Opinion
Pensada Critica, Episòdi 1: A coma Autisme
Per aqueste purmèr episòdi, que recevoi Maria Bernabeu, autora deu blòg BD Les Tribulationd d’Un Titou Autiste on conta istuèras qui poderem qualificar d’autoficcion: lo son mainat qu’ei autista. “Titou” (qui vau occitanisar en Titon per aqueste article) qu’ei lo nom fictiu deu son dròlle dens las Bds.
Lo men but a la basa qu’èra de pausar a Maria questions suus clichés qui lo monde (jo i comprés) pòden aver sus l’autisme e las personas autistas.
E qu’i responó de plan: per ua purmèra entrevista, que la trobèi plan interessanta. Per contra lo son n’ei pas tarrible... Mes aquò qu’ei la mea fauta e be calè que comencèssi dab lo fèble nivèu tecnic qui aví a l’epòca entà progressar.
Qu’aví entenut a díser que los parents de mainats autistas èran de còps ciblats per personas qui venen “solucions” o “ajudas” chic testadas o chic eficaças basadas de còps sus teorias estranhas… E Maria que m’ac confirmè: dens lo son cas monde deu son entoratge que’u conselhèn “peiras d’energia” e regimes especiaus qui podèn, segon los lors promotors, guarir l’autisme.
Qu’ei d’autant mei dobtós que segon la sciéncia contemporanea l’autisme ne’s guareish pas. E segon la mea invitada, be cau simplament arrestar de considerà’u com ua malautia! L’autisme qu’ei meilèu un estat e un fonccionament atipic deu cervèth uman dab loquau las personas qui l’an viven, e pas forçadamen mau!
Atau ua de las causas importantas qui Maria vòu har véder au monde dab lo son blòg qu’ei qu’aver un mainat autista qu’ei luenh d’estar ua mauhat:
Com ei ua emission suu scepticisme scientific, qu’i evocam tanben lo famós estudi fraudulós d’Andrew Wakefield e las suspicions qui aqueste pòrta uei enquèra suus vaccins dens lo cap de tròp de monde. Non, n’avem pas nat element provat qui permétia de pensar que lo vaccin ROR o autes vaccins causan l’autisme.
E ne podèvam pas tanpòc passar a costat de l’influéncia maishanta deu psicanalista Bruno Bettelheim e deu son libe La Forteresse Vide sus la presa en carga de l’autisme pendent mantuas annadas e dens mantuns país.
Les Tribulations D’Un Titou Autiste qu’ei en fèit un projècte ancian e si dens l’entrevista Maria ne parla pas sonque de la soa paja facebook qu’ei per’mor qu’avè arrestat de publicar suu son purmèr blòg e que’n volè començar un navèth.
Qu’ei adara causa hèita e que podetz anar seguir las aventuras deu Titon Autista e deus sons parents sus aqueste sit: http://titouautiste.fr/.
Citem en conclusion un extrèit de la soa paja d’introduccion:
Qu’essagi (…) de lhevar quauques tabós sus l’autisme e lo handicap en generau, entà cambiar las mentalitats e amuishar au monde que lo handicap n’ei pas quauqu’arren qui cau espudir o esvitar.”
Lo men but a la basa qu’èra de pausar a Maria questions suus clichés qui lo monde (jo i comprés) pòden aver sus l’autisme e las personas autistas.
E qu’i responó de plan: per ua purmèra entrevista, que la trobèi plan interessanta. Per contra lo son n’ei pas tarrible... Mes aquò qu’ei la mea fauta e be calè que comencèssi dab lo fèble nivèu tecnic qui aví a l’epòca entà progressar.
Qu’aví entenut a díser que los parents de mainats autistas èran de còps ciblats per personas qui venen “solucions” o “ajudas” chic testadas o chic eficaças basadas de còps sus teorias estranhas… E Maria que m’ac confirmè: dens lo son cas monde deu son entoratge que’u conselhèn “peiras d’energia” e regimes especiaus qui podèn, segon los lors promotors, guarir l’autisme.
Qu’ei d’autant mei dobtós que segon la sciéncia contemporanea l’autisme ne’s guareish pas. E segon la mea invitada, be cau simplament arrestar de considerà’u com ua malautia! L’autisme qu’ei meilèu un estat e un fonccionament atipic deu cervèth uman dab loquau las personas qui l’an viven, e pas forçadamen mau!
Atau ua de las causas importantas qui Maria vòu har véder au monde dab lo son blòg qu’ei qu’aver un mainat autista qu’ei luenh d’estar ua mauhat:
«Qu’aví enveja de parlar de l’autisme d’un punt de vista mei gaujós. Lo Titon qu’èra lo medish [après] qu’abans lo diagnostic… E tà nosauts qu’ei tostemps gaujós. D’estar autista ne dèu pas rénder trista la vita.»
Com ei ua emission suu scepticisme scientific, qu’i evocam tanben lo famós estudi fraudulós d’Andrew Wakefield e las suspicions qui aqueste pòrta uei enquèra suus vaccins dens lo cap de tròp de monde. Non, n’avem pas nat element provat qui permétia de pensar que lo vaccin ROR o autes vaccins causan l’autisme.
E ne podèvam pas tanpòc passar a costat de l’influéncia maishanta deu psicanalista Bruno Bettelheim e deu son libe La Forteresse Vide sus la presa en carga de l’autisme pendent mantuas annadas e dens mantuns país.
Les Tribulations D’Un Titou Autiste qu’ei en fèit un projècte ancian e si dens l’entrevista Maria ne parla pas sonque de la soa paja facebook qu’ei per’mor qu’avè arrestat de publicar suu son purmèr blòg e que’n volè començar un navèth.
Qu’ei adara causa hèita e que podetz anar seguir las aventuras deu Titon Autista e deus sons parents sus aqueste sit: http://titouautiste.fr/.
Citem en conclusion un extrèit de la soa paja d’introduccion:
«Aqueste blòg que s’adreça tanben aus amics de parents de mainat(s) autista(s), a la loa familha, aus lors collègas, a tots los qui, un dia, an crosat un mainat autista e qui n’an pas tostemps comprés çò qui’s passava dens lo son cap, qui n’an pas tostemps comprés çò qui vivèn los sons parents, qui’s pausan questions.
Qu’essagi (…) de lhevar quauques tabós sus l’autisme e lo handicap en generau, entà cambiar las mentalitats e amuishar au monde que lo handicap n’ei pas quauqu’arren qui cau espudir o esvitar.”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Qu'as completament rason per la purmèra partida de la toa remarca :-( . Que hèi aquò mei que mei dab lo monde qui conseishi e qui an mei de coneishenças suu subjècte que jo, pas dab expèrts vertadèrs.
Lo fèit de's limitar a monde qui mestrejan la lenga nosta o a subjèctes ligats a l'occitan o a l'occitanisme qu'ei ua contrenta mauaisida.
Mes lo but n'ei pas de tornar har La Tronche en Biais o Scepticisme Scientifique en òc : qu'ei de har descobrir aqueste corrent de pensada a las personas qui segueishen media en occitan.
Tà çò qui ei d'aportar ua vision critica sus l'occitanisme en tot estar dehens, b'èi l'impression qu'ei lo but purmèr d'aquesta zòna de comentaris, non? XD
Mei seriosamen, qu'èi pistas tà explorar aquesta question mes si'm vòs diser las toas que m'interessa, en privat o acì.
En tot cas mercés hèra peu ton sostien e per la critica constructiva!!! :-)
PS. Titou es desjà d'òc, Titon l'occitanisa pas mas ne'n chamja nonmàs la grafia que ven jurtament mins occitana visualament ( per quauqu'un que se coneis pas, 'qu'es a dire la mai granda partida de la populacion)
PS. Titou es desjà d'òc, Titon l'occitanisa pas mas ne'n chamja nonmàs la grafia que ven jurtament mins occitana visualament ( per quauqu'un que se coneis pas, 'qu'es a dire la mai granda partida de la populacion)
'Qu'es 'na bien bona chausa 'quela emission, per io que sei "branché" zetetica.
Mas ai l'impression que i a daus inconvenients a la far en òc : d'un costat 'qu'es pas aisat de trobar daus vrais especialistas e 'qu'es entau qu'am un professor d'occitan per parlar daus temoenhs de Jéhovah, una professora d'occitan per parlar de l'ipnòsi, e sovent l'animator eu-mesme. D'un autre costat, es 'quò possible d'aver tanben 'na vision critica sus l'occitanisme en estant dedens ? 'Quò siriá pas, finalament, lo sol sutget tabó ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari