CAPCALERA: la botiga

Jornalet, gaseta occitana d'informacions

Dimècres, 21 d'abril

Joan-Marc Leclercq

Dimars, 9.2.2021 03h00

Véner l’occitan coma un produit?


Comentaris 17 comentaris    
Dolent Fluix Bo Molt bo Fabulós (12 vòtes)
carregant En cargament





Soi segur qu’ètz dejà enervats en clicar sus aqueste títou. I a, me cau confessar, un drin de provocacion de mon costat, e doncas un briconèu de marcatica (en francés: marketing) per obténguer una legida de mès.
 
Solide que nosautes, dens lo mitan occitanista, sèm sustot actius au mièi d’associacions e los entreprenaires son pas fòrça numeroses. Passam fòrça temps en ensajar de valorizar la lenga sens de pensar a quin benefici que sia e i perdèm temps e moneda au lòc de’n ganhar.
 
Mes a còps pensi a duas personas que, eths, an dedicat lor vida a “véner” idèas e concèptes.
 
Lo purmèr se sona Edward Bernays e l’èi dejà consacrat una cronica i a bèra pausa. Es aqueste ausèth que’s lauda dens son líber “Propaganda - La Fabrica deu Consentiment” (que’vs conselha de legir abans tota auta causa) d’aver venut lo tabat a las hemnas americanas après la purmèra guèrra mondiala en ajustar a la reivindicacion deu dret de vòte lo deu dret de fumar en public. Una capitada financièra totala per l’industria de la cigareta e … per Bernays eth medish, solide. 
 
A comptar de las annadas siessanta, un movement de pensada a mobilizada la generacion deus 15-35 ans, es çò qu’am aperat los “hippies”, los “baba-cool”, los “peluts” o, d’un biais mès occitan, “los pinflòïds”. Aqueste biais de considerar lo monde a senhorajat en çò nòste de 1968 dinc a la fin de las annadas septanta. Mes una aute movement l’a lavetz remplaçat per la joena generacion, un movement nascut en Anglatèrra, aperat movement “punk”, que venguerà tanben “new-wave”.
 
Quitament se lo fenomène es mès complicat qu’aquò, cau saber que lo movement punk estoc creat per una persona sola. Se sona Malcolm Mac Laren e èra proprietari a Londres d’una botiga de vestits sado-masos aperada Sex. Es eth que creèc lo grop Sex Pistols dambe un bassista que trabalhava a sa botiga. L’eslogan No Future es d’eth tamben.
 
Perdequé vos parli d’aquestes dus aujamis? 
 
Per díser que las tendéncias, las mòdas, lo biais de’s comportar deu mès gran nombre son pas tostemps lo hèit de l’azard mes que’s pòden “acompanhar” com se ditz uèi lo dia. 
 
Sens de càder dens l’excès deus exemples citats aquí dessús, perdequé par aver una soscadissa un pauc mès marcatica de la lenga? Perdequé pas emplegar los servicis d’una societat que poderé hèr una enquista “comerciala” deu produit qu’es la lenga? Demandar aus mès joens (que serén nòsta “cibla”) de qué pensan quan ausissen lo mot “occitan”? 
 
Perdequé pas associar la lenga a una tendéncia fòrta e actuala au miei de la joena generacion? La defensa deu climat? L’egalitat hemnas-òmes?
 
La societat “Babybel” o “Aldi” son bons exemples en hèr publicitats, se les atz vistas, (drin “putanièras” per un fromatge o un supermercat), qu’utilizan totas las cordetas e los cordilhons de las motivacions actualas de la joenessa. Enveja de milhorar la societat, ecologia …
 
Hasèm fòrça accions de totas suu territòri per la lenga, totjorn culturalas, mes benlèu se caleré botar tanben dens la logica que los autes utilizan, es a díser aquesta que marcha. 
 
Per vos rassegurar, demòra totun una bèra diferéncia entre defensors de la lenga e entrepresas comercialas, es que se “venèm” l’occitan, serà pas en escambi de moneda mes de renascuda de la cultura. E aquò nos hè, cresi, un detalh important. 
 
 
 
abonar los amics de Jornalet
 
 


 



publicitat
BANNER1: IEO Arièja



Comentaris

10 de febrièr 14.33h

#16 com se l’occit èra autant addictiu com la nicotina o l’alcoòl. Qu’escrivetz bestiessas mei grana que vos. Dab lo vòste pseudonime, ne n’i a pas entà estonar.


Valora aquest comentari:   votar positiu 2   votar negatiu 10
Respondre comentari replica Comentari inadequat   Formulari d'abús de comentari

10 de febrièr 13.21h

#13 Lo principi del marketing es de crear, de suscitar un besonh qu'existissia pas abans. Quinas que ne siaguen las consequencias per lo benesser del mond. L'idèia geniala ( la lubia ?) seria doncas de crear de totas pèças una addiccion fèra a l'occitan coma o faguèt l'Edward Bernays amb la cigarèta ? O amb l'alcol ? Tsss...


Valora aquest comentari:   votar positiu 14   votar negatiu 3
Respondre comentari replica Comentari inadequat   Formulari d'abús de comentari

10 de febrièr 11.23h

#9

M'avetz tengut l'estilò :

çò mai malastruc es que l’occitanisme es pas capable de se pensar d’esperel, i cal totjorn una pensada menaire venguda, adobada pels e dels autres, l’occitanisme es fach per siègre, pas per menar. Una brava parrugada de vailets acandolats a las piègers ideològias que digus n’en vòl levat qualques estufergues !

Lo temps nos acocha se caldriá destrigar !

Avèm tarzansa granda


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

10 de febrièr 11.23h

#9

M'avetz tengut l'estilò :

çò mai malastruc es que l’occitanisme es pas capable de se pensar d’esperel, i cal totjorn una pensada menaire venguda, adobada pels e dels autres, l’occitanisme es fach per siègre, pas per menar. Una brava parrugada de vailets acandolats a las piègers ideològias que digus n’en vòl levat qualques estufergues !

Lo temps nos acocha se caldriá destrigar !

Avèm tarzansa granda


Valora aquest comentari:   votar positiu 15   votar negatiu 3
Respondre comentari replica Comentari inadequat   Formulari d'abús de comentari

10 de febrièr 10.40h

#9 Ne soi pas de bèra pausa tostemps d’acòrd dab los articles d’opinion de Leclercq, mes que cau reconéisher qu’a sovent de bonas ideas, com ací e l’aute còp. Mes de segur que cau tostemps que i aja monde tà criticar tôt çò qui’s hè e tot çò qui’s prepausa, shens prepausar eths medishs arren de constructiu. Endavant, Joan-Marc Leclercq, hètz lo vòste harri shens har cas ad aqueths arnòpis !


Valora aquest comentari:   votar positiu 2   votar negatiu 13
Respondre comentari replica Comentari inadequat   Formulari d'abús de comentari

10 de febrièr 10.19h

#7
Que cau favorizar tôt çò qui permet d'espandir l'usatge de la lenga!


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

10 de febrièr 09.44h

En tot cas Occitània tota es plan estada venduda coma un produit, que l'occitan ne siague definitivament crebat i cambia res, al contrari !


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

10 de febrièr 08.50h

#6 "films pornografics en occitan" ?

B'existeishen dejà !!!

https://soundcloud.com/user-231000813/2-la-dignitat-20-part-one

https://soundcloud.com/user-231000813/la-dignitat-20-part-two-motherfuckers


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

10 de febrièr 08.16h

"Vendre l’occitan coma un produit". Es lo "metòde" (!!) OPLO, aquò marcha pas. Pas pus qu'aquel de l'occitanisme de las annadas setanta qu'ensajèt de crocar son tren al gauchisme-maoïsme-socialisme-marginalisme..etc.. pòst 68 d'obedencia parisenca qu'avia pas que mesprètz per la plocalha provinciala. Pas pus que lo metòde d'ara qu'ensa de crocar son tren a l'ecologisme jet set de la Greta Thunberg e als deliris LGBT en vòga a cò de la bobotalha parisenca e dels aparisenquits qu'an, ... Legir la seguida


Valora aquest comentari:   votar positiu 20   votar negatiu 4
Respondre comentari replica Comentari inadequat   Formulari d'abús de comentari

9 de febrièr 21.21h

#6 chiche!?

La region Alsace aviá fach un fake sus aquel tèma e aviá fach bolegar l'image de la lenga.

L'occitan après tot es la lenga de.
..l'amor!


Valora aquest comentari:   votar positiu 3   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions