CAPÇALERA: CAOC 2021-2022

Jornalet, gaseta occitana d'informacions

Dimècres, 22 de setembre

Joan-Marc Leclercq

Dimars, 14.9.2021 03h00

Zemmour candidat


Comentaris 23 comentaris    
Dolent Fluix Bo Molt bo Fabulós (5 vòtes)
carregant En cargament


Der Spiegel




A la debuta i cresèvi pas, mes una emission a França Inter m'assabentèc que òc, una còla trabalhava dejà a la candidatura deu cronicaire Eric Zemmour a la presidéncia de la Republica francesa.

Lo CSA, dempuèi lo 9 de seteme, a demandat à las cadenas de television e a las ràdios de carcular son temps de paraula coma part de temps de campanha electorala. Uns deputats se demandèn se calèva quitament pas comptar çò que recep de C News coma budgèt de campanha (qu'es limitat). Es doncas seriós.

Qu'una personalitat non pas eishuda deu mitan politic se presente a una eleccion es pas tan extraordinari e los exemples son numeroses, dinc à l'eleccion deu president ucraïnian Zelenskiï, un actor conegut per aver jogat lo ròtle d'un simple professor... devengut president (!).

Es la personalitat deu Zemmour eth medish qu'es aquí interessanta. Soi pas un afogat d'aqueste tipe, mes sabi que's planh màgerment de la desapareishuda deu "mascle blanc occidentau". Meslèu curiós de la part de quauqu'un qu'es ni tròp masclut, ni tròp "blanc", ni tròp occidentau per l'électorat en mira. Peu public de dreta "fòrta" que'u cau sedusir per sas idèas, un candidat de soca jusiva berbera d'Africa deu Nòrd es pas tan qu'aquò en equacion dambe lor biaish de concéber lor monde. Aquò rai, que's demèrden.

La purmèra idèa que'm veng en pensar ad aquò, es que fòrça politicians que's presentan semblan aver pas comprés lo sistèma electorau majoritari a dus torns. E totun son intelligents, non pas ? Se presentar solet es per Zemmour lo biaish milhor de hèr pèrder los candidats de son camp. Lo sistèma de las presidencialas demanda l'unitat tre lo purmèr torn, se que non l'escenari d'un 21 d'abriau muisha son nas, e aquò per quin camp politic que sia. Demandatz a Jospin çò que pensa de la candidatura de Chevènement...

Doncas podèm pensar que la candidatura de quauqu'un qu'a pas tròp de possibilitats de ganhar es pas hèita sonque per sa promocion personala e pas una rason de mès.

Lo Zemmour es ua bèstia mediatica e çò que ganha depen de sa popularitat. Justament, a la debuta d'aquesta campanha, sortís un libre. Cau pensar que serà convidat un pauc de pertot suus platèus televizats e que son obratge se vendrà coma cau. 

S'aquò es vertat per Zemmour, podètz espiar la lista dèus candidats o volontaris - candiddats per véser se n'i a pas que's vòlon assegurar lor promocion personala. Les eleccions presidencialas francesas servissen as aquò. 



abonar los amics de Jornalet

 


 



publicitat
BANNER1 - IEO 09 divendres espaci occitan



Comentaris

17 de setembre 17.07h

#22 Es çò que disi d'un autre biais, Pr'aquò çaquelà caldriá pas far un compendi del mond dintre drecha o esquèra, las causas son mai complicadas çò me sembla e lo binari esquèra/drecha es enrè de nosaus. La vistatada occitanista a totjorn estada fòra de las realitats.

Es pas la drecha que farà enantir l'occitan e es pas l'esquèra tanpauc : los partits politics balhan pas l'envetja al pòble de parlar sa lenga, al pus mai pòt botar en plaça d'unis estructuras per melhorar las... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

17 de setembre 13.19h

#21 Un jacobin d'extrèma drecha que remplaçaria un jacobin de drecha que remplaçava un jacobin d'esquerra es totjorn la mèsma causa : lo jacobinisme triomfant totjorn al poder. De que cambia per Occitània ? Pas res.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

17 de setembre 09.01h

#20

En realitat es pas la meteissa causa, te sembla çò meteis d'aqui estant que siás pas jamai estat dins lo jòc, D'aquel punt de vista verta es la meteissa causa : i siás pas. !


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

17 de setembre 07.48h

#19 E en republica francimanda de Paris, mai aquo cambia mai es la mèsma causa !


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

17 de setembre 06.59h

#18 O volguèssas o volguessas pas, siás remplaçat !


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

16 de setembre 18.35h

Bòf, intrigas e embrolhas de palàs a cò de la parisencalha, ferotjament e nevroticament jacobina, mai que mai quand aquela parisencalha es ispanò-soïssa (Manolo Valls) ongarèsa ( Nicolaï Sarkozy) o judeo-magrebina ( Zemmour) e que se vòl per aquò mai reialista que lo rei e quicha encara pus dins l'exaltacion bauja del roman nacional de França Etèrna. Quin interès per nosautres occitans ? Pas cap.


Valora aquest comentari:   votar positiu 7   votar negatiu 1
Respondre comentari replica Comentari inadequat   Formulari d'abús de comentari

16 de setembre 07.08h

#15

Sèm consents sus ren de ren!

Lo mendre emblaire de pichona fortuna sap e tressap que son ençò dels rics que cal anar emblar e non pas dels paures. Menat de farfantelas t’en vas emblar ençò dels paures cossi van crompar çò qu’as de vendre.

Lo mai grand emblaire es l’estat e l’estat es la mai granda ficcion ont cadun s’esperfòrça de viure al despens de tot lo mond (Frederic Bastiat economista occitan).

La sola causa qu'avèm en comun es de parlar occitan e es dins a... Legir la seguida


Valora aquest comentari:   votar positiu 2   votar negatiu 3
Respondre comentari replica Comentari inadequat   Formulari d'abús de comentari

15 de setembre 21.46h

#8 Franc, soi complètament d'acòrdi dambe tu. Es per aquò que pensi que las eleccions presidencialas son una parodia de democracia. Te boten un "quasi d'esquèrra" mediatizat en evidéncia e 1/ sia presentas un vertadièr d'esquèrra en fàcia e l'esquèrra pèrd, 2/ sia te'u cau sosténguer aquesye faus-d'esquèrra. de tot biaish atau an ganhat.
Dens una democracia vertadièra, es lo pòble que vòta las leis, pas actors de cinèma entre los quaus cau causir un còp los 5 ans.


Valora aquest comentari:   votar positiu 1   votar negatiu 2
Respondre comentari replica Comentari inadequat   Formulari d'abús de comentari

15 de setembre 17.49h

#14 Sèm doncas d'acòrdi que son los rics que panan lo mai e que caldrà donc començar d'aqueste costat per de rasons d'exemplaritat abans d'anar enmerdar los paures que panan qualques centenats d'€. Benlèu que se la justicia condemnava proporcionalament, i auria mens de fraudas bèlas:
-d'un costat 3 meses de preson per panar un fromatge (https://www.leparisien.fr/faits-divers/toulouse-trois-mois-de-prison-ferme-pour-avoir-vole-une-buche-de-chevre-22-11-2016-6361719.php) -de l'autre, 1.5 ... Legir la seguida


Valora aquest comentari:   votar positiu 10   votar negatiu 2
Respondre comentari replica Comentari inadequat   Formulari d'abús de comentari

15 de setembre 17.12h

#13

ahhhh bona causas crèsi que i a còps d'engranièra de passar...
Alavetz caldr☺iá començar benleu per aquò


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions