Dimars, 6.12.2022 03h00
Ara vaquí que’ns cau evocar l’ensenhament de l’istòria. Çò qu’escrivèvi suu biaish dambe lo quau la Comuna de París ns’estoc ensenhada au licèu (véser “L’istòria existís pas I”) nos pòt hèr comprénguer aisidament que sèm pas tampauc dens una objectivitat, quitament imperfèita, que poderé balhar a la disciplina lo títou de “sciéncia”.
Çò que s’ensenha a l’escòla es pervist dens un programa educatiu. Aqueste programa es causit per personas que, generalament, depénden d’un poder o qu’an un apròchi meslèu similari d’aqueste poder. Cau pas ensenhar qué que sia aus dròlles.
Los tèmas ensenhats son doncas causits au minímum dens l’encastre politic o filosofic majoritari deu moment e deu lòc o, s’ac cau, devath un pes autoritari e miaçant. Los professors an una largança a l’entorn deu tèma designat coma oficiau.
Se hèm la lista deus tèmas “interdits” per l’Educacion Nacionala francesa, es a díser causas que déven demorar desconeguts deus aprenents, trobaram (resumit deus episòdis precedents):
La batèsta de Tolosa de 721
La Republica consulària de Tolosa (1189-1789)
La Crotzada contra los Catars (1209-1229)
La susmauta e la secession deu Lengadòc de 1632
L’independéncia de Corsega (1755)
Lo Còp d’Estat de junh de 1793
Las susmautas federalas que seguiscón
L’independéncia d’Alsàcia (1918)
…
Ne desbrembi un brave paquetàs.
Se, per exemple, cadun a vist a l’escòla lo celèbre quadre deu pintre David que mostra Marat assassinat dens sa banhadera per Charlotte Corday, pauques saben pr’amor estoc atau atacat. N’i a pas brica que saben qu’èra l’autor deus chaples de seteme de 1792 qu’avèvan classificada la França de la Revolucion au nivèu deu Cambòtja deus Khmers Roges, abans los chaples de Vendèa e las negadas de Nantas.
Lavetz que, deu temps deus reis, aquestes se “creavan” un aujòl prestigiós (Loís XIV de França disèva que provenguèva de Clodovèu), au moment de la Republica, especialament la tresau, caloc crear aujòls prestigioses a l’ensems deus ciutadans franceses, es atau que los Galleses estón inventats.
E justament, en tot parlar de Clodovèu, es considerat en França coma lo purmèr rei deu país. En Alemanha qu’an, de lor costat, un cèrt Chlodwig Ièr coma purmèr rei. Aquò va plan, es lo medish.
Comentaris
15 de decembre 22.46h
#12 Adixatz, plan segur que en totas guerras que i a opòrtunitats economicas , mès eth hons deras causas dab eras tumadas deth islam e dera cristiandat que son pregondament arreligiosas e civilisacionaus . Eth cristianisme que vajó en palestina qu’èra eth emperi arroman puix que s’esparriqué de cap tar’Anatolia (Turquia actuau) e’ra Grèça ,puix en Africa deth nord Egipta permèr pais d’Africa crestian ,en seguin entò’ra Mauritania (Marròc actuau) acèra cristiandat africa... Legir la seguida
Valora aquest comentari:
0
0
14 de decembre 21.29h
#11 Oc-ben. Podèm aver una lectura religiosa dels conflictes, per una part, mas amaga mal las autras rasons (politicas, socialas, economicas...). Per exemple, Lois IX èra un "crestian ferotge" mas explica pas sa determinacion a la batalha de Taillebourg.
Es totjorn interessant de consultar los autres punts de vista. De nòstre costat, lo som de la guèrra religiosa es la crosada: guèrra ordonada pel Papa, amb de "recompensas" religiosas (remission dels pecats), òrdres de monges soldats e co... Legir la seguida
Valora aquest comentari:
1
0
14 de decembre 18.00h
#10 Adixatz n'ei pas faus, mès eth Wali Al Sahm ibn Malik al jawali que's moriscó a Tolosa en 721 quèra un herotge musulman en eth islam que i a duas terras ua (dar al islam ) era terra deth islam e (dar al harb) era terra dera guerra çò que vòu diser qu'un bon musulman qu' a a portar era guerra enas autas terras entà que devienen musulmanas tapòc no cau pas desbrombar qu'entre era cristiandat autament dit euròpa e'th monde musulman que son tretze sègles de combats !
Valora aquest comentari:
0
0
14 de decembre 10.03h
#7 "èra ua batalha sustot dera cristiandat contra eth islam" o puslèu una batalha entre un conquistaire arabo-ispanic-mauresc contra un monde franco-romanic-vascon.
Valora aquest comentari:
0
0
14 de decembre 10.03h
#7 "èra ua batalha sustot dera cristiandat contra eth islam" o puslèu una batalha entre un conquistaire arabo-ispanic-mauresc contra un monde franco-romanic-vascon.
Valora aquest comentari:
1
0
11 de decembre 18.44h
Èri enqüèra au licèu, en classa de filosofia, la professora d'istòria-geografia nos avèva ensenhat aquò (que n'èi pas jamèi oblidat) :
un eveniment ? es una seguida de questions ! " quau ? hèi qué ? quan ? on ? com? tà qué ? perqué ?"
E sustot, abans tot : "Quau conta aquò ? shens parlar de çò que ne se conta pas ! damb las medishas questions ".
Las responsas per aqueras 7 questions son en aquestas.
Valora aquest comentari:
2
0
9 de decembre 21.57h
Adixatz , dera batalha de Tolosa en 721 que'n sòi d'acòrd mès qu'èra ua batalha sustot dera cristiandat contra eth islam .E'ra arrepublica de Tolosa pas tròp qu'èra sonque ua carta de libertats comunalas coma en i a aguts a puix près pertot en Euròpa ,eths capitols qu'èran eleguits cada an peths poblans deths quartiers qu'èi vertat qu'aven poder d'administracion ,de justicia e defensa qu'èran arreconuguts per conde e'th arrei de França ath seglè quinzau e'ra creacion deth parlame... Legir la seguida
Valora aquest comentari:
1
9
8 de decembre 09.33h
De tot aquò n’avèm tròçes, d’aqui d’ailà, mas ren de recampat, çò me sembla, avèm pas un quita fial menaire, una repelida esquematic per nos balhar lo tempre de tota aquela istòria facha de mantunas istòrias. Entrò quora ?
Temps i a, aviái entemenat una « mapa d’encap » (mind map) pas sonque per l’istòria, èra en francés per apatiar.
S’en podiá fargar de jpeg e autris formas tanben, se me rementi plan. Èra alavetz aisit de passetjar sus los esmartfons... Legir la seguida
Valora aquest comentari:
3
0
7 de decembre 14.25h
N'ai mancat un :
https://occitanie-cathare.eu/le-catharisme-en-tarn-et-garonne-textes-de-ruben-sartori/
Valora aquest comentari:
3
1
7 de decembre 14.23h
Lèu fach
Catars :
Marmande
Tonneins
Tournon d’Agenais
Anthé
Masquières
Montcuq
Penne d’Agenais
Penne d’albigeois qui profite du nom de penne et se fait raser par erreur.
Casseneuil
Figeac
Cajar
Cahors
Montpezat de Quercy
Puylaroque
Mazerac
Caussade
72 eretges passat sul lenhèr entà Tournon D’Agenais.
120 cremats a Marmanda
80 cremats a Agen
300 cremats a Moissac
1249 Cinc annadas apèi Mont segur 80 catars son passat sul lenhèr a Agen
De legir.
https://www.ladepeche.... Legir la seguida
Valora aquest comentari:
5
0
Comenta
Lo comentari es estat mandat corrèctament
13 comentaris
(13 vòtes)
En cargament
13 comentaris
Mandar
