Interrompi ma publicacion regulara d’articles dins Jornalet perque d’autrei prètzfachs, que son prioritaris, s’impausan dins mon trabalh.
Que se passa?
En mai de meis obligacions professionalas normalas, que son constantas, de causas novèlas se son apondudas.
— Aicí, dins ma region de Provença, devèm defendre l’unitat e la dignitat de la lenga occitana de maniera fòrça especifica. Sabètz que l’occitanisme provençau subís d’atacas creissentas que venon d’organizacions escuras. Provença es pas una region superiora mai es una region demograficament centrala en Occitània. E ara, i a d’enjòcs cruciaus per lo futur de la lenga que se jogaràn en Provença.
— En parallèl, ai l’astre de participar a de bèus projèctes pedagogics, literaris e scientifics per valorizar la lenga. Son de trabalhs que me demandan una brava concentracion, aicí, dins mon espaci viscut immediat.
Meis articles tornaràn benlèu dins Jornalet a una data indeterminada. Disi mei grandmercés ai legeires que m’an encoratjat e qu’an escambiat d’arguments apassionants amb ieu.
Pas cap de comentari
(28 vòtes)
En cargament
Pas cap de comentari
Mandar
