CAPÇALERA2 DINTRADA2018

Jornalet, gaseta occitana d'informacions

Dissabte, 22 de setembre

Domergue Sumien · Questions de lenga occitana

Diluns, 25.6.2018 03h00

La Region de Tolosa: un toponim acceptable e alternatiu


Comentaris 29 comentaris    
Dolent Fluix Bo Molt bo Fabulós (13 vòtes)
carregant En cargament


Comuniquem amb un tèrme comun
 
Dins la populacion e dins lei mèdias, i a una confusion de mai en mai riscada entre l’Occitània reala e la nòva region oficiala de Tolosa que pretend s’apelar “Occitània”.
 
Es pas util de refaire tot lo debat sus aquela question dolorosa e ipersensibla. Lo govèrn diabolic de Manuel Valls a reüssit perfiechament a devesir leis occitanistas e a afeblir lo potenciau d’una consciéncia populara occitana.
 
Ara, la granda majoritat deis occitanistas pensan que sola l’Occitània reala pòt portar de maniera legitima lo nom d’Occitània. Òc ben òc: la granda majoritat deis occitanistas. Efectivament, es l’avís de quasi totei leis occitanistas que vivon en defòra de la nòva region oficiala de Tolosa, e es tanben l’avís de fòrça occitanistas dins la Region de Tolosa.
 
 
Quauquei proposicions qu’avèm ausidas e legidas
 
Per aquela opinion majoritària de l’occitanisme, es necessari de se metre d’acòrdi sus una apelacion alternativa, consensuala, eficaça e comprensibla per designar la nòva region oficiala de Tolosa.
 

— D’unei li dison la region Occitània per la diferenciar d’Occitània tot cort. Crenhi que la distincion siá pas pron eficaça perque fòrça abitants an una idèa vaga dau país.
 
— D’unei li dison Occitanie (Òcsitaní), en francés dins lo tèxt, quand parlan en occitan, per la diferenciar d’Occitània tot cort. Totun aquela solucion es pas pron contrastada. Pòt pas foncionar quand siam obligats de parlar en francés. Òr siam obligats de parlar francés amb una majoritat d’occitans.
 
— D’unei utilizan son nom publicitari Occitània-Pirenèus-Mediterranèa, mai es un nom tròp lòng que degun lo pòt far servir rasonablament dins una convèrsa normala. Per quant a l’abreviacion OPM (o pe èma), es gaire compresa.
 
— D’unei li dison l’Occitània Centrala mai aquò èra ja un subrenom de l’anciana region Miegjorn-Pirenèus. E en tot cas, es un subrenom pauc objectiu. Lo vertadier centre demografic d’Occitània es en Provença, coma o ai demostrat dins d’articles precedents. Lo centre geometric d’Occitània es en Roergue e coïncidís pas fòrça ben amb la totalitat de la nòva region oficiala de Tolosa (per quant a la sola vila de Tolosa, ramenti qu’es netament excentrada vèrs lo sud-oèst d’Occitània).
 
— Evidentament, es impossible de dire Miegjorn-Pirenèus-Lengadòc-Rosselhon, un nom interminable. E l’abreviacion MPLR (èma pe èla èrra) es de mau comprene.
 
— D’unei li dison la Region Tolosa-Montpelhièr, segon lei capluòcs ancians de Miegjorn-Pirenèus e de Lengadòc-Rosselhon. Es una solucion interessanta, valida e fòrça comprensibla mai es un pauqueton longueta.
 
(Naturalament, podèm pas acceptar aquela proposicion insultanta que pretend dire “lei País Occitans” per l’Occitània reala e que pretend confiscar encara pus durament lo nom d’“Occitània” per la sola Region de Tolosa. L’òme que faguèt aquela proposicion se trufa de l’intelligéncia deis occitanistas. D’efiech, lo nom d’Occitània es clar e federator dempuei de sègles e crèa pas de besonh de dire “lei País Occitans”. Au contrari, lo nom de Catalonha es ambigú dempuei 800 ans e justifica lo nom alternatiu dei País Catalans.)
 
 
La Region de Tolosa
 
Vaicí ma proposicion. La melhora solucion, cresi, es de dire la Region de Tolosa per designar la fusion de Lengadòc-Rosselhon amb Miegjorn-Pirenèus.
 
— Es un nom de bòn comprene e de bòn retenir.
 
— Es un nom relativament objectiu perque se referís au capluòc de la region.
 
— Es un nom respectuós, estilisticament nèutre, sens carga polemica.
 
— Es un nom que respècta melhor la populacion de Catalonha Nòrd, a l’entorn de Perpinhan, que se sent pas ges occitana.
 
Confèssi que se pòt confondre la Region de Tolosa (la nòva region oficiala) amb l’encontrada pus pichona qu’es a l’entorn de la vila de Tolosa, mai per aqueu segond sens, es totjorn possible d’utilizar lo nom tradicionau de Tolosan. Entre la granda Region de Tolosa e lo pichon territòri de Tolosan, pensi qu’una diferenciacion pòt foncionar.
 
Lo movement catalanista a reüssit a generalizar l’usatge de quauquei toponims que son pas oficiaus coma Catalonha Nòrd e la Frenja de Ponent. Son de noms que foncionan ben perque son brèus, expressius e pron objectius dins la descripcion.
 
Lo movement occitanista a reüssit a far acceptar lo toponim non oficiau lei Valadas (o lei Valadas Occitanas) per lei meteissei rasons.
 
La proposicion de dire la Region de Tolosa seguís lei meteis critèris. La distincion es limpida amb Occitània.
 
 




abonar los amics de Jornalet



publicitat



Comentaris

4 de julh 06.53h

#28 Lenguadòc Occitània (ra)mondina Région Occitània (administrativa)
franc Catalonha Nòrd


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

30 de junh 15.26h

#27 Bòn, escotatz, fagam la patz, vos ofrissi un patís (o una moresca, o un Coca Cola, çò que volètz) e assagem de parlar serenament.

Ai pas d'admiracion especiala per la "Region administrativa de Tolosa". Disi solament que Tolosa es lo capluòc d'aquela region administrativa: se l'apelam "Region de Tolosa", es solament una constatacion dau nom dau capluòc, es un mejan comòde d'evitar lo nom abusiu d'“Occitània”, pas mai...

Visquèri lòngtemps a Montpelhier, una vila que la cone... Legir la seguida


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

30 de junh 14.51h

#26 "Sens comentaris" m''estona pas, que demostrar lo contrari vos seria tras que malaisit . P.S. E rebatejar la region Provença dau nom de "Région de Marseille" seria tanben un toponim acceptable e alternatiu ? Bon coratge !


Valora aquest comentari:   votar positiu 12   votar negatiu 0
Respondre comentari replica Comentari inadequat   Formulari d'abús de comentari

30 de junh 14.11h

#25 «Vai sens dire qu'incloùre tanben Catalonha Nòrd dins la "Région de Toulouse" que semblatz sonar dels vòts vòstres . . .»
=> Non pas, prefeririáu una region de Catalonha Nòrd separada de la Region de Tolosa.

«aquel sembla-imperialism jacobin de farlabica que nasèja dins aquel "Région de Toulouse"»
=> Sens comentaris...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

30 de junh 12.48h

Dire de Montpelhièr o Besièrs que fan partida de la region de Tolosa es jà una aberracion istorica, qu'aquelas ciutats foguèron pas jamai dins lo comtat de Tolosa. E una aberracion geografica tanben : la Cevèna, la Pichòta Camarga o Narbona an pas res a veire amb de païsatges tolosans. Que sapigui, la Miegterrana o la garriga an pas jamai agandit fins als barris de Tolosa. L'appellacion "Lengadòc" aguèsse estada mai consensuala que non pas aquel sembla-imperialism jacobin de farlabica ... Legir la seguida


Valora aquest comentari:   votar positiu 20   votar negatiu 0
Respondre comentari replica Comentari inadequat   Formulari d'abús de comentari

29 de junh 23.15h

E òc, calia daissar far las autoritats, l'Estat (lo govèrn Valls) e sos vailets regionals (la majoritat régionala PS), qu'avian previst de cap 2015 de nomennar aquesta region "Sud de France" (campanha de las regionalas de Na Delga "Notre SUD !". Normalament,e s atal que las causas se devian debanar : la majoritat régionala anava causir lo novèl nom per la region gesside de l'union de "Midipy / Languedoc-Roussillon", doas apellacions èran en competicion, "Sud de France" e "Pyrénées-Médi... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

28 de junh 14.13h

Importància pron relativa
Le concèptes artificials de régions administrativas, coma territòris intermediaris entre l'Estat e le departament, son pas de bella Importància dins la localizacion de las gents, e encara mens le toponimes correspondents.
La nòva région Occitània, d'effeit, promòu l'usatge d'un toponime à l'egal de Bretanha, Alsàcia ô Còrsega, e es à cadun de se'l appropriar e de se'l revendicar.
Dobti qu'Occitània cambièssa de nom, foquèssa seguida à una demanda ipo... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

28 de junh 01.51h

#14 Lo contengut passa davant lo contenent, ço me sembla.
Nime es, despièi dos sègles per lo mens, provençala de modalitat lenguistica e de cultura ; quand se tròve a las bolas de Lengadòc e poplada, lòng de son istòria, de cevenòus entre autres "estrangièrs" :-)
La logica sariá estada de restacar lo triangle Nime-Arle-Avinhon a la region Provença.
Amai Montpelhièr, de tant qu'es lengadociana, es orientala sans ges de dobtança. Las relacions economicas e los trajècts fogau/liò... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

27 de junh 10.25h

#19 "Centroccitan", o soi, a de bon ! Soi a l'encòp e gascon e lengadocian. Ai dificultats a imaginar mon amic Joan-Frederic Brun definit coma un "poèta de la region de Tolosa", tant estacat coma lo sabi al Clapàs de Montpelhièr e a la bèla Camarga… Totes aqueles noms son problematics, e nos pausan encara mai de problèmas estant çò que s'esfòrçan de nommar : de tròces de tèrra decopats administrativament per unas gents que mespresan las realitats culturalas e patrimonialas, emai l... Legir la seguida


Valora aquest comentari:   votar positiu 14   votar negatiu 0
Respondre comentari replica Comentari inadequat   Formulari d'abús de comentari

27 de junh 00.16h

Legiguère ièr per lo promièr còp « region Occitanieta ». Benlèu poiriá faire.
Totjorn que lo problèma lo capite gaireben chasque jorn en Vivarés amb d’enfants o de bèus que me demandan perque la tèle ditz que tala porcion mençonaa de Droma o d’Ardecha es pas d’Occitània quand creián d’aver integrat que n’èran… O tròbe afrós ieu una recuolaa d'aquela mena.
M’es aviaires que la proposicion « Region de Tolosa » poiriá benlèu foncionar si disiam parièr « Region... Legir la seguida


Valora aquest comentari:   votar positiu 13   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions