CAPCALERA: la botiga
CAPÇALERA2: AMICS DE JORNALET

Jornalet, gaseta occitana d'informacions

Dissabte, 22 de genièr

Joan-Marc Leclercq

Dimars, 28.12.2021 03h00

Quan lo govèrn se regaha après sa peguessa enòrma


Comentaris 4 comentaris    
Dolent Fluix Bo Molt bo Fabulós (8 vòtes)
carregant En cargament


Lo pòrtavotz deu govèrn francés, Gabriel Attal
© Enrique Prazian




setmana passada avèvi parlat de l’estranha decision deu govèrn francés de cambiar lo passaclau sanitari en passaclau vaccinau. Perdequé “estranha”?
 
Com ac explicavi, abans, podèvan dintrar dens un lòc public las personas testadas (e doncas seguras de portar pas lo virus) e las personas vaccinadas e non testadas, potencialament portairas deu covid-19.
 
Vaquí que nòste Joan Castèths anóncia que la purmèra categoria de personas seràn lèu interdita. Las autas, potencialament dangerosas, se poderàn contaminar encara longtemps. E aquò es suspausat estar una mesura “sanitària”.
 
Sabi pas se, au govèrn, i a quauqu’un que legís lo Jornalet, mes semblaré que nòstes governants s’estossen apercebuts de lor bestiessa. Com se’n sortir d’aqueste podapè que’s son pausats ad eths medishes? An trobada una solucion.
 
Serà perpausat que, per dintrar dens un lòc public, sian demandats a l’encòp lo famós passaclau vaccinau mes tanben la resulta d’un tèst de mens de 24h. Lavetz, me vatz demandar, de qué servís lo passaclau vaccinau? Com sovent per aquesta pasa, se respón: “Vai-te’n saber, Carles.”
 
Mes s’agís aquò d’una manòbra meslèu finòta de la part deu govèrn.
 
Aqueste perpausicion serà debatuda peu parlament. Serà aus deputats de causir. Solide que los parlementaris van refusar aqueste amendament, e atau, lo govèrn se poderà dehéner de tot illogisme que sia. Plan jogat, Joan. Mmmm, perdon, Emmanuel.
 
Un còp de mès, lo pòrtavotz deu govèrn, Gabriel Attal, a enganat son monde en tot declarar:
 

“Mès lèu auram lo passaclau vaccinau, mès lèu seram protegits”, çò qu’es a l’encontre de la logica e, quitament, se pòt revelar dangerós en deishar créser a la populacion que la vaccinacion sola protegís.
 
Mes bon, cresi que sèm pas a la fin d’aqueste fuelheton.
 
De seguir …
 
 
 
 
abonar los amics de Jornalet
 
 

 



publicitat
BANNER1 - IEO 09 divendres espaci occitan



Comentaris

30 de decembre 05.49h

Aquell article flaira al devis de Dupont-Aignant ...


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

29 de decembre 22.32h

E tant que farem Atal...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

28 de decembre 12.46h

#1 Justament, me semblan aquò dus concèptes complètament diferents. Lo passaclau sanitari èra pervist per empachar la contaminacion. Es un fracàs totau, vist que lo nombre d'espectators dens un estadi serà limitat un còp de mès.
La vaccinacion permet d'evitar las fòrmas grèvas, ac sabèm, mes lo passaclau sanitari es quicòm mès.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

28 de decembre 09.35h

Lo passe vaccinau sierv a 'segurar que si 'tràpen lo virús aurán 'na fòrma pauc grava.
Quand avetz lo passe sanitari perque avetz estat testat negatiu, si jurte après 'trapatz lo virús, podetz totparier far 'na fòrma grava.


Valora aquest comentari:   votar positiu 5   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions