CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dijòus, 24 de mai

Domergue Sumien · Questions de lenga occitana

Diluns, 15.1.2018 03h00

Convivéncia e convivialitat


Comentaris 8 comentaris    
Dolent Fluix Bo Molt bo Fabulós (4 vòtes)
carregant En cargament


Un jorn, òme que parlava occitan s’escalustrèt perque ausèri utilizar lo mot convivialitat en sa preséncia. Aqueu censor m’afortiguèt qu’en bòna lenga d’òc, m’auriá caugut dire puslèu convivéncia.
 
Lo mot convivéncia, de segur, es fòrça bèu e lo recomandi. Pasmens es pas un sinonim de convivialitat. Lei dos mots son legitims e an de sens diferents.
 
 
Convivéncia, conviure
 
La convivéncia es lo fach de conviure/convíver, de viure ensems. La connotacion positiva es pas obligatòria dins aqueste mot. Es sustot un sinonim de coexisténcia o coabitacion.
 
Lei mots convivéncia e conviure laissan pas de traças facilament detectablas en occitan ancian e semblan d’èsser puslèu de calcs que s’inspiran d’autrei lengas romanicas. En italian especialament, trobam convivere tre 1306 e convivenza tre 1660. En occitan lei mots correspondents semblan ben pus recents. Ça que la, convivéncia e conviure s’intègran fòrça ben ai racinas occitanas tradicionalas: con‑, viure/viv-, ‑éncia.
 
Lo nom femenin la convivéncia se ditz en catalan la convivència; en italian la convivenza; en espanhòu la convivencia. En francés dison la cohabitation o la coexistence e amb un sens pus estrech le vivre-ensemble (la convivance es una invencion recenta e rara en francés). En anglés se ditz cohabitation, coexistence o living together.
 
Ara: perqué leis occitanistas venèran lo mot convivéncia coma se foguèsse un mot magic, medievau, trobadoresc e sistematicament positiu, quand en realitat sembla un mot tardiu? Es un mistèri interessant e laissi a d’autrei cercaires lo plaser de lo resòuver.
 
Lo vèrb conviure/convíver se revira ansin: en catalan conviure; en italian convivere; en espanhòu convivir; en francés cohabiter o coexister; en anglés to coexist o to live together.
 
 
Convivialitat, conviviau
 
La convivialitat es la qualitat de çò conviviau/convivial, de çò relatiu a un convit, a un banquet, a una taulejada per fin de se regalar e de manjar ensems. E per extension es lo plaser de se retrobar, de s’endevenir, de ben coexistir. I a una connotacion extrèmament positiva.
 
Un còp de mai, en aqueste cas, convivialitat e conviviau/convivial son pas de mots de bòn trobar en occitan tradicionau. Son de mots de formacion culta (o sabenta) que remontan a l’adjectiu latin convivialis (o convivalis).
 
Trobam l’aparicion de conviviale en italian tre 1438, en francés convivial apareis dins lei tèxts en 1541. En occitan tot semblariá pus recent.
 
Lo nom femenin convivialitat ven pas dirèctament dau latin, es passat per un modèl anglés conviviality, aparegut solament en 1791, derivat de l’adjectiu anglés convivial, que ven dau latin convivialis. Lei lengas romanicas an utilizat de noms coma convivialitat solament a partir dau sègle XIX après s’inspirar de l’anglés conviviality.
 
Ansin, lo nom femenin la convivialitat se ditz en catalan les bones relacions o la bona convivència (notaretz qu’es necite de metre l’ajectiu bona abans convivència; lo mot la convivialitat sembla pus rar e fòrça recent en catalan). En italian dison la convivialità; en espanhòu lo cordial o lo ameno o eventualament la convivialidad; en francés la convivialité; en anglés conviviality.
 
L’adjectiu conviviau/convivial se ditz en catalan amistós o sociable (o convival quand se pensa a un convit). En italian se ditz conviviale; en espanhòu cordial o ameno (o convival quand se pensa a un convit); en francés convivial; en anglés convivial.
 
De segur, fornissi aicí ren que de traduccions generalas. De traduccions exactas e completas demandarián de negrejar de paginas nombrosas que sortirián dau format d’aqueste blòg.
 
 
 
 



publicitat



Comentaris

2 de febrièr 10.53h

Lo catalan Amè e amenitat, ameitat, amenitzar son d'ispanismes?


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

23 de genièr 06.52h

Convivéncia / bilingüisme / convivialitat
En referéncia a un article precedent de DS, sul bilingüisme, se pòt interrogar sus las rasons de la preferéncia al francés dels occitans naturals; le francés oufrent una convivialitat plus larga que l'occitan.
L'usatge d'un parlar es affectiu, e la convivialitat de la lenga d'òc es tròp restrenhta, manca d'un occitanisme popular e diffusat dins totas las activitats (del temps liure).


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

20 de genièr 21.30h

Amb la convivéncia, le monde se supòrta intelligentament, amb la convivialitat, le monde se tròba amb plaser. La convivialitat es una motivacion fòrta dins las activitats umanas.
L'article suggère benlèu un occitan de convivialitat umana...l'occitan dels lesers...transversal, pas vertical (far d'occitan).
Una activitat simpla, populara, la caminada en club, al campèstre o en montanha, es propícia a la paraula, a l'excambi en mitan natural e a la desenibicion. Se vei en çò dels retirat... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

16 de genièr 13.34h

Atencion, n'i a d'occitans que disen parièr viure/beure o víver/béver, e qu'assimilan convivéncia e conbebéncia, que resulta de la convivialitat.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

15 de genièr 23.42h

E que m'en disetz de la 'conmorencia' castelhana, la version vertadièra de 'la conllevancia' orteguiana:


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

15 de genièr 22.41h

#2 la laïcitat es un condicion de bona convivéncia entre religions e non-religions, mès aquò's pas le problèma solet. Vivèm pas en monde de potonorses, tot es rapòrt de fòrça en economia e en democracia majoritària, e i a la convivéncia causida e la patida, de véser al trabalh...
La lei de la jungle n'exclutz pas la convivéncia del especis.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

15 de genièr 10.15h

Per ieu, l'indici que "convivéncia" es un mot fòrça recent es que fasèm servir fòrça pauc sovent lo vèrb "conviure" dal qual "convivéncia" seriá derivat. Al fons, utilizam mai "convivéncia" coma una mena d'eslogan, de lèma occitanista, per referéncia a un passat mitic, que, pasmens, deviá tenir qualque aspècte autentic se pensam a çò que se ditz de la convivéncia relativa dal catolicisme e dal catarisme abans la conquista francesa. Pauc convivial e demostrant una fòrça... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

15 de genièr 05.35h

Òsca per l'escritura inclusiva! Les doblets alternatius de l'òme pluricentric modèrne.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Categorias

Las mai...


Mai d'articles

Archius




Etiquetas

auriò   auriòl   auriòu   ausar   corean   crisi   ensenhament   esquí   estandard   estandardizacion   evolucionar   evoluir   gausar   grafias arcaizantas   gròc   jaune   lemosin   lenga   roma   roman   scientific   scita   scèna   sumien   vauclusa  

D'autres articles


Jornalet, gaseta occitana d'informacions