CAPÇALERA2: IEA-AALO

Jornalet, gaseta occitana d'informacions

Divendres, 14 de decembre

Domergue Sumien · Questions de lenga occitana

Diluns, 15.10.2018 03h00

L’accès a la mar


Comentaris 13 comentaris    
Dolent Fluix Bo Molt bo Fabulós (15 vòtes)
carregant En cargament


Lo rei francés Loís IX partiguèt en batèu d'Aigas Mòrtas, en 1248, per far la Setena Crosada en Orient.




Etiquetas
estrategia, geopolitica, mar, mite lingüistic, sumien

I a un fum de rasons qu’explican perqué es malaisat de defendre l’occitan. La rason principala, la sabèm, es la politica ostila de l’estat francés còntra lei lengas minorizadas.
 
Fòrça rasons segondàrias ne derivan. Una es la preocupacion francesa (o pròfrancesa) de tipe geopolitic: l’accès a la mar. La sola existéncia d’una lenga occitana, d’una cultura occitana distinta, entraïna, segon la pensada francesa dominanta, una paur panica que se desvolope un jorn una revendicacion de diferéncia, eventualament amb un contengut autonomista o independentista, e aquò destorbariá l’accès liure de França a la Mar Mediterranèa.
 
De segur, ara per ara, ne siam luenh, que l’occitanisme es en crisi. Mai en tot cas, lo centralisme francés velha per que tot contunhe ansin.
 

— La projeccion economica de França en Mediterranèa e dins l’Ocean Indian, via lo Canau de Suèz, seriá afectada se França poguèsse pas dispausar liurament dau grand pòrt comerciau de Marselha o de la zòna industriala maritima de Fòs.
 
— La projeccion militara de França en Mediterranèa e dins l’Ocean Indian, via lo Canau de Suèz, seriá bravament empachada se perdèsse lo grand pòrt militar de Tolon.
 
— E leis autrei pòrts son tanben estrategics per França, Seta a una certana importància economica. Lei vilas de la Còsta d’Azur coma Niça o Canas an un impacte culturau e toristic internacionau que França n’a de besonh...
 
— Agachem enrèire tanben, a l’Edat Mejana. Tre que lo poder reiau francés arribèt a la Mediterranèa, après sometre lo Comtat de Tolosa au sègle XIII, lo rei francés Loís IX (dich Sant Loís) s’afanèt per far bastir lo pòrt estrategic d’Aigas Mòrtas tre 1240. D’aqueu temps, Seta existissiá pas e França contrarotlava pas encara Marselha, Tolon o Niça...
 
De segur, l’accès a l’Ocean Atlantic es tanben fondamentau per França. Mai en cas d’Occitània emancipada, e se França mestrejava pas facilament lei pòrts occitans atlantics de Bordèu, Biàrritz o Baiona (ni lei pòrts bretons de Nantas e Brèst), li restariá pasmens de pòrts atlantics coma Le Havre... Tocant la Mediterranèa, l’enjòc es completament diferent: tot accès francés a la Mediterranèa passa per Occitània. Tota avançada de la consciéncia occitana destorba leis interès geopolitics francés.
 
Una emancipacion eventuala de Corsega o de Catalonha Nord, de segur, destorbariá França. Mai tant que França mantendrà lo sieu contraròtle absolut sus Occitània, França garentirà l’essenciau de sa sortida mediterranèa.
 
De maniera segondària, donc, França a de besonh d’entretenir lei mites, messòrgas e manipulacions sus la pretenduda legitimitat de la lenga francesa en Occitània (e, en particular, dins la partida mediterranèa d’Occitània). Aquelei mites son nombrós.
 
— Lo mite dau pareu lenga d’òc-lenga d’oïl, que serián doas fàcias de la granda lenga francesa (en realitat, lo francés se limita a la lenga d’oïl).
 
— Lo mite de l’importància dei lengas galloromanicas, una branca dei lengas romanicas que comprendriá en prioritat lo francés, l’arpitan e l’occitan (en realitat, l’occitan e lo catalan forman ensems un grop compacte ben pus fòrt e ben pus evident que l’agropament galloromanic, coma lo lingüista Pèire Bèc o demostrèt).
 
— Lo mite de l’enracinament exclusiu de la literatura de lenga francesa en Occitània qu’escafa lei traças visiblas, au grand public, d’un enracinament mai fòrt de la literatura occitana. Dins una vila occitana tipica (de la Mediterranèa o non), i a zèro Carriera Robèrt Lafont, i a una o doas carrieras segondàrias dedicadas a Frederic Mistral o a quauque autre felibre; e i a totjorn, en fàcia, de luòcs, de carrieras e de plaças mai visiblas e mai importantas dedicadas a Marcèu Panhòl, a Pau Valèri, a Emili Zola (d’occitans d’expression francesa) o a Victor Hugo...

— E i a tant d'autrei mites...
 
Es util de ne prene consciéncia.
 
 
 



publicitat
BANER1: IEA-AALO



Comentaris

15 d'octòbre 22.21h

#1 #2 #3 #4 #5 #6 #8 #11 #12 L’objectiu d’aqueste article es de ramentar d’elements d’analisi que nos permetrián de sortir de la mauparada actuala.

#7 Disi de causas evidentas per E Passa Que T’ai Vist, e m’en regaudissi. Per còntra son pas de causas evidentas per un molon d’occitans e d’occitanistas.


Valora aquest comentari:   votar positiu 5   votar negatiu 2
Respondre comentari replica Comentari inadequat   Formulari d'abús de comentari

15 d'octòbre 21.48h

#11 Plan vertat. E quand se vei cossi la societat occitana es ara d'a fons afrancesada podem que constatar que sem puslèu mal-barrats !


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

15 d'octòbre 19.36h

"Es util de ne prene consciéncia". La question centrala es pas de far prene consciéncia als occitanistas dels mites franceses. Es de trapar lo mejan de contrar l'abitus difusat par la cultura francesa, e integrat per de nombroses occitans, que fa que lo discors occitanista, o simplament occitan, es malaisit de comprene per eles . Si era posible de "perforar" l'abitus difusat par la cultura francesa, tot seriá mai simple. Apuèi, podriam far d'istòria, de lenguistica o de politica e èsser ... Legir la seguida


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

15 d'octòbre 15.58h

Car sénher Sumien, dos anglicismes:

impacte fig. : efèctes, repercussions, consequéncias
zero: cap de, ges


Valora aquest comentari:   votar positiu 3   votar negatiu 5
Respondre comentari replica Comentari inadequat   Formulari d'abús de comentari

15 d'octòbre 15.06h

Un chic hòra subjècte mès pasmens se pòt pas mancar.
Per un tipe que se priva pas de repotegar e d'assegurar la soa sapiéncia quand li es reprochat de conéisher pas la lenguistica e la situacion basca (a perpaus de la gasconitat presenta e futura de baiona e las vesinas), parlar de l'importància estrategica deu pòrt de Biarritz aquò marca mau...


Valora aquest comentari:   votar positiu 2   votar negatiu 5
Respondre comentari replica Comentari inadequat   Formulari d'abús de comentari

15 d'octòbre 13.21h

Geopolitica e geolingüistica
Es un fait que la geopolitica es pas eissuda exactament de la geolingüistica de l'epòque.
A l'ora d'ara, de la mondializacion, e de la dominacion de las companhias multinacionalas, e de la mobilitat, la lengua locala, a fortiori d'usatge passat, passa pas davant, dins l'opinion publica per fin de definir l'espaci geopolitic desirable entre le local e le global.


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

15 d'octòbre 11.54h

Avètz bravament rason mas tot aquo o-sabem jà dempuèi un bèl briu . E lo fach d'o saber a pas fach creisser per autant la consciença occitana en Occitània qu'es mai afrancesada que jamai . Un occitanista cansat e ernhos vos diria saique qu'enfonsatz de portas dubèrtas. Diguem que presicatz en convençut.


Valora aquest comentari:   votar positiu 21   votar negatiu 1
Respondre comentari replica Comentari inadequat   Formulari d'abús de comentari

15 d'octòbre 11.43h

#4 e 5
Evidentament se partèm batuts d'avança arribarem pas jamai a res.
Quitament pas a l'autonomia.
E las paraulas d'una cançon populara occitana rebaton plan aquesta mentalitat
"Tant que farem atal miladius
cromparem pas de bòria
Tant que farem atal miladius
cromparem pas d'ostal"


Valora aquest comentari:   votar positiu 18   votar negatiu 1
Respondre comentari replica Comentari inadequat   Formulari d'abús de comentari

15 d'octòbre 11.19h

#3 Jamai lo govèrnament fr. perdrà pas res de son territòri del sud, aquel risc es pas que nul.
Es per aquò que las consideracions geoestrategicas sufison pas per explicar l'imperialisme francés e lo rafut de las iniciativas de promocion de la comunicacion en las autras lengas.


Valora aquest comentari:   votar positiu 8   votar negatiu 2
Respondre comentari replica Comentari inadequat   Formulari d'abús de comentari

15 d'octòbre 11.15h

#2 Jamai França perdrà pas res de son territòri occitan.


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Categorias

Las mai...


Mai d'articles

Archius




Etiquetas

bèc   canfora   casinò   clo   codificacion   congrès   dark vador   darth vader   enfasi   enfiteòsi   estrategia   francisme   gange   geopolitica   istre   italianisme   lo martegue   lorda   lugar   lugran   lusèrna   mf   mph   sumien   vènus  

D'autres articles


Jornalet, gaseta occitana d'informacions