CAPÇALERA: OPLO Licèu
CAPÇALERA2: Botiga

Jornalet, gaseta occitana d'informacions

Dissabte, 4 de decembre

Domergue Sumien · Questions de lenga occitana

Diluns, 23.7.2018 03h00

Inedit, dich, dit


Comentaris 20 comentaris    
Dolent Fluix Bo Molt bo Fabulós (11 vòtes)
carregant En cargament


(c) Inedit.design




Un trantalh frequent, entre leis occitanistas, es la forma dau mot inedit.
 
Normalament, l’occitan fa una distincion fòrça clara entre, d’un caire, l’adjectiu inedit ~ inedita e, d’autre caire, lo vèrb conjugat dich ~ dicha (dit ~ dita)
 
Occitan

(1) inedit ~ inedita —> Es un adjectiu de formacion culta que ven dau latin ineditus.
(2) dich ~ dicha (dit ~ dita) —> Es lo participi passat dau vèrb irregular dire (díser). La forma majoritària de l’occitan es dich ~ dicha. La forma minoritària, dit ~ dita, es tipica dei varietats ont se preferís (i)t en luòc de ch, coma dins agaitar en luòc d’agachar, coma dins nueit en luòc de nuech o coma dins punt en luòc de ponch.
 
La màger part dei lengas romanicas fan una distincion entre lei dos mots, coma en occitan.
 
Catalan
(1) inèdit ~ inèdita
(2) dit ~ dita
 
Italian
(1) inedito ~ inedita (que se legís inèdito ~ inèdita)
(2) detto ~ detta (que se legís détto ~ détta)
 
Espanhòu
(1) inédito ~ inédita
(2) dicho ~ dicha
 
Lo francés, per còntra, a de formas fòrça semblantas.
(1) inédit ~ inédite
(2) dit ~ dite
 
La semblança dei doas formas francesas buta fòrça usatgiers de l’occitan a crear una semblança artificiala en occitan. Lo problèma se pausa dins lei varietats d’occitan qu’utilizan de formas en ch.
 
Occitan erronèu
(1) inedich* ~ inedicha* (forma desconselhada)
(2) dich ~ dicha
 
Aquela error es fòrça correnta e la podèm trobar entre lei melhors autors de nòstra lenga. Ven pas d’una negligéncia, de segur, s’explica per la pression continua e inconscienta de la lenga dominanta francesa.
 
 
 
 
 
 
 
 



publicitat
BANNER1 - IEO 09 divendres espaci occitan



Perfil

Categorias

Las mai...

Mai d'articles

Archius




Etiquetas

ieo   sumien  

D'autres articles


Jornalet, gaseta occitana d'informacions