CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Diluns, 9 de decembre

Domergue Sumien · Questions de lenga occitana

Diluns, 16.9.2013 03h00

Nosautres los occitanistas


Comentaris 22 comentaris    
Dolent Fluix Bo Molt bo Fabulós (13 vòtes)
carregant En cargament


Dins los tèrmes qu’utilizam per promòure la lenga d’òc, devèm exterminar un certan confusionisme qu’es indigne dels objectius nòbles que nos fixam.
 
Avèm de restablir un usatge autentic, clar e logic per de mots que tròp sovent se son voidats de lor sens original: occitanisme, provençalisme, gasconisme, arvernisme e niçardisme (e aquò’s valable per los mots correspondents en ‑ista: occitanista, provençalista, gasconista, arvernista, niçardista).
 
 
Una definicion logica de l’occitanisme
 
Es clar per fòrça gents que lo bretonisme es la promocion del breton, del galò e de Bretanha. S’admet largament que lo catalanisme es la defensa del catalan e dels Païses Catalans. Pus particularament, una bèla majoritat de valencians admeton uèi que lo valencianisme es ben la defensa del País Valencian e de la lenga catalana dins sa varietat valenciana.
 
Aquò ven d’un usatge normal e racional dels sufixes ‑isme e ­‑ista quand s’empegan al nom d’una comunautat culturala.  
 
En tota logica, donc, l’occitanisme es lo movement que defend la lenga occitana, la cultura occitana, lo país d’Occitània, lo pòble occitan e los interèsses d’aqueste pòble. Arriba qu’òm done a l’occitanisme los sinonims de Renaissença Occitana o de renaissentisme occitan.
 
L’occitanisme englòba divèrsas tendéncias que cultivan la meteissa lenga occitana, e mai s’utilizan de grafias divergentas. Lo grand sociolingüista Georg Kremnitz o a explicat dempuei 1974 dins sa tèsi[1].
 
Ansin son occitanistas, de segur, los utilizaires de la grafia classica, qu’escrivon per exemple, dins totes los dialèctes, e de manièra pro omogenèa: La fòrça de la volontat es la melhora solucion per/tà ganhar.
 
Tanben son occitanistas, en tota objectivitat, los partisans de la grafia mistralenca perque la lenga que defendon es ben l’occitan. Eles escrivon: ‘La forço de la voulounta es la meiouro soulucioun pèr gagna’ (en provençal general); o ben: ‘La fouòrça de la voulountà es la melhoura soulucioun pèr gagnà’ (en niçard).
 
E inclurem naturalament dins l’occitanisme los partisans de la grafia de l’Escòla dau Pò que son presents dins las Valadas. Escrivon aital en vivaroalpenc: ‘La forso de la voulountà es la melhouro soulusioun per ganhar’.
 
Los partisans d’aquelas tres grafias —classica, mistralenca e de l’Escòla dau Pò— an defendut, dins lors tradicions pus autenticas e pus ancianas, l’idèa d’una sola e unica lenga que pòdon apelar occitan, lenga d’òc o provençal (al sens larg). Lo Felibritge e l’IEO, per exemple, afortisson sovent aquela unitat de la lenga sens ambigüitat, de còps en fasent de comunicats comuns.
 
 
Provençalisme, gasconisme, arvernisme e niçardisme
 
En coeréncia amb çò que veni d’expausar, arribam donc a las definicions seguentas (vos prègui d’excusar l’estil repetitiu, mas aicí vòli parlar clar).
 

— Lo provençalisme es l’aspècte de l’occitanisme que defend lo provençal e Provença, totas grafias e tendéncias mescladas. Los provençals qu’escrivon en grafia classica son de provençalistas, es evident. Los qu’escrivon en grafia mistralenca tanben son de provençalistas, absoludament.
 
— Lo gasconisme es l’aspècte de l’occitanisme que defend lo gascon e Gasconha, totas grafias e tendéncias mescladas.
 
— L’arvernisme es l’aspècte de l’occitanisme que defend l’auvernhat e Auvèrnhe, totas grafias e tendéncias mescladas.
 
— Lo niçardisme es l’aspècte de l’occitanisme que defend lo niçard e la Comtat de Niça, totas grafias e tendéncias mescladas.
 
Ara, pasmens, de confusions lamentablas dels senses se son desvolopadas pendent lo sègle XX e an provocat tota una sèria d’errors, que vau denonciar rapidament:
 
— Non, grafia classica es pas un sinonim d’occitanisme.
 
— Non, grafia mistralenca es pas un sinonim de provençalisme.
 
— Non, lo secessionisme lingüistic provençal es pas lo provençalisme.
 
— Non, lo secessionisme lingüistic gascon es pas lo gasconisme.
 
— Non, lo secessionisme lingüistic auvernhat es pas l’arvernisme.
 
— Non, lo secessionisme lingüistic niçard es pas lo niçardisme.
 
O explicarai en detalh dins los articles venents, consagrats pus especialament als concèptes de provençalisme, gasconisme, arvernisme e niçardisme.
 
 
 
_______
[1] KREMNITZ Georg (1974) Versuche zur Kodifizierung des Okzitanischen seit dem 19. Jh. und ihre Annahme durch die Sprecher, coll. Tübinger Beiträge zur Linguistik, Tübingen: Narr.



publicitat
BANER1-2-3: DGPL DICTADES



Comentaris

8 d'octòbre 16.29h

Tornamai ieu, de mots foguèron perduts dins lo mandadís !

Es interessant tot aqueles ...istes , ...ismes. Que Dieu me damne pas, me siòi perdut dins aquela lectura. Mas compreni pas (calriá m'explicar que soi quauqu'un de simple ) perque sèm los sols, los occitans a èsser d' occitanistes que fan d'occitanisme quora sèm a parlar en occitan e donc a promòure la lenga e nòstra civilisacion ? Soi occitan del lengadoc coma mon paire, ma maire, los grands, las grandas donc parli l'occitan!... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

8 d'octòbre 16.27h

Es interessant tot aqueles ...istes , ...ismes. Que Dieu me damne se me soi pas perdut dins aquela lectura. Mas compreni pas (calriá m'explicar que soi quauqu'un de simple ) perque sèm los sols, los occitans a èsser d'> que fan d'occitanisme quora sèm a parlar en occitan e donc a promòure la lenga e nòstra civilisacion ? Soi occitan del lengadoc coma mon paire, ma maire, los grands, las grandas donc parli l'occitan! Quora los bascols parlan lo bascol son de > que seguisson una mena de > ... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

22 de setembre 22.04h

Hètz shau.... Aqueth delacionisme que put dehèt... Qui vòu escriu çò que vòu on vòu e com vòu que'm sembla... Qu'i a d'aquiras arreaccions qui hèn por. De vrai.


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

20 de setembre 19.34h

Gracies Ferran per entendre les meues paraules.Jo no fique en dubte,ni ho fare mai l' unitat de la llengua entre Catalans i Valencians.De fet després de quasi tres anys visquent al' Anglaterra,trobe natural dir que la meua llengua es la Catalana tant com la Valenciana.Viure a l'estranger té fa vore les coses amb un altra perspectiva.Crec que hi tindriem que buscar un marc cultural i linguistic diferent,es aixina de senzill.Bo Visca la nació Catalana,la Valenciana,l'Occitana i per la germano... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

19 de setembre 01.29h

#17
Jordi, no puc parlar en nom de tots els catalans, però jo, que crec en la germanor cultural i lingüística amb València, Ses Illes, El Rosselló o l'Alguer, i fins i tot Occitània, dic, i ben alt, que visca la nació valenciana i la llengua dels valencians! Salut!


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

17 de setembre 13.11h

I estic completament d'acord amb la teua resposta,crec que exeixtisc un malentes entre la comunitat linguistica comuna amb la resta de territoris de la Corona d'Arago(AVL) que és pot dir Valenciá-Catalá-Occitá depen d'el diasistema linguistic i amb un projecte nacional que és el que representa Els Paisos catalans.El Rei En Jaume Primer va crear el Regne de Valencia i eixe l'orige de la Nació Valenciana fa 750 anys.L'idea d' una llengua una nació no és pot impossar als Valencians,per... Legir la seguida


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

17 de setembre 09.12h

#10 Lei moscas leis "enculas" coma dises amb elegància, en t'anant passejar sus de sits que t'agradan pas, en legissant d'articles que t'interessan pas, articles escrichs dins una lenga que t'es aparentament estrangiera e en li quitant de comentaris dins un lenga que supausament, nosautres estrangiers, deuriam pas comprene nimai.

Sabi pas de qu'es ton mestier, mai sembla que de temps de perdre, n'as a boudre. Deurias n'aprofiechar per t'anar espaçar un pauc e faire quauquaren de mai pivelan... Legir la seguida


Valora aquest comentari:   votar positiu 18   votar negatiu 2
Respondre comentari replica Comentari inadequat   Formulari d'abús de comentari

17 de setembre 00.00h

#14 Correccion: valenciansime* > valencianisme


Valora aquest comentari:   votar positiu 9   votar negatiu 0
Respondre comentari replica Comentari inadequat   Formulari d'abús de comentari

16 de setembre 23.59h

#13 Jordi, escrivi exactament aquò: “una bèla majoritat de valencians admeton uèi que lo valencianisme es ben la defensa del País Valencian e de la lenga catalana dins sa varietat valenciana.”
Disi solament de realitats incontestablas e verificablas:
— Lo valenciansime es ben vist coma la defensa del País Valencian.
— Lo valenciansime es ben vist coma la defensa del valencian.
— Lo valencian es ben considerat coma una varietat del catalan segon los sectors academics, l'IÈC, l'AV... Legir la seguida


Valora aquest comentari:   votar positiu 12   votar negatiu 1
Respondre comentari replica Comentari inadequat   Formulari d'abús de comentari

16 de setembre 21.58h

Bon jorn.
Com a Valenciá ,que soc, no puc estar d'acord amb la rotunditat amb la que parles d'eixa bella/ampla
majoria que defensen eixe valencianisme/paisos catalans.Respecte totes les ideologies politiques que cerquen vies démocratiques per difondres,ara els Paisos catalans i eixe valencianisme del que tu parles es una minoria que viu en la ortodoxia nacionalista mes propia del segle XIX.Fa 25 anys al Pais valencia vam comencar un procés de convergencia valencianista del que eixe secto... Legir la seguida


Valora aquest comentari:   votar positiu 7   votar negatiu 9
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions