CAPÇALERA2: IEA-AALO

Jornalet, gaseta occitana d'informacions

Dimars, 20 de novembre

Joan-Marc Leclercq

Dimars, 18.9.2018 03h00

On n’es l’ucrainian?


Comentaris 26 comentaris    
Dolent Fluix Bo Molt bo Fabulós (6 vòtes)
carregant En cargament


Percentatge de locutors d'ucranian coma lenga mairala segon lo recensament de 2001
© Alex Tora




Etiquetas
leclercq, ucraïna, ucraïnés

Vaquí una question a la quala es particularament mauaisit de respóner. Quitament après un viatge recent en parçan ucrainofòne, pòdi pas díser que la situacion de la lenga sia assegurada e perenna.  
 
Se’vs passajatz a l’oèst d’Ucraïna, entre Lviv (Львів) e Kolomyia (Коломия), sia dens un país coneishut coma de lenga e de cultura ucrainianas (polonesas un còp èra abans la guèrra), veseratz que tot es escrit en ucrainian. Per çò de la practica quotidiana, es quicòm de diferent. Èi, per exemple, demandat mon camin a un piri que m’a responut en rus. La santat economica de las regions de l’oèst, mès ananta que non pas la de las regions orientalas, hè vénguer monde que, a còps, traucan tanben la termière polonesa ende cercar trabalh.
 
L’ucrainian a viscut benalèjas de totas dempuèi bèra pausa. Après una russificacion per l’empèri tzarista (en 1863 estoc interdit e declarat “inexistent”), estoc oficializat bracament a la revolucion bolshevica dinc a l’arrivada au poder d’Stalín, e lo país sancèr patiscoc violentament de la politica deu “Petit Pair deus Pòbles” que, segon los istorians ucrainian actuaus mes tanben uns estrangèrs, causèc una hamèra que hascoc uns 6 milions de mòrts, aperada lo Holodomòr (голодомор).
 
Lo país, teatre deu front de l’Èst entre 1941 e 1945, vesoc desaparéisher un gran nombre de civius (6,6 milions) deus quaus, solide, fòrça locutors de la lenga. Au sortir de la guèrra, l’Union Sovietica reconeishoc l’ucrainian coma oficiala, mes dens los hèits tot estoc mes en plaça ende la preponderància deu rus, jutjat mès utile que non pas un ucrainian meslèu utilizat peus paisans.
 
Dempuèi l’independéncia (1991), la sola lenga oficiala de l’Estat es l’ucrainian, mes es pas qu’un enganavista. Solide la lenga a fòrça progressat vist qu’es presenta sus totis los canaus d’informacion nacionaus e dens l’administracion, mes los russofònes son tostemps en majoritat a l’èst e la preséncia deu gran vesin lor permet de víver sense de saber la lenga oficiala.
 
Èi ausit que 80% deus filmes ucrainians produsits ara lo dia en Ucraïna son hèit en lenga russa. Los russofònes receben las televisions russas e crompan líbers e discs en rus. L’importància deu mercat russofòne pesa hòrt sus unas brancas de l’economia.
 
Dambe lo conflicte au Donbas e la pèrda de Crimèa, lo rus a perdut un cèrt pretigi, mes dens la vita vitanta, es mauaisit de destronar. Avèvi, i a bèra pausa, assistit au devís drin suberrealista de quauqu’un que dehenèva l’usatge de l’ucrainian d’un biaish huegós mes … en rus, pr’amor que sabèva pas la lenga.
 
Fòrça monde se son botats a aprénguer l’ucrainian e lo volen parlar, mes lo parlan com una lenga estrangèra apresa a l’escòla, e se lor volontat hèr gai de véser, lor accent es tostemps pesuc e lo país en generau a vist néisher una mena de creòle a basa de rus ucrainizat, aperat “sórgic” (суржик).
 
La lenga era medish es, coma cada lenga a l’estat naturau, fòrça divèrsa suu terrenh, gaireben fòrça mots an, dens lo diccionari, una revirada vesina deu polonés e una vesina deu rus.
 
Se la subervida de l’ucraïnian sembla ara assegurada, la situacion deu país es totun especiala: un drin coma Irlanda, desseparat de l’empèri, lo país compta en se medish una populacion importanta que contunha de parla la lenga de son ex-mèstre. Se pòt atau projetar sus l’avenidor d’una Catalonha independenta que deverà totun miar una politica volontarista ende conservar la lenga.
 
До побачення!
 
 




abonar los amics de Jornalet
 
 
 
 
 
 



publicitat
BANER1: IEA-AALO



Comentaris

22 de setembre 06.31h

Es pas aisit de restaurar la lengua de la campanha a la vila...
De véser emai le cas de Norvègia...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

21 de setembre 22.47h

#23 Cresi que cal pas banalizar lo tèrme "genocidi" qu'es la volontat de destruccion metodica d'un grope etnique per de massacres de massa. Los Josius, los Armenians, ne siaguèron victimes. Los Ucrainians tanben mas d'un autre biais : la famina organizada que tot lo blat partiá en Russia. Estalina faguèt pas que copiar una de las metòdas de la Republica francesa contra los "brigands" de Vendée : massacre de tot lo monde, òmes, femnas e mainatges, confiscacion dels viures e encendi de la... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

21 de setembre 19.51h

#23 Es pas lo genocidi ucrainian qu'es contestat, pas pus que leis genocidis armenians o josius. Mas lo personatge Terral, sosten revendicat deis identitaris francimands dau siti fachista f...de souche. Nosautrei siam pas de fachistas o d'identitaris francimands coma aquèu Terral e seis colègas de f...desouche. Basta d'aquèus ennemics de l'identitat occitana !
.


Valora aquest comentari:   votar positiu 14   votar negatiu 0
Respondre comentari replica Comentari inadequat   Formulari d'abús de comentari

21 de setembre 13.49h

#11 Benlèu que i a de causas que m'escapan, mas compreni pas que lo monde se siagan acarnassit contra vos pel fach qu'avetz evocat l' "holodomor", que sembla, evidentament, que siaguèt un vertadièr genocidi.
Aquò dich , daissar creire que lo sòrt fach als Rohingas, amb tot çò que se sap ara, recopat per plasses mediàs d'opinions diferentas,..... qu'aquò's pas quicòm que se pòt qualificar tanben de genocidi, ....e ben ,aqui, soi pas d'acòrdi.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

20 de setembre 22.03h

#18 Mercé plan.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

20 de setembre 19.48h

#17 #19 Segur qu'aquèu P.Terral es ren qu'un bèu-l'òli au servici deis Le Pen/Zemmour/F..de souche.
A ren a veire emé lo païs d'òc que degalha e salopèja ambé sa caga de francimandalha fascista.


Valora aquest comentari:   votar positiu 21   votar negatiu 0
Respondre comentari replica Comentari inadequat   Formulari d'abús de comentari

20 de setembre 19.30h

#17 Espècia d'ipocrit ! Fas semblant de creire que los poces roges aurian a veire amb lo fach que te siaguèsses felicitat, en enfonçant de pòrtas dobèrtas, que l'autor mençonèsse l'exterminacion d'unis 6 milions d'ucrainians pel sistèm bolchevic pel biais de la famina. Aqueles poces negatius an TOT a veire amb lo fach que siagues un escandalós propagandista pudent de f.. de souche. Aqueles estabosits de "Souchiens" que son doblament putassièrs perque son de nacionalistas francimands,... Legir la seguida


Valora aquest comentari:   votar positiu 25   votar negatiu 0
Respondre comentari replica Comentari inadequat   Formulari d'abús de comentari

20 de setembre 17.17h

#17 Vos sufís pas que de botar lo mot «Україна» dins GoogleTrad e de picar l'icòn per escoltar la pronóncia...

https://translate.google.fr/?hl=fr#uk/fr/Україна
https://fr.wiktionary.org/wiki/Україна


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

20 de setembre 10.32h

26 poces roges (bilan provisòri ?) per m'èsser felicitat que l'autor mençone aquela exterminacion d'unis 6 milions d'ucrainians pel sistème bolchevique pel biais de la famina, un genocidi tròp sovent ocultat, es vertat que los ucrainians qu'an tant sofrit d'opression e d'ocupacion son pas de ploraires de mestièr. N'i a que lo det gròs lor deu salament prusir. Gara la tendinita !
M'auriá agradat çaquelà que Joan-Marc Leclercq responde a las doás questions lengüisticas que pausavi :
Q... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions