CAPÇALERA2: AMICS DE JORNALET

Jornalet, gaseta occitana d'informacions

Dimenge, 22 d'octòbre

Lissandre Varenne

Dimècres, 16.8.2017 03h00

La reconquista a partir de las campanhas


Comentaris 59 comentaris    
Dolent Fluix Bo Molt bo Fabulós (14 vòtes)
carregant En cargament


Aquesta pichòta reflexion ven en responsa a l’article interessant de Domergue Sumien: “La reconquista a partir dei vilas”.
 
Partent de sa conclusion mi sembla pasmens necite de s’acarar a la realitat occitana de uèi. Los occitanofòns majoritaris demòran en mitan rurau, davans de parlar de reoccitanizacion d’Occitània tota o de las vilas chaudriá benlèu jogar emb aqueles que parlan cada jorn o que ne son capables, sabèm dont son. Perqué ges de trabalh emb eles?
 
Mon exemple personau fai que despuèi que parli occitan emb lo monde de mon caire, totes s’adreiçan a ieu pas qu’en occitan, e aiçò pas solament emb de personas de 80 ans, mès tanben de 40. Aquò pòt semblar pauc, mès s’agís per’quò d’una reoccitanizacion parciala de monde que parlavan mai que mai francés entrò ara, los grands parlant tanben de mai en mai als pichòts enfants en occitan.
 
Sens esblidar las vilas la question es aisada: vau mièlhs prumièr occitanizar d’occitans non-occitanofòns o de franceses, o al contrari simplament rendre la paraula als occitanofòns que si son “esblidats” e que pòdon tre ara tornar a una occitanitat normala?
 
Dins l’estat que sèm tota òbra fai besonh, mès virariái la conclusion de l’article a l’envèrs. Se la realitat occitanofòna de uèi es rurala a 99% qu’agrade o non als urbans, es alai que chal trabalhar per non pas perdre un potenciau de locutors endurmits gigant. Aicí sèm en 2017, pas en 1900, e aqueste monde a besonh de gaire per si desrevelhar: un respèct, un trabalh de terren, un sosten occitanista, de campanhas publicitàrias de conscientisacion lingüistica.
 
Es aqueste sosten occitanista que manca tant, m’avisi dins mas activitats de collectatge que lo monde an pas las claus per la transmission, comprenon pas tant perqué sos dròlles parlan pas pus, totes fan pas l’analisi de la demenida de la lenga e los occitanistas o diguèri ja los laissan de caire, eles que ara pòdon.
 
M’adreici ara a las associacions e als organismes principaus occitanistas: quante materiau nos es a posita levat lo jornalet d’informacion “L’occitan qu’es aquò?” per assabentar lo monde sobre la lenga, l’importància e los mejans de transmission? 
 
Un materiau ansin mi fariá besonh en quantitat dins mas entrevistas, tanben poiriam esperar qu’aqueles organismes prenguèsson enfin un ròtle de missionari actiu per tornar bailar lo parelh de claus necitas a aqueste monde. 
 

— Dont podèm veire publicitats, afichas, documentacions informativas dins nòstres païses e boitas de las letras? 
 
— Quant de fons son investits cada an per las institucions e associacions dins aquesta amira de visibilitat massisa?
 
— Quant d’emplegats fan ara e cada jorn un trabalh de terren per promòure nòstra lenga emb aquò nòstra cultura? 
 
Las questions son pas ges retoricas, espèri una responsa de totes los actors professionaus e associatius trabalhant per l’occitan. (OPLO, IEO, Felibrige, departaments, regions e altres organismes coneissuts...)
 
Dont la lenga duèrm desrevelhem la, l’urgéncia es aquí e los resultats si farián gaire esperar. Se res si fai es siá una desconeissença de la realitat occitana, siá una abséncia totala de volontat de trabalhar a sa sauvagarda e son desvolopament dont es uèi possible. Dins los dos cases nos podèm laiar de tala flaquesa.
 


abonar los amics de Jornalet
 



publicitat



Comentaris

22 d'agost 23.16h

De la transmission e de la contunhacion
La transmission familiala es estada abandonada a l'escòla que ensenha mès transmet pas las lengas.
Los ancians transmetián de parlars naturals, e non pas l'occitan que s'ensenha dins las escòlas.
E amb aquò lo francés ven pauc a cha pauc lenga unica.

E a l'estrangièr, cossí se pàssan las causas?
M'i coneissi pas tròp...
- en Soíssa alemanica, i a una diglossia dialects/alemand, los premièrs per l'oral, e l'alemand per l'escrich e çò d'ofici... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

21 d'agost 23.00h

En país catalan, i a un eslogan, que resumís tot: "parlem-ns en català!"
Perqué pas en cò nosautres?

"Parlem-nos en òc!"
* mesfisa amb "occitan" o "patés"...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

20 d'agost 14.12h

Lo francés es vengut un automatisme inconscient e natural, quitament entre parlants locals, mai que mai en preséncia d'un estrangièr.
A còps, la lenga càmbia en tal cas!
Lo parlar natural es desparaulat, non pas oblidat.
L'empach a la reparaulizacion es la preséncia d'"estrangièrs", de monde que patesèjan pas.
E s'ia mens d'estrangièrs a la campanha, es mai aisit a la campanha.

A despart d'aquò, i a un empach per parlar patés, e mai que mai occitan, a un desconescut, es coma tutetja... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

19 d'agost 19.53h

#43

> PER MI JÓNHER :
Grandmercí vesin Raiòu per vòstra responsa positiva, vos baili mon mail per de dire de poire mi jónher, emb aquò persègre dinc aquesta draia dubèrta : suveprod@hotmail.com
Totes aqueles que sovetan eschambiar sobre aiçò, las idèias avançadas, los biaisses de far, vos chal pas esitar seretz benvenguts.
...Amistats, e a vòstres clavièrs siguèsse basta per dire que sètz aquí.

Pasmens, espèri totjorn las responsas ... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

19 d'agost 18.31h

#53 Correccion : " ..., CAPITARIAM ben de recampar,... ".


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

19 d'agost 18.14h

La reconquista a partir de Catalonha
Lo principi de la taca d'òli
Aqueste matin, ai traversat Perpinhan, que la sinhaletica i es doblada pertot, francés e catalan.
A la platja, porta-votz en francés, anglés, catalan.
Jornalet de Barcelona, aranés en Catalonha...
Díson aicí qu'es lo vent del miegjorn...


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

19 d'agost 15.21h

I a de mots precís que se pausan de còps que i a sus de sentiments. E per los sentiments que me los an sovent laissats los militants occitanistas emb de lurs accions, pòde los nommar precisament :
- brandatge cerebrau, sobrentellectualizacion, gargalejadas, recuperacion, orguèlh mau plaçat, pichòt comitat, companatge selectiu, clanisme, se faire plaser entre nautres, pòs totjorn parlar, manca de volontat, asuèlh reduch, malanconiá, endrona, morent, finissença. Ai pas grand gaug d'o d... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

19 d'agost 11.42h

#51 Mès justament ! Se, coma dises, "Trasteji e me demandi lo per dequé.... fins ara ai cap de responsa, part benlèu qu'avem estats destrusits fins al fons de nosaus meteis...", justament ! Rason de mai de préner suènh d'aquò residuau dinc nòstra populacion, nòstra comunautat : los marcaires identitaris e l'esperit comunautari qu'esistisson encara un pauquenet e que poiriáun èstre desmancipats !

Es per aquesta rason que conclurrai emb d'aqueste comentari qu'ai laissat a l'article "U... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

19 d'agost 11.18h

#50 E ben escota... vèsi que sentisses la meteisses causa que iò. Quand soi vengut aiciu sus jornalet, çò que me susprenguèc plan es aquel manca de frairetat, e qualques còps aquela asirança... Es quicòm que compreni pas.
Trasteji e me demandi lo per dequé.... fins ara ai cap de responsa,, part benlèu qu'avem estats destrusits fins al fons de nosaus meteis...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

19 d'agost 10.36h

Me demande sovent onte son los enternautas que legisson Jornalet... Quand s'agís de criticar, de se chapinhar o de tustar sus un personatge particular, se sent que lo clicar roge es de bòn manejar.
Mès quand lo subjèct d'un article o las remarcas e demandas d'un comentari espèran de respònsas engatjadas, pro precisas, afecionadas e nombrosas, pechaire, vos trovaretz pus sovent mendicant !
Comprene pas. Aquò's la paur de s'esprimir, la manca d'idèias, la manca de legeires, un foncioname... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3
-
4
-
5
-
...6 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Lissandre Varenne

Lissandre Varenne logo rss

Ensenhaire, collectaire e realizador de filmes

mai d'informacions

contactar l'autor

Mai d'articles

Archius




Etiquetas

campanha   lenga   reconquista   sumien   varenne   vila  

D'autres articles


Jornalet, gaseta occitana d'informacions