Diluns, 25.2.2019 03h00
Ai ja parlat de la distincion entre ll e lh dins un article de fa tres ans.
A la lèsta, ramentem que l’occitan destria dos grafèmas.
— Lo grop ll val [ll] en general. Regionalament val [l] en provençal, niçard, vivaroalpenc, auvernhat e lemosin.
— Lo grop lh val [ʎ] (‘ly’) en general e [l] en fin de mot. Regionalament val [j] (‘y’) en provençal e niçard. En auvernhat e lemosin, val [ʎ] (‘ly’) en general mas [j] (‘y’) en fin de mot. En vivaroalpenc e gascon, pòt valer [ʎ] (‘ly’) en totas posicions.
A causa de la dominacion del francés, i a lo risc de remplaçar
ll per
lh dins qualques cases. O cal evitar. Per exemple, cal preferir
ll dins
oscillar, pupilla, vacillar e cal evitar las formas amb
lh coma
oscilhar*, pupilha*, vacilhar* que venon del francés
osciller [ɔsije],
pupille [pypij],
vaciller [vasije]. Aquel problèma s’explica perque lo francés pòt pas distinguir facilament, dins aqueles mots, los cases ont
ill se deuriá prononciar [il] coma dins
la ville e los cases ont
ill se pronóncia [ij] (‘iy’) coma dins
la fille.
Vaicí una lista, un chic pus completa que dins mon article anterior, dels mots relativament coneguts que vòlon
ll en occitan en luòc de
lh. En fin de mot, remarquem que
ll pren la forma d’una
‑l simpla.
| forma occitana ont cal restablir ll (o ‑l en fin de mot) e ont cal evitar lh | forma francesa ont ill tend a se prononciar [ij] (‘iy’) en contradiccion amb l’etimologia |
| bacil | bacille |
| bacilliforme ~ bacilliforma | bacilliforme |
| Camil (nom d’òme) | Camille |
| Camilla (nom de femna) | Camille |
| destillacion | distillation |
| destillaire ~ ‑aira | distillateur ~ ‑trice |
| destillar | distiller |
| destillariá (niç. gasc. destillaria) | distillerie |
| gorilla | gorille |
| instillacion | instillation |
| instillar | instiller |
| mirtil (nom masculin) | myrtille (nom femenin) |
| oscillacion | oscillation |
| oscillant ~ ‑anta | oscillant ~ ‑ante |
| oscillar | osciller |
| oscillatòri ~ -òria | oscillatoire |
papilla
(mas papilhòta vòl lh, qu’es d’origina diferenta) | papille
(+ papillote) |
| papillomavirus | papillomavirus |
| Peironèla (o Petronilla) | Pétronille |
| Priscilla | Priscille, Priscilla |
| pupil (dròlle) | pupille |
| pupilla (dròlla) | pupille |
| pupilla (partida de l’uèlh) | pupille |
| scintillament | scintillement |
| scintillant ~ ‑anta | scintillante ~ ‑ante |
| scintillar | scintiller |
| sibilla (foncion) | sibylle |
| Sibilla (nom de femna) | Sibylle |
| titillar | titiller |
| vacillacion | vacillation |
| vacillant ~ ‑anta | vacillant ~ ‑ante |
| vacillar | vaciller |
Comentaris
2 de març 23.10h
S'espèra un article qu'explicita las leis que s'i amagan darrièr...
Amb aquò, question:
L'occitan, de per dialèctes que i a, sap realizar la geminacion (doblatge) de totas consonantas per assimilacion, e consí se fa que sonque qualques geminadas e pas totas, sian servadas (etimologicament) dins la grafia dels manlèus al latin?
Valora aquest comentari:
2
0
27 de febrièr 10.16h
#17 Imbécile < imbécilité es estat corregit per la reforma ortografica de 1990, aplicadera en las escòlas despuish la rentrada de 2017 ençà. La "nouvelle orthographe" que remplaça las ancianas grafias en l’ensenhament e las publicacions oficiaus, en tot contunhar de las acceptar pe’us d’acostumats a escríver "imbécillité", etc.
https://www.lalanguefrancaise.com/orthographe/guide-complet-nouvelle-orthographe/
http://www.academie-francaise.fr/sites/academie-francaise.fr/files/rect... Legir la seguida
Valora aquest comentari:
0
0
26 de febrièr 19.50h
#13 Se son de fòrmas distintas que son espandidas dins de zònas ont la realizacion [ll] per de mòts coma [es'palla], [es'pilla], ['grella] es teoricament generala i deu ben aver una rason.
Valora aquest comentari:
0
0
26 de febrièr 19.42h
De senhalar l'incoherència del francés que fa "imbécile" e "imbécillité"!
Valora aquest comentari:
1
1
26 de febrièr 15.07h
#11
I a de dialèctes ont se vei la diferéncia:
Dens lo men se ditz [fa'mijə] e teoricament [i'tali] (en prattica [ita'lijə] ) Idem per : [ale'maɲə] vs teoricament [uksi'tani] (en prattica [uksita'nijə])
Valora aquest comentari:
1
0
26 de febrièr 11.18h
Frezillar (frétiller)
Agacha se frezilla ambe son drut.
Provèrbi :
Lo drut es druc
Mòl es lo conhòl.
L'amant est dur
Mou est le cocut..
Ah resplendenta fulgor de la lenga nòstra
Ah resplendissant éclat de notre langue.
Ont sias ,
Valora aquest comentari:
0
0
26 de febrièr 10.56h
Article plan bon. Ara compreni pas la causida d'aquela fòto per l'illustrar.
Valora aquest comentari:
1
0
26 de febrièr 09.39h
#10 Espilla a una prononciacion fòrça majoritària en [ll] segon la carta. Mas i a tanben de formas distintas coma'espingla', 'espiuma' dins la carta.
Valora aquest comentari:
1
0
26 de febrièr 08.00h
Lista dels mots catalans amb L·L:
https://montsellado.files.wordpress.com/2011/01/l-geminada.doc
Valora aquest comentari:
1
0
25 de febrièr 23.26h
Aquel subjècte apassionant incita a cercar las logicas de tot aquò,e çò que pòt far debat en despieit de la tradicion, amb de reaccions de l'autor. Vau díser çò que me sembla.
La grafia de las lengas latinas se pausa en rapòrt al latin, d'un biais diferenciat, segond que se tracta de la lexic popular o ancian o del lexic manlevat o tardiu, dit culte o sabent.
Le grafèm LL del latin se torna trapar essencialament dins le lexic culte (logica etimologica), mas pas dins le lexic popular ... Legir la seguida
Valora aquest comentari:
2
2
Comenta
Lo comentari es estat mandat corrèctament
20 comentaris
(7 vòtes)
En cargament
20 comentaris
Mandar
