CAPÇALERA2: AMICS DE JORNALET

Jornalet, gaseta occitana d'informacions

Dimenge, 22 d'octòbre

Joan-Marc Leclercq

Dimars, 12.9.2017 03h00

Omosexuaus e crestians


Comentaris 10 comentaris    
Dolent Fluix Bo Molt bo Fabulós (10 vòtes)
carregant En cargament


Celebracion ecumenica durant lo rescontre Forum europèu de las associacions LGBT crestianas a Merville
© David et Jonathan




Etiquetas
crestians, eelv, leclercq, omosexuaus, omosexuauscrestians

Au parat d’un concèrte qu’èi hèit a Duunkerke (Flandres occidentalas o Westhoek) ende las Jornadas d’Estiu d’Euròpa-Ecologia-Los Verds, èi encontrat un hum de monde de totis e plan sovent fòrça interessants.
 
Cau plan díser qu’aqueste partit, en dehòra de sas benalèjas electoralas, a l’avantatge d’estar lo qu’a lo devis mès clar sus las lengas de França o l’Esperanto per exemple. A las Jornadas d’Estiu, lo minjar es automaticament per totis biò-vegan e gessit de circuit brac. Se pòt demandar tanben sens gluten, solide.
 
La mentalitat deus militants de basa es, segon jo, fòrça tròp natre e generosa ende poder s’acarar au monde politic d’un regime representatiu, on lo mès filotaire ganha. Les ac digoi.
 
Entre doncas contactes enriquidors divèrses, un polit encontre dambe una hemna. Es pas çò que la frasa poderé deishar pensar, pr’amor que me parlèc justament de sa molhèr. Estar activa au miei d’un partit politic ecologista e lutar endeus drets deus omosexuaus, vaquí dus capèths que pauc de monde poden portar a l’encòp, pr’amor que cau una seriosa energia. Mes es pas tot.
 
Aquesta hemna me parlèc de l’associacion de la quala s’encuenta e que’s sona “David e Jonathan”, movement omosexuau crestian. Vaquí doncas ara tres capèths, deus quaus dus poden semblar drin antinomics.
 
David e Jonathan existís oficialament dempuèi 1983. Son nom veng deus dus personatges deus líber de Samuel de la Bíbla, on lo hilh de Saül e lo de Jessè son ligats per una relacion que’s pòt aisidament interpretar coma amorosa. La semblança dambe lo nom deu duet musicau de la annadas 80 es complètament fortuit pr’amor que s’agís dens aqueste cas deus noms vertadièrs deus dus protagonistas.
 
Soi pas ni crestian ni omosexuau, mes èi vertadièrament enveja de saludar lo combat d’aqueste monde qu’emplegan lor temps a essajar de hèr càder prejujats dens un mitan, diserí, pas favorable. Les balhi un còp de capèth.
 
Mes lor mission s’estanca pas aquiu, son tanben un lòc d’arcuelh e de dialògue ende personas “omosexualas, bisexualas, e transsexualas en recèrca espirituala”, e, ac podèm pensar, sovent en desarrei pr’amor deu reget d’una part de lor comunautat e a còps tanben de lor familha.
 
Es quicòm de hèr conéisher, que hè mudar las linhas sus çò que podèm pensar de l’omosexualitat o deu cristianisme. Podèm pensar tanben aus omosexuaus musulmans que patissen sovent dens cèrts paises de discriminacion e sovent tanben d’una repression heròtja, mes que’s volèn totun totjorn musulmans.
 
Son la pròva que l’esperit uman es mès larg que non pas las parets de las ideologias e deus dògmas. L’Amor tanben.
 
Entresenhas: https://www.davidetjonathan.com/
 
 



abonar los amics de Jornalet



publicitat



Comentaris

16 de setembre 20.26h

'Quela procedura que gaita
los que la societat rebuta
pr'amor qu'an chausit dins lor vita
Ni diu, ni mèstre ! Ni diu, ni mèstre !

'Quela paraula d'evangèli
que fai plejar tots los embèfis
e bota dins l'orror civila
de la nobletat e d'estile.
’Quela credada sens roseta
’Quela paraula de profeta
Io, la repete e vos sovete
Ni diu, ni mèstre ! Ni diu, ni mèstre !

(Joan-Pau Verdier, d'aprèp Léo Ferré )


Valora aquest comentari:   votar positiu 11   votar negatiu 0
Respondre comentari replica Comentari inadequat   Formulari d'abús de comentari

14 de setembre 13.00h

Ente es « l'espiritualitat » chas los 3 cosins dau Abraame, au mitan daus dogmes ?
Perdeque far los LGBTHQ&azerty aurián mestier d'anar chas lurs prosecutors per i trobar quauquares ? Fauta de ne'n aver au cuòu, fau queraque estre colha !

Afe, sauv error de ma poma, avant D&J i aguet Beit Haverim, per los jusieus gais e trabalhats per las creienças. D&J es resmas que la continuitat dau conformisme gai, farjat per lu André Baudry, qu'es de dire « pòs estre gai, mas te fau estre malaür... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

14 de setembre 09.20h

#8 Que òc, me feliciti que las religions reculan davant la rason, e reculan tot cort.
Se m'engani pas, lo mot rason es absent de l'article, mès l'autor es rasonable.
La rason es avant tot la libertat compatible.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

13 de setembre 23.36h

#7
Jo, que tròbi rassegurant qu'ua religion e posqui tornar examinar la soa doctrina, e perqué pas dens un sens mei inclusiu.
A tu que t'agrada mei que demorin dens esquèmas completament dogmatics?


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

13 de setembre 23.00h

Las religions reveladas son anacronicas...
Coma Microsoft, te sòrten de mesas a jorn periodicas...


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

13 de setembre 13.18h

#3 Planvengut Monsur Ivan qu'acaba de descobrir la polisemia desu tèxtes (sacrats susquetot) !...


Valora aquest comentari:   votar positiu 1   votar negatiu 2
Respondre comentari replica Comentari inadequat   Formulari d'abús de comentari

13 de setembre 13.18h

#3 Planvengut Monsur Ivan qu'acaba de descobrir la polisemia desu tèxtes (sacrats susquetot) !...


Valora aquest comentari:   votar positiu 1   votar negatiu 2
Respondre comentari replica Comentari inadequat   Formulari d'abús de comentari

13 de setembre 09.01h

#1 Òc-ben, e en particular la diversitat de las glèisas protestantas. Per exemple, fa un an, la Glèisa Metodista Unia dals Estats Units elegiguèc una frema maridaa a una autra coma evesca, Karen Oliveto.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

13 de setembre 03.12h

nomes un analfabet funcional pot arrivar a la conclusió que david i jonatas eren homossexuals el llibre de samuel no diu aço ni res que paregut.


Valora aquest comentari:   votar positiu 4   votar negatiu 5
Respondre comentari replica Comentari inadequat   Formulari d'abús de comentari

12 de setembre 14.02h

Lo crestianisme n'ei pas quauqu'arren de monolitic.
Despuish 2015, l'Église Protestante Unie de France (gessida de l'union entre la glèisa lutherana e la glèisa reformada) qu'accepta de benedir los maridatges omosexuas atau com las unions eterosexuaus.


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions