Bandièra01 1180x150: Comuna de Tolosa

Opinion

Analisi de l'esquèma de desvolopament de l'occitan

Lo Quentin

Lo Quentin

Apassionat de lengas, ai començat a recuperar la lenga en 2011 e dempuèi ensagi d’obrar per l’occitan coma pòdi.

Mai d’informacions
Amb la seria d’article que me prepausi d’escriure ai per objectiu de partejar amb vosautres, legeires del Jornalet, mas observacions tocant l’esquèma de desvolopament de l’occitan. Mai tanben mon vejaire sus las accions a menar per tornar donar de visibilitat a la lenga.
 
 
L’esquèma de desvolopament de l’occitan, qu’es aquò?
 
Es lo plan de l’anciana region Miègjorn-Pirenèus per la lenga occitana, la primièra version tractava de las annadas 2008-2013. Lo novèl esquèma concernís 2015 cap a 2020. O podètz consultar gràcias al document que trobaretz çai-jonch. Aqueste esquèma ten lo merit, d’existir ja, mai de tractar de causas fòrca diferentas, ne passant de l’educacion, la toponimia, la formacion dels emplegats d’ostals de retirats mai tanben dels trens regionals, los licèus, la premsa escricha.
 
O cal dire, se tot es realizat, passarem a un autre nivèl! Quitament l’esquèma precisa que la region deu èsser un modèl.
 
Tot aquò es fòrça ben, vos prepausi d’utilizar vòstra vigilància e vòstres conselhs per que la region e sos elegits capiten. Aquò vòl dire, lor tornar indicar çò qu’es previst e que lor cal metre en plaça.
 
Comencem ara!




P69 Inciter les partenaires et organisations subventionnées à mettre en place une communication bilingue
 
Menar los partenaris e organismes subvencionats a metre en plaça una comunicacion bilingüa. 
Alara aquí se tracta de subvencionar un bocin mai los partenaris que ja òbran per la lenga se fan de comunicacion en las doas lengas. Çò interessant es la fin, de dobrir aquel biais d’incitacion a los partenaris pas dirèctament ligats a la lenga occitana.
Coneissi un partenari de la region qu’a agut fach de comunicacion en occitan, vòli parlar de l’associacion Elemen-terre que fornís de veires e d’autras causas que se tòrnan a la fin d’eveniments.
An agut fach uns veires amb d’inscripcions en occitan. Una question, perqué aver pas tenir d’o far? 
La burèu de l’associacion càmbia sovent e las idèas demòran pas, mas son dobèrts a las proposicions.
 
L’objectiu d’aqueste article èra de mostrar, que amb de volontat, o d’incitacion, la region pòt mobilizar totes sos partenaris per que cadun dòne de visibilitat a la lenga. Imaginatz quantes organismes, associacions la region subvenciona, se cada còp que vesètz lo logotip de la region, tanben l’informacion es donada en occitan.
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Theò Bajon Bedarrida (Comtat Venaicin)
1.

Osca lo Quentin, polit article, avèm besonh de veire l'Occitan de pertot, a la radiò, a la television e dins carrieras, sabe pas se la region va i far quauque causa
Au plasèr de te legir l'amic ;)

  • 4
  • 1

Escriu un comentari sus aqueste article