CAPCALERA: PAIS INVISIBLE
CAPÇALERA2: mot amagat

Jornalet, gaseta occitana d'informacions

Diluns, 6 de febrièr

Joan-Marc Leclercq

Dimars, 29.11.2022 03h00

L’istòria existís pas (IV)


Comentaris 11 comentaris    
Dolent Fluix Bo Molt bo Fabulós (7 vòtes)
carregant En cargament





Lo tresau element de la cadena que fòrma l’Istòria es, evidentament, lo trabalh deus istorians. Es a díser l’estudi deus hèits ancians a la lutz deus comentaris deus contemporanèus de l’eveniment e de  las necessitats de l’epòca quan víven. E solide, es ad aqueste nivèu que benlèu vam trobar la mès gròssa distorsion de çò que’s debanèc per servir interesses politics.
 
L’exemple mès evident se tròba deu costat de la III-au Republica. França trauca lavetz un periòde de nacionalisme heròtge, que los istorians futurs, per contra, van minimizar. L’Estat francés es virat, entre 1871 e 1914, de cap a una sola mira: tornar prénguer Alsàcia e Mosèla a l’òrre empèri aleman, on las duas regions gausissen d’un estatut d’autonomia dambe un parlament locau.
 
Es pr’aquò qu’istorians, deus quaus lo mès coneishut es Ernest Lavisse, se van emplegar a escríver lo "roman nacionau francés". Serà l’epòca deu famós "Le Tour de la France par deux enfants", un manuau escolar "d’edificacion patriotica" que devoc léger cada dròlle, e que trantalhava pas tampauc de citar la raça blanca coma "la mès perfèita" e lo colonialisme coma un "dever civilizator".
 
Pauc chepicós de la realitat istorica, lo roman escrit ad aquesta epòca empleguèc o creèc mites, deus quaus lo mès celèbre es sense de dobte lo deus Galleses. Sufiscoc pas que de remplaçar lo nom istoric "Las Gàllias" (ensems de paises estrangèrs a l’endehòra de Roma, deu nòrd d’Itàlia dinc a Alemanha e Soïssa) per "Gàllia" per ne hèr qu’un sol país, e doncas hèr deus numeroses pòbles diferents sense lenga, religion ni costuma comuna, un ensems omogène d’aujòus deus Franceses atau unificats per una istòria comuna. Estoc Lavisse eth medish qu’espandiscoc l’expression simbolica "Nòstes ajòus los Galleses".
 
Es atau qu’apariscón dens los diccionaris las gravaduras de Galleses au costume engibanat per un dessenhaire, dambe, per qué pas, lo celèbre casco ondrat d’alas, emblematic mes complètament fantasiós (véser imatge), qu’Uderzo tornèc utilizar per son personatge d’Asterix.
 
Vos passarèi lo periòde nazi d’Alemanha e lo "trabalh" deus istorians de l’epòca (Fritz Geyer, Walter Gehl, Alfred Rosenberg) que s’empleguèn a inventar teorias sus la raça ariana e los dangièrs deu mestissatge.
 
D’alhors cresi que, los Alemans avossen ganhat la guèrra, la majoritat seré aquí convençuda que lo nazisme estoc meslèu una bona causa, que los pòbles sacrificats a l’epòca fin finala se l’ameritavan plan, un pauc coma totas las victimas de la Terror revolucionària, monde descapitats pr’amor de lor naishença, de lors idèias o sus simpla denonciacion sens pròva, que son pas qu’un "detalh" d’un eveniment reconeishut generalament ara coma meslèu positiu a maugrat d’uns "excesses" e que celebram cada 14 de julhet.
 
Atz dejà ausit parlar de l’independéncia d’Alsàcia (1918) o de Corsega (1755-1769), ausit díser que Tolosa estoc una Republica Consulària (1189-1789)? Lo mot es hòrabandit deu vocabulari istoric nacionau.
 
Créser que los istorians practican una sciéncia exacta coma la fisica o la quimia (e encara, las sciéncias ditas "exactas" son manipuladas per umans dambe lor imperfeccion) seré doncas una error. A còps, pòden hèr pròva de tant d’imaginacion que non pas los autors de ficcion.
 
 
 
abonar los amics de Jornalet
 
 


 



publicitat
BANNER1 - OPLO erasmus



Comentaris

3 de decembre 20.58h

#10 Amistosament : https://www.seuil.com/ouvrage/histoire-et-verite-paul-ric-ur/9782020410946


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

3 de decembre 20.57h

#9 Se criticar l'istòria e son objectivitat es criticar las manipulacions ideologicas e los "romans nacionals" soi d'a fons d'acòrdi amb vos. La produccion istorica d'una partida de l'istoriografia en França (coma dins totes les estats-nacions) es estat sonque de la propaganda blosa en vista de justificar l'unificacion politica (e industriala) de l'exagòn, en tot escafar lo "país real" e sa pluralitat nacionala e culturala etc.
Ara, çò que voliá dire èra simplament: cal pas escampar lo... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

3 de decembre 15.31h

#8 Dogmatic ? Ieu ? Benlèu, encara qu'aquò me daisse sceptic, tot bèl just. domatic, mas… de quin dògme ? Soi mesfisant devant los mercants de paraulas que se vestisson d'autoritat institucionala per far passar lor propaganda, notadament nacionalista francesa…

Ont es lo dògme mieu ?

E non me vesi melhor qu'eles. Simplament, vist que de ges de biais lor nacion non pòt èsser la mieuna (a supausar qu'ieu n'aja una) m'es malaisit d'acceptar l'idèa que lor demarcha pòsca èsser obje... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

3 de decembre 12.44h

#7 Vòstra atitud me pareis puslèu dogmatica que autenticament sceptica. Cal pas confondre criticisme (objectivitat del ròtle del subjècte dins la constitucion de l'objectivitat) e scepticisme (la subjectivitat es l'arbitrari de las interpretacions, donc totas se valan, e donc tot es relatiu : l'interpretacion dels crosatstant coma las dels catars)...
Las basas de las teoricas ermeneuticas (la sciéncia de l'interpretar e la defena d'una objectivitat pròpria a las sciencias umanas) de Ricoe... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

3 de decembre 07.52h

#6 Es de Pèire Baile, Miquèu de Montanha, mas subretot de Kant e Schopenhaeur, puèi de Wittgenstein (Cf. De la certitud) que me lven lo scepticisme davant la pretenduda "scientificitat" d'unes expausats de l'istòria, totun manifèstament ideologics e, donc, pas brica objectius.

Non soi catolic. De confessions, non ne fau. Mas efectivament, reconeissi amb Socrates que "La soleta causa que sàbpia es que non sabi res". "Lo mond es ma representacion" (Schopenhauer). "La causa en se nos es in... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

2 de decembre 19.44h

#4 "interpretar es un interpretar" es pas un truïsme, mas una tautologia (A=A).
I a d'estudis scientifics sul concèpte d'interpretacion fòrça complèxes e saberuts (de monde que passan sa vida a estudir çò que vòl dire) e que demandan d'annadas de paciéncia e de reflexion per comprene çò que vòl dire. Per ieu vòstra senténcia es una confession d'ignorància.

Encara un còp, sòl un concèpte caricatural d'objectivitat e de veritat (lo de la mecanica classica) pòt partir del princ... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

2 de decembre 19.39h

#3
Los negacionistas son d'acòrdi amb vos.
La destruccion dels josieus d'Euròpa es donc qu'una "interpretacion"?
Sufirà de cambiar de govèrn, per cambiar de "vertat"?


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

1 de decembre 14.28h

Per se far una idèa de "la vertat" d'una interpretacion, cal escotar la diversitat infinida de l'interpretacion d'una meteissa particion musicla. La variacion Goldberg de J.S. Bach per l'interprèt Glenn Gould sembla plan desparièra al començament e al final de la carrièra d'aquel pianista inimitable. E s'agís del meteis document imprimit, prefièitament legible, segon las exactas meteissas reglas de solfègi, per un meteis interprèt.

Interpretar non es mesurar ni rendre compte d'unas m... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

1 de decembre 14.09h

#1 Mercés per vòste messatge fòrça interessant.
Soi pas un scientific, quitament s'èi agut un bachelierat scientific, m'interessèi meslèu a l'uman, sustot a son lengatge e a çò que representa. Parli aquí de l'Istòria tala que lo monde en generau coneish, es a díser una coneishença deu passat que sembla vertadièra per la grana majoritat. Es aquò que n'existís pas.
Quan escrivètz "I a d'interpretacions vertadièras", vesi pas jo la definicion de "vertadièra". En quimia benlèu,... Legir la seguida


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

30 de novembre 08.21h

Absoludament d'acòrdi amb aquela conclusion : "Créser que los istorians practican una sciéncia exacta coma la fisica o la quimia (e encara, las sciéncias ditas "exactas" son manipuladas per umans dambe lor imperfeccion) seré doncas una error. A còps, pòden hèr pròva de tant d’imaginacion que non pas los autors de ficcion." Per exemple, ne trobaretz, plan plaçats dins l'institucion universitària, per vos contar que la gelisa crestiana dita "catara" non a existit, o que los trobadors... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OC Brigada

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions