CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 22 d'octòbre

Lo Quentin

Dimècres, 19.10.2016 03h00

Gardatz vòstra vida privada, privada e emplegatz la lenga!


Comentaris Pas cap de comentari    
Dolent Fluix Bo Molt bo Fabulós (4 vòtes)
carregant En cargament


Aqueste còp parlarai de quicòm qu’avèm totes ja degut far: mostrar un imatge a qualqu’un.
 
Que siasque una captura d’ecran, una illustracion, una foto, de còps òm vòl pas que demòre sus Internet. Lo servici Framapic vos ofrís la possibilitat de reglar d’opcions coma lo delai de demòra o la supression al primièr accès. Vos dòna tanben de ligams formatats pels forums, corrièls o per partejar suls malhums socials. Aquò fa partida de la campanha Dégooglisons Internet perque los servicis abituals d’albergament d’imatges permeton pas sovent un parametratge coma aquò. E mai en utilizant aqueles servicis vos cal sovent abandonar vòstres dreches d’autor. Lutim, que lo desvolopaire pronóncia a la lengadociana “Lut-i-n” es lo logicial a la basa de Framapict, aquel va enquèra mai lonh dins lo respècte de la vida privada: los imatges son chifrats e deschifrats pels navigators al moment de mandar e afichar l’imatge. Son gardats de manièra chifrats sul servidor. Sètz d’acòrdi qu’a un moment cal ben aver la clau per aquel chiframent/deschiframent, non?
 
Es aquí qu’es astuciós perque la clau es contenguda dins l’adreça per afichar l’imatge mès après l’acorchi (#), es a dire la partida d’una URL que lo navigator transmet pas al servidor per afichar una pagina web. L’usatge abitual d’un acorchi es de permetre d’anar dins una partida especificada d’una pagina, dins un capitol, una zòna, etc.
 
Amb aquel biais, e mai los qu’an la man sul servidor pòdon pas deschifrar los imatges que son dedins.
 
Mercegi qui l’autor perque a fach los cambiaments que caliá per acceptar la lenga occitana en pauc de temps!
 
En parlant de l’occitan, Framapic, nimai Lutim, prepausa pas de lista de lenga per ne cambiar. Al lòc utiliza las informacions del navigator tocant las preferéncias lingüisticas. Cal que l’occitan siasque en primièra posicion sus vòstra lista. Avèm sul Jornalet un article qu’explica tot aquò.
 
Dins l’article venent parlarai d’una aisina que vos cal benlèu mai sovent utilizar que lo partatge d’imatges.
 
Gardatz vòstra vida privada, privada e emplegatz la lenga!




Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat
BANER1-2-3: DGPL TRADUCTOR



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Lo Quentin

Lo Quentin logo rss

Apassionat de lengas, ai començat a recuperar la lenga en 2011 e dempuèi ensagi d’obrar per l’occitan coma pòdi.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions