CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dimècres, 11 de decembre

Lo Quentin

Dimècres, 27.11.2019 03h00

Novetats: Firefox Send, Mobilizon en beta, seguiment


Comentaris 4 comentaris    
Dolent Fluix Bo Molt bo Fabulós (8 vòtes)
carregant En cargament





Un article pichon per vos téner al fial de l’actualitat informatica ligada a la lenga occitana.

Comencem amb Firefox Send una aisina de partatge de fichièrs gròsses. Un còp arribat a la pagina seguenta https://send.firefox.com/ podètz causir lo fichièr que desiretz enviar. Lo servici de Mozilla vos donarà una URL que permet de recuperar lo fichièr. Çò qu’enviatz es chifrat e solament vos e vòstres contactes auràn la clau per deschifrar, mas aquò vos es invisible, tot çò que vos cal far es donar l’URL a la persona que deu telecargar lo fichièr.

Notaretz que lo site se bota solament en occitan se vòstre navegador indica que volètz legir las paginas en occitan en primièr. Vos convidi a cambiar vòstres paramètres lingüistics s’es pas lo cas. La pagina permet pas de cambiar de lenga via un menú. Es una opcion que podètz demandar amb l’espaci de comentaris enbàs a man drech de lor pagina. De còps avèm pas la man suls paramètres, coma suls ordenadors al trabalh.

Per participar a la traduccion / correccion: https://pontoon.mozilla.org/oc/test-pilot-firefox-send/

Lo projècte de Framasoft Mobilizon es ara disponible en beta per provar l’interfàcia.

Podètz ensajar aquí: https://test.mobilizon.org/

Unas decas apareisson sul site d’ensag perque es pas encara sincronizat amb las traduccions actualas.

Per participar o corregir: https://weblate.framasoft.org/languages/oc/mobilizon/

Lo blocador de reclamas Pi-Hole es compatible amb l’internacionalizacion e realizèri la traduccion en occitan fa ara 4 meses. Serà segurament integrada dins una version màger venenta.

Aquesta aisina se compòrta coma un resolvador DNS e filtra las requèstas sus vòstre malhum per dire de neutralizar las publicitats mas tanben los traçadors. Un article de legir sus las nòvas amenaças e perque un blocador de publicitat sul navegador basta pas mai:https://blog.imirhil.fr/2019/11/13/first-party-tracker.html

Vos tornarai parlar del projècte dins un article mai complèt.

Trobatz aquí lo site de traduccion del logicial Pi-hole: https://crowdin.com/project/pi-hole



abonar los amics de Jornalet



publicitat
BANER1-2-3: DGPL AN LAFONT



Comentaris

5 de decembre 11.10h

Super ! Polit trabalh !
Anam ensajar de relaiar l'informacion !


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

27 de novembre 22.13h

Osco pèr lou pré-fa !


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

27 de novembre 10.42h

Bah lo far de seguir, seguiment non ?
O pensavas que l’article èra la seguida d’un autre ?


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

27 de novembre 10.07h

seguiment... n’es pas lo prumèr còp qu’ac vesi... que’m sembla curiós..
que m’agradré mei : seguida , har seguir o causas atau...


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Lo Quentin

Lo Quentin logo rss

Apassionat de lengas, ai començat a recuperar la lenga en 2011 e dempuèi ensagi d’obrar per l’occitan coma pòdi.

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions