CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Joan-Marc Leclercq

Dimars, 10.9.2019 03h00

Visca la banalizacion de l’omosexualitat!


Comentaris 18 comentaris    
Dolent Fluix Bo Molt bo Fabulós (10 vòtes)
carregant En cargament





La prima e l’estiu son sovent lo parat d’organizar un pauc de pertot caminadas per carrièras d’unas ciutats dens lo monde ende reivindicar drets endeus omosexuaus.
 
Lo mot “Fiertat” es sovent utilizat dens lo nom d’aquestas manifestacions, sense de saber que s’agís pas que d’un jòc de mots de l’anglés entre “Pride” e “Parade” que’s pronóncian deu medish biais, sustot aus USA.
 
Dens uns païses, los participants hèn pròva d’un beròi coratge pr’amor que los omosexuaus i son sovent atacats fisicament e les cau rénder omenatge. Cau saber totun que n’i a pas nat país on talas violéncias se pòdon pas debanar, degun es pas malurosament a l’acès, dens quina part deu monde que sia.
 
Se la luta deus omosexuaus ende mès de dret es necessària, cau saber que los opausants son tanben numeroses e poderoses. Lo limit de l’omofobia es sovent passat, sustot suus hialats sociaus on tròlls de totis pòdon espandir lor òdi, cobèrts per l’anonimat.
 
E cada caminada peus drets es seguida tra l’endeman de tweets venguts de sitis o quitament de personalitats politicas conservadoras que muishan òmis se passejant per carrièras las pèrnas nudas o apelhats de vestits de mòda sadomasoquista a costat de dròlles (véser imatge).
 
Una pichona recèrca mia generalament a la descobèrta de çò que l’imatge èra pas pres suu lòc de la manifestacion en question. Una tala fòto presa a Kiev en Ucraïna a servit atau de propaganda omofòba après caminadas a París. La d’un participant que potoneja un dròlle sus la boca estoc tanben espleitada coma escandal pedofile lavetz que venguèva non pas de França, on aquò se hè pas, mes de New-York, on los quites pairs eterosexuaus ac hèn a lors hilhs.
 
Las “informacions” de la television polonesa d’Estat, dirigidas peu partir PiS au poder, end’ilustrar lo programa “gay friendly” de l’opausicion (un deus miaires, lo Robert Bedroń, es declarat LGBT) muisha sens de cès cada ser lo medish imatge d’un sol participant a una “Caminada de l’Egalitat” (Es atau que s’apèran en Polonha: Marsz równości) apelhat en can de cuèr sadomaso. I a pas qu’un sol mes muishan pas qu’eth en bocla.
 
La partida, ende los fondamentalistas crestians, es totun pas ganhada, quan sabèm que Polonha es un deus sols païses (benlèu lo sol) d’aver enviat un deputat transsexuau au parlament e que la fòrça catolica Irlanda a votat per referéndum popular lo Maridatge ende Totis.
 
Totun, me demandi se lo hèit de s’apelhar en cuèr sadomasoquista pendent una manifestacion per l’egalitat es pas contraproductiu. La practica sado-maso es pas una especialitat omosexuala. Pòt se que non butar monde que son au limit, non pas omofòba, non pas omofilas, mes que pòdon estar espaurits per quicòm que’u pareish estranh.
 
Çò que pòt arribar de milhor a l’omosexualitat, per contra, es de càder dens la  banalizacion.
 
Que quauqu’un sia eterosexuau o omosexuau deveré demorar un subjècte sens nada importància e concernir pas que sa vida privada, au medish nivèu que sa preferéncia deu tè o deu cafè per desjunar.
 
Per astre, la television regionala silesiana (que depend pas deu poder centrau de Varsòvia) hascoc lo jorn de la caminada per l’egalitat de Katowice (lo 7 de seteme) un reportatge on se vesèvan pas que monde “banaus”, joens e que portavan drapèths de l’arcolan.
 
Aquò pòt hèr pensar a la majoritat deus telespectators que poderé estar quauqu’un de lor familha o de lors amics, e non pas un estranhàs vengut de sabèm pas on, e atau les balhar un espiar meslèu positiu suu subjècte de l’egalitat deus drets.
 
 
 

 



publicitat
BANER1-2-3: DGPL DICTADES



Comentaris

14 de setembre 11.13h

Los comentaris discriminatòris omofòbes jos aquel article son fòrça greus, fariá benleu mestier una moderacion? Que ne'n pensa la direccion de Jornalet?


Valora aquest comentari:   votar positiu 51   votar negatiu 36
Respondre comentari replica Comentari inadequat   Formulari d'abús de comentari

14 de setembre 10.23h

#16 ????????? : #9, # 13 e # 14. Capito ?


Valora aquest comentari:   votar positiu 38   votar negatiu 39
Respondre comentari replica Comentari inadequat   Formulari d'abús de comentari

13 de setembre 22.50h

#13 "Lo poder instrumentaliza l'omosexualitat", me podètz explicar com ? Segur que los omofòbes que suber-reagissen tra qu'ausissen lo mot "omosexuau" s'instrumentalizan eths-medishes e acusan lo poder d'aver causada lor reaccion...


Valora aquest comentari:   votar positiu 53   votar negatiu 40
Respondre comentari replica Comentari inadequat   Formulari d'abús de comentari

13 de setembre 20.08h

#13 Fatz mina de pas compréner mas sabetz plan que lo delicte que s'agís es pusleu de compara l'omosexualitat a la zoofilia e a la pedofilia notadament, aquelas practicas sexualas que, elas, son condemnablas e qu'an pas ren a veire emb l'omosexualitat, voletz far passat los omosexuaus per de las gents "anormalas" o malaudas.


Valora aquest comentari:   votar positiu 58   votar negatiu 36
Respondre comentari replica Comentari inadequat   Formulari d'abús de comentari

13 de setembre 15.48h

#13 Es aquò, lo mond patis lo caumatge e òm li empèga sot lo morre lo maridatge deis omosessuaus. Lo mond patis leis injusticias economicas e òm li brandis la Greta Thunberg. Faire remarcar aquèu manipòli bestiàs vos fai lèu-lèu passar a cò de la ben-pensança bòbò per un òrre escana-òmò e un anti-ecolò primari.


Valora aquest comentari:   votar positiu 42   votar negatiu 51
Respondre comentari replica Comentari inadequat   Formulari d'abús de comentari

13 de setembre 13.44h

#10 Constatar que lo poder instrumentaliza l'omosexualitat per faire doblidar son incompetència politica, economica e sociala, es un delicte ? Constatar que per "resolver" lo caumatge lo poder a instaurat lo marridatge dels pedachos es un delicte ? Constatar que per "resolver" la protèsta dels gilets jaunes lo poder a instaurat la "transicion ecologica" es un delicte ? Constatar que per faire diversion lo poder instrumentaliza A, B o C, es a cop segur "faire prova de discriminacion" contra A... Legir la seguida


Valora aquest comentari:   votar positiu 53   votar negatiu 64
Respondre comentari replica Comentari inadequat   Formulari d'abús de comentari

13 de setembre 12.03h

#11 Consideratz alaidonc que la discriminacion es pas un problema? Far de parlar occitan un delicte seriá justadament una discriminacion, seriá segur condemnat per las institucions europeas e internacionalas.


Valora aquest comentari:   votar positiu 48   votar negatiu 40
Respondre comentari replica Comentari inadequat   Formulari d'abús de comentari

13 de setembre 11.07h

#10 Se deman l'estat francés considèra qu'es un "delicte" de parlar occitan vos metretz a parlar e escriure francés e conselharetz a Jornalet de clavar ?


Valora aquest comentari:   votar positiu 45   votar negatiu 57
Respondre comentari replica Comentari inadequat   Formulari d'abús de comentari

13 de setembre 10.40h

Se podriá suprimir lo comentari 4 qu'es pas una simpla opinion mas qu'es pauc que pro un delicte? Per memòria, tota discriminacion de chap a un grop, aus omosexuaus per exemple, tot coma lo racisme, es pas una simpla opinion, es considerada coma un delicte dins l'estat francés. Lo comentari 9 es un concentrat de paternalisme e de mespretz paranoïd. Mercés Joan-Marc per aquel article que rampela las discriminacions que ne'n patissen los omosexuaus, e los comentaris çai-lau ne'n son una pr... Legir la seguida


Valora aquest comentari:   votar positiu 63   votar negatiu 55
Respondre comentari replica Comentari inadequat   Formulari d'abús de comentari

13 de setembre 08.23h

#8 Ah ! Ah ! Ah ! Mas mon polit, lo poder a pas INVENTAT l'omosexualitat, l'INSTRUMENTALIZA per faire diversion dels problèmas vertadièrs (creis de las inegalitats socialas, perda del poder de compra, creis de la repression estatala, e aqui afortiment del jacobinism..eca... ) Per vos faire agachar endacom, lo poder instrumentaliza l'omosexualitat coma o-fai amb l'ecologia alara que se'n fot completament mas avètz los uolhs trop capvirats aval per vos ne'n trachar. Aquela diversion del poder ... Legir la seguida


Valora aquest comentari:   votar positiu 46   votar negatiu 63
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions