provençala e lo boder normand, la basa es complètament diferenta, i a pas nat rapòrt. Las especialitats ditas “francesas” tradicionalas an rarament un nom francés, que sia lo Kouign-amann breton, les Sniderpätzle, la Flammenküche e lo famós Kugelhopf alsacians, o la Bolhabaissa e lo Cassolet occitans.
 
Me podètz citar un estile musicau tradicionau que sia comun a l’Estat francés tot, coma lo Csárdás es aus Hongreses, lo Flamenco aus Andaloses, lo Fado aus Portugueses, la Giga aus Irlandeses, lo Sirtaki aus Grècs (la lista es longassa) o la Biguina deus Antilheses? Una dança?
 
Lavetz l’interlocutor vòu citar exemples istorics que, segon eth, poderén muishar l’existéncia de França coma una entitat culturala compacta, mes cad totjorn sus pròvas de la creacion artificiala d’un espaci de destins comuns, aperat tanben Estat.
 
E arriba lo moment de las lengas. Disi que, à la Révolution française, lo moment fondator istoric (mes tanben “psicologic”) d’aqueste Estat modèrne, una enquista a muishat que sols 10 despartaments parlavan lo francés lavetz que 30 parlavan occitan. Dètz despartaments, aquò nos hè un detzau deu territòri (quitament se benlèu mès en populacion), podèm pas parlar d’una grana omogeneïtat culturala e lingüistica.
 
E acabi en tot disi que coneishi fòrça plan quauqu’un que tribalha a l’aeropòrt de Tolosa-Blanhac (ara “Dominique Baudis”), e que’m digoc recentament qu’entre lo comportament deus passatgèrs d’un vòl de cap a Marselha e un vòl de cap a Estrasborg, la diferéncia culturala es incresibla.
 
Los Alsacians son presents mieja ora abans l’embarcament, en linhon regular, la carta d’embarcament a la man, corteses, lo sorríser aux pòts, parlan pas fòrt, atenguen dambe paciéncia e disen mercés en capejar.
 
Los Marselheses se honhan en una sorra-borra rambalhosa que sembla una “mesclanha daubèrta” de rugbí, se pelejan, parlan fòrt, ne manca la mitat, les cau aperar au microfòne, arriban en retard e en sudor, se cèrcan lo ticket dens las pòchas que troban pas, un còp dens l’avion, i a pas degun sietat a sa plaça, cambian de sièti après longs marcandatges, au punt on, dens lo sistèma informatic d’Air France, es pervist mès de temps ende los embarcaments ende Marselha que non pas ende los autes (!).
 
Aquesta diferéncia d’agís culturau es au mensh tan importanta que non pas aquesta que pòt existir dens divèrsas situacions entre Europencs, Africans o Asiatics.





 



publicitat
BANER1-2-3: DGPL TRADUCTOR



Comentaris

4 d'octòbre 23.46h

#21 Mon bon Rodrigo, as plan après ta leiçon d'Istoria de França e te complimenti de nos la tornar recitar amb tant de vam. Lo problèma es qu'aquela polida istoria meravilhosa es una faula, una ficcion que foguèt fargada de A a Z al sègle 19 per la republica jacobina de Paris qu'avia un besonh vital de legitimar son egemonia totalitària sus l'Exagon. Una pura obra de propaganda, coma o-saupèron far pus tard d'autres regims totalitaris en cerca de justificacion en fasent una re-ecritura ... Legir la seguida


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

27 de setembre 15.35h

#25 "Una idèia mès clara de çò qu'es una Nacion" : après legida de l'article, cau díser que la frasa d'introduccion : "un concèpte de significacion complèxe e multiple que ..." precisa pas gran causa. Ma nocion de Nacion es mès pròche de çò que son los Bascos o los Sioux que non pas çò que's preten França. Enfin, vau pas tornar escríver l'article un dusau còp ....


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

27 de setembre 14.47h

Devi pas èster una persona pro cultivada, tanben en tot léger l'article soi cadut de la luna ! Endeus qui son un pauc nècis coma jo, cau pas qu'esiten d'anar sus wikipedia (https://oc.wikipedia.org/wiki/Nacion) ende se hèr una idèa mèi clara de ço qu'es una nacion ... o pas. Aquò serà pas tant maishant coma la filosofia aeroportuaria.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

24 de setembre 23.37h

#21 Clovís e Carlesmanha parlavan alamnd, de França, se'n fotián ben pro ! Un pauc coma ieu…


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

24 de setembre 09.35h

#22 Díser que França es una Nacion e que lo Bascoat es una de la "compausantas" es un punt de vista. Perqué pas? Mes lavetz Bascoat e Catalonha serén tanben compausantas d'Espanha, Alsàcia e Flandras compausantas de la Nacion germanica, Occitània compausantas de las Nacions italianas, francesa e espanhòla.
A cadun sa classificacion, mes aquesta qu'acabi de citar me sembla pas tròp realista.
Se que non, Euròpe seré tanben una Nacion e los Estats sas compausantas.

Es una question de ... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

24 de setembre 09.09h

Se i a ua nacion, que'senteish coma ua nacion, b'ei França. Aquò dit, aquera nacion que's compausa de ua pluralitat de region, païses, plan diferents, e tanplan damb istoricamentn lengas pròpias escanadas peth centralisme fòrt d'aquera nacion, e abandonadas tanplan peths que las parlavan. Mes dise que Fraça n'existeish pas ei ua fotralada deras bèras, e no compreni cap qu'un President dera Republica aja podut dise que i auria pas de cultura francesa! Simplament que seria mes grana encar... Legir la seguida


Valora aquest comentari:   votar positiu 0   votar negatiu 5
Respondre comentari replica Comentari inadequat   Formulari d'abús de comentari

23 de setembre 19.12h

França qu'ei ua nacion e ua arrepublica ua e indivisibla égalitat e fraternitat totas eras arregions dab eras madeixas leis ,urosament tà nosautis ua persona deras pireneas que pòt anar sense problèmas en Alsaça à Marselha o en quauques lòcs mes tot lo monde que parla Françès e tot que va de plan non cau pas sustot pas devier coma Esapnha on e i a pelejas entre arregions .Era nacion Francèsa etsista desempuix er'epòca de Clovis e tots eths condaus deth arrejaume de França qu'esten... Legir la seguida


Valora aquest comentari:   votar positiu 3   votar negatiu 11
Respondre comentari replica Comentari inadequat   Formulari d'abús de comentari

21 de setembre 15.37h

#19 Aquò's diferent. S'agís de díser se l'exemple es representatiu o pas.

Es pas un estudi sociologic, mes la constatacion d'una persona a qui s'es impausada una diferéncia de compòrtament, e que n'a parlat dambe sons collègas de trabalh qu'an agut la medisha impression. . Es segur que los que son discrèts se hèn pas véser (tons amics per exemple), lavetz que los rambalhoses son de bon ausir e balhan, eths un cèrt imatge. E èi pas racontat l'anecdòta deus que tribalhan sus la pist... Legir la seguida


Valora aquest comentari:   votar positiu 2   votar negatiu 6
Respondre comentari replica Comentari inadequat   Formulari d'abús de comentari

21 de setembre 08.09h

#10 Los marselheses que son de mos amics se compòrtan coma ieu, es a dire mai coma d'alsacians de l'exemple, coma de barceloneses e mos amics, coma los basques de mos amics (fòrça discrets e ponctuals). Pensi donc qu'aqueles foncionaments, dits "de grop", s'ameritarián un estudi sociologic fòrça metodic, crosant per exemple las dimensions intellectualas, socialas, geograficas, materialas, culturalas del mond viatjant, abans de nos servir de conclusions aeroportuàrias (que non pas sociolo... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

20 de setembre 17.23h

#12 A plan rason lo #11 , sus aquel còp te sias plantat. Benlèu qu'aquò marcha melhor quand nos fas de provocacion en forma d'entrisme pro-pedachó, non ?


Valora aquest comentari:   votar positiu 7   votar negatiu 9
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions