Bandièra01 1180x150: Comuna de Tolosa

Opinion

Igienisme, geobiologia e antisexisme: resumit deus darrèrs episòdis de Pensada Critica

Pensada Critica, l’abecedari occitan de la zetetica qu’existeish tostemps a maugrat d’ua parucion mei irregulara per la segonda sason.
 
Qu’esperi que l@s qui escotan tròban la qualitat tostemps bona: per jo qu’essagi de la melhorar a cada episòdi.
 
Justament, aquiu resumits e sorsas deus tres darrèrs episòdis:
 
Si voletz directament anar escotà’us, tots los ligams que son ací-baish.
 
G com geobiologia, en purmèr: Dens aqueste que m’entretieni dab Gaby Balloux qui preparava ua tèsi de doctorat sus l’espleitacion silvicòla dens lo massiu centrau, ua tèsi qui avè a véder dab la geografia e la biologia.
 
Que m’i parla donc en purmèr de la soa tèsi qui ne podem pas qualificar de geobiologia puish que n’estudia pas los èsters vius de devath la tèrra.
 
Puish que parlam deus nostes rapòrts dab l’AUTA geobiologia: la qui n’estudia pas los èsters vius devath la tèrra tanpòc mes qui t’ac ditz tot çaquelà suus corrents tellurics subtius, sus las “entitats subtilas”, sus las “pollucions electromagneticas”, sus las chemineas energeticas e un hèish d’autas causas … la qui’t vènd patchs anti-ondas ineficaç e cars e qui pòt anar dinc a desconselha’t d’anar véder un medecin tanben.
 
Qu’i listam quauques elements qui hèn que podem classar aqueste corpus teorico-practic permiei las pseudo-sciéncias e las pseudo-medecinas.
 
Gaby que m’i apren tanben causas sus la deteccion de l’aiga.
 
Per la letra H, que voloi raperar que la zetetica n’ei pas exclusivament un ahar d’òmis cis-genres: qu’estó donc “Hemnas, òmis trans e personas non-binàrias”.
 
Qu’i presentèi lo collectiu ZSF (zététique, scepticisme et féminisme) e ua seleccion subjectiva de productoras de contienguts sceptics en francés de qualitat, dont l@ fantastic.a Sohan Tricoire[1], anciana naturopata e videaste sceptic especialisat dens la critica… de la naturopatia.
 
Sohan que m’a enviat un audiò on presenta las soas produccions mes qu’i retrobatz tanben presentacions deu Dendrobate Doctor, de Fantine et Hippocrate, de Meta de Choc e de Francine Cordier.
 
Per la letra I enfin, qu’avoi la chança d’entrevistar Idali Vera a prepaus de l’igienisme (ua de las brancas de la naturopatia) e en particular de la personalitat mediatica e contraversada de Thierry Casasnovas.
 
Idali qu’ei professor de catalan dens l’ensenhament public en Catalonha Nòrd e que s’inspira de las videos de Thierry Casasnovas entà préner suenh de la soa santat. Que ns’ac explica tot e puish solide, qu’exprimim tanben los nostes desacòrd: per jo Casasnovas qu’ei quauqu’un de dangerós.
 
Qu’èi tanben publicat las entrevistas de Gaby e Idali en integralitat e dab lo mensh possible de montatge sus Youtube e Odyssee.
 
En efèit l’emission ne dèu pas despassar ua òra e sovent que’m hè dòu de copar tròç d’entrevistas qui tròbi interessants.
 
Dens lo cas d’Idali qu’ei tanben ua question de transparéncia: com èram en desacòrd suu subjècte, ne voi pas estar suspèct d’aver traït o desformat los sons prepaus en hant lo montatge.
 
… Ara que i a donc cadenas Youtube e Odyssee de Pensada Critica a las quaus vse podetz abonar! N’i publicarèi pas totas las emissions mes meilèu las entrevistas en version integrala e (si’m vaga) las emissions suus eretics “catars” tà que sian accessiblas au public francofòn.
 

Ligams
 
— Tà ac (tornar) escotar tot: https://soundcloud.com/radio-pais/sets/pensada-critica

— Las cadenas Youtube e Odyssee:  
— Sus la geobiologia: https://podcasts.podinstall.com/elisabeth-feytit-meta-de-choc/202012190900-la-geobiologie-de-lhabitat-1-script-17.html
 
— Lo blòg deu collectiu ZSF: https://www.zsfblog.eu.org/
 
—  per escotar las productoras qui presenti:
   
— Sus l’igienisme e Thierry Casasnovas:  
 
 
 
 
[1]Qu’ac escrivi atau exprès: Sohan qu’ei non-binari.





 
 
abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

bàs pesuc, valent a diser cuol pesuc
12.

#10 Non cau oblidar eth hrustat lo biguiè que non es voergonhósament eth darrièr deths tròls ! que se quenon seré encara mai hhhrustrat e que'ns va hèr un cagar nervios

  • 2
  • 2
Balloux aka Ballourd
11.

#10
*Balós > Balloux (var. Bal(l)out, Bal(l)oup)

  • 1
  • 0
Hub Totoland
10.

#9 puta bornha, Balós e Idali dins lo meme article

Lo combo ultim des pimflois !!!

  • 2
  • 3
Lo Fabre
9.

#6
Non cal doblidar que Ballourd a tanben un trabalh d'engenhaire a temps plen. Bessai en realitat s'apièja sus el tota una organizacion amagada que vòl destrusir l'occitanisme, e qu'el es nonmàs una marioneta. Ara avèm de trapar ont es l'amatagal lor.

  • 7
  • 0
Fochat
8.

#7 perdonacionatz vos preguessi en parlitge tras que condretjacionitz acestas " fauta de tustitge" qu'a escarnacionat lo nomenitz Gabrièl Bapesuc (en lenguitge tras que non vergonhós òsca) !

  • 5
  • 3

Escriu un comentari sus aqueste article