Dimècres, 30.11.2016 03h00
Avèm ja vist Framapic que permet de partejar d’imatges, ara veirem Framadrop que nos donar la possibilitat de partejar amb nòstre mond de fichièrs pesucs. Aquela aisina es bastida amb Lufi del meteis autor que Lutim emplegat per Framapic.
Aquò vos es benlèu ja arribat, de poder pas mandar un corrièl perque lo fichièr èra tròp gròs. La solucion es d’utilizar un servici d’albergament de fichièrs que dòna un ligam per recuperar lo fichièr. Sabètz çò que fan amb vòstres fichièrs aqueles servicis? Nimai ieu, e perque teni a la confidencialitat de mos escambis, aimi mai utilizar Framadrop perque:
— los fichièrs son chifrats dempuèi lo navigador, es impossible de los legir s’òm a pas la clau de deschiframent.
— podèm causir quant de temps los fichièrs seràn en linha
— avèm un ligam per escafar los fichièrs quand volèm
— es disponible en occitan dempuèi novembre 2016!
Lo foncionament es simple, cal anar sul site
https://framadrop.org/ i depausar lo o los fichièrs. Un còp tot mandat, auretz un ligam pel telecargament. Es tot!
Tot aquò se debana en lenga nòstra se vòstre navigador indica que volètz legir los sites Internet en occitan,
vos tòrni donar l’article del Jornalet qu’explica aqueste tèma.
En coma totjorn dins lo mond del Logicial Liure, s’avètz enveja de participar al desvolopament, o podètz far sul site de la fraga logiciala
aquí.
Bons partatges!
Comentaris
No hi ha cap comentari
Comenta
Lo comentari es estat mandat corrèctament
Pas cap de comentari
En cargament
Pas cap de comentari
Mandar
