CAPÇALERA: IEA-AALO
CAPÇALERA2: IEA-AALO

Jornalet, gaseta occitana d'informacions

Dissabte, 23 d'octòbre

Joan-Marc Leclercq

Dimars, 21.9.2021 03h00

L’agora de Tornafuèlha


Comentaris Un comentari    
Dolent Fluix Bo Molt bo Fabulós (6 vòtes)
carregant En cargament





Ongan, la municipalitat de Tornafuèlha a decidit d’innovar en matèria de democracia. Atau, en març 2021 estoc concretizada l’idèia d’Agora, “amassada constituïda de ciutadans aperats a decidir sus subjèctes d’interès generau, e tanben en carga d’animar la vida democratica de la ciutat”.
 
Lo 23 de heurèr estoc doncas lançada suu siti de la Comuna una crida a cada estatjant de mès de 18 ans per que s’inscriva. Los 24 sòcis de l’amassada estoren designats au sòrt lo 8 d’abriu, dus a paritat òmi/hemna per cadun deus 6 barris. Pas besonh d’estar inscriut sus las listas electoralas o d’estar de nationalitat francesa. La simpla volontat de s’engatjar sufisèva.
 
Un “collègi” associatiu estoc tanben elegit au demiei de las 7 categorias: cultura, enfància-joentut-educacion, environament-projèctes participatius, solidaritat-enterajuda, espòrt-léser, comitats de barris e comèrci-economia.
 
Los 24 ciutadans hèits au sòrt e los 14 representants de las associacions s’amassèn doncas lo 15 d’abriu. Estón lavetz creadas comissions, de las qualas una especiala dambe la tòca de crear un lòc conviviau que permeteré d’aver una programacion artistica per un public redusit, quan las salas coma Lo Far o l’Escala son tròp bèras per las associacions localas.
 
Puèi diumenge passat, lo 19 de seteme, se debanèc “la Hèsta de l’Agora”. Sòcis de l’amassada vengón a l’encontre deus estatjants suu mercat o davant los comèrcis per amassar lors desirs, loras idèias e loras criticas. Una restitucion estoc puèi hèita a l’Ostau de la Ciudatanetat per joens actors de teatre de la tropa Comédie sans Fraise.
 
De vrèspe, un debat public se tengoc a l’entorn deu tèma “Es possible - Per s’autrejar a saunejar diferentament”, dambe personalitats de la vila coma Pèire Berbizièr, ancian entrainador de la còla de França de rugbí.
 
Es doncas plan partit. Quitament s’aquesta iniciativa sembla pro unica dens l’Estat francés, la question es de’s demandar dinc a on se poderà espandir lo poder de l’amassada ciutadana. Semblaré que l’idèia sia nascuda pendent la campanha electorala de las municipalas, portada per duas listas, de las qualas la deu conse actuau, Dominique Fouchier e una auta intitolada “lista ciutadana”.
 
Purmèr, es de saludar. Podèm esperar que mainadarà dens d’autas vilas a l’entorn e mès luenh. De saber s’aquò tornarà balhar hidança au monde dens la vida publica, es una jòga interessanta, mes lo que tempta pas ren obteng pas ren.
 
De tot biaish, la vida politica es de tornar soscar. Lavetz, se los estatjants de Tornahuèlha se pòden investir e cambiar las causas dens lor vila, serà una bona escaduda, se que non, se demòra quicòm de polidet sonque “suu papièr” mes sens nat efèit, serà pas estat qu’un còp de berret sus l’esquia de l’ase.
 
Es aus sòcis de l’Agora eths medish d’estar vigilants, creatius e volontaris. De seguir …



abonar los amics de Jornalet




publicitat
BANER2: OPLO liceu



Comentaris

23 de setembre 05.33h

Brave article.
Se que de non, respecte a l'accent tonic:
Grèc: àgorà
Espanhòl: àgora
Italian: agorà

La grafia "agora", çò es "agóra" desnatura le biais de díser, e plaça le quich sus la sillba centrala atòna..
(Idem dambe cínema, vídeo...)
La refeccion de l'accentuacion tonica dels mots cultes es contestabla, e se ditz pas aital en patoès!


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions