Opinion
Al reveire e pensadas
Fa qualques meses qu’ai pas mai de plaser a participar al mitan occitan. Encara uèi sabi pas exactament dire perque. Una lectura que m’agradèt ça que la tocant aqueste tèma. Pòdi ensajar de listar unas rasons.
Per tot aquò vesi pas mai perque passi tan de temps a presentar d’aisinas que respèctan una certana etica liura, se los primièrs concernits las utilizan pas. De còps me meti la pression per acabar la traduccion abans la sortida d’una nòva version, perqué? De figas.
Ai encara previst dos articles que respondon a un article mai ancian, per milhorar l’informatica del mitan occitan. Èran previstes, los sortirai e serà finit.
Cric crac mon compte es acabat.
— Per un que fa n’i a dètz que critican: los qualques comentaris que recebi son de correccions ortograficas, jamai res sul fons.
— Los occitans son un pòble fòrça illectronic: demandar al monde de cambiar las opcions de lor navigador Internet per aver l’occitan es tròp demandar. «E qu’es aquò una navigador, es Google? Windows? Te sabi ieu» imagini ben romegar los legeires.
— Las demandas d’ajuda son ignoradas, amai pels amics. Passar de temps per aprendre o far quicòm de pas costumièr es tròp demandar. Quantes de temps ai esperat aprèp una relectura puèi abandèri.
— Lo monde amb qui aimi parlar son los qu’òbran. Totes me dison que fan de causas per l’occitan perque degun o fariá pas a lor plaça. E tot coneisson aquela abséncia de reconeissença...
— Non Facebook es pas la modernitat, es la modernitat segon los vièlhs que son ara conhats sus Facebook e se creson al jorn. Sorry Papie, los joves son endacòm mai. E un còp mai cal veire lo fons. Perque Facebook es gratuit? Que fan amb vòstras informacions? Es pas refusar la modernitat de voler pas tot centralizat sus un site estatsunidenc, es una causida.
— Encoratjar e èsser benvolent còsta pas res.
— Los panèls d’entrada de vilatge o vila menan a mai de reaccions que non pas la sortida d’aisinas per far de velha en linha o la creacion d’un motor de reconeissença vocala.
— La cultura del partatge es pas mai occitana. De còps me diguèron que caliá botar los dreches d’autor sus mas traduccions. Bah non, vòli que sián utilizadas e reütilizadas tan que podèm! Lo monde del mitan estima mai gardar sas causas per se. Anatz demandar a un professor de metre en linha sos corses. «Ah bah non, lo monde se’n servirà per far cor!» Seriá un brave risc que’l monde milhoren sos corses en ajustant de contengut òc vertat...
— Los occitans son un pòble fòrça illectronic: demandar al monde de cambiar las opcions de lor navigador Internet per aver l’occitan es tròp demandar. «E qu’es aquò una navigador, es Google? Windows? Te sabi ieu» imagini ben romegar los legeires.
— Las demandas d’ajuda son ignoradas, amai pels amics. Passar de temps per aprendre o far quicòm de pas costumièr es tròp demandar. Quantes de temps ai esperat aprèp una relectura puèi abandèri.
— Lo monde amb qui aimi parlar son los qu’òbran. Totes me dison que fan de causas per l’occitan perque degun o fariá pas a lor plaça. E tot coneisson aquela abséncia de reconeissença...
— Non Facebook es pas la modernitat, es la modernitat segon los vièlhs que son ara conhats sus Facebook e se creson al jorn. Sorry Papie, los joves son endacòm mai. E un còp mai cal veire lo fons. Perque Facebook es gratuit? Que fan amb vòstras informacions? Es pas refusar la modernitat de voler pas tot centralizat sus un site estatsunidenc, es una causida.
— Encoratjar e èsser benvolent còsta pas res.
— Los panèls d’entrada de vilatge o vila menan a mai de reaccions que non pas la sortida d’aisinas per far de velha en linha o la creacion d’un motor de reconeissença vocala.
— La cultura del partatge es pas mai occitana. De còps me diguèron que caliá botar los dreches d’autor sus mas traduccions. Bah non, vòli que sián utilizadas e reütilizadas tan que podèm! Lo monde del mitan estima mai gardar sas causas per se. Anatz demandar a un professor de metre en linha sos corses. «Ah bah non, lo monde se’n servirà per far cor!» Seriá un brave risc que’l monde milhoren sos corses en ajustant de contengut òc vertat...
Per tot aquò vesi pas mai perque passi tan de temps a presentar d’aisinas que respèctan una certana etica liura, se los primièrs concernits las utilizan pas. De còps me meti la pression per acabar la traduccion abans la sortida d’una nòva version, perqué? De figas.
Ai encara previst dos articles que respondon a un article mai ancian, per milhorar l’informatica del mitan occitan. Èran previstes, los sortirai e serà finit.
Cric crac mon compte es acabat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quentin, vos coneissi pas, mas me rend trista vòstre constat. Segur que sètz probable tombat sus de gosta-solets, de mond que passan son temps a criticar los autres, de preferéncia dins l'anonimat, mas lo mond occitanista, es coma lo mond en general, i a de tot, de plan cons, e de mond plan. Segur que vos gonflan coma ieu los que, sus Jornalet, entre autres, critican - anonimament, plan sovent - lo trabalh dels autres e respondon a un article d'idèas per de comentaris fòra-subjècte. Soi professora d'universitat a la retirada, ai passada la mai granda part de ma vida a ensenhar ma lenga (en defòra de 4 ans d'exilh en Lorrena, ont pasmens, parlavi de ma lenga), e i ai totjorn trobat un grand plaser e fachas de rescontres extrraordinaris. Sabi pas en qué vòs pòdi ajudar, mas se me fasètz de demandas d'ajuda que sian dins mas competéncias, vos prometi que respondrai. Trobaretz mon contact sul siti de la FELCO, http://www.felco-creo.org/la-felco-ques-aquo/ (los corrièls me pervenon). Amb mas amistats e mas felicitacions per aprene nòstra lenga e l'escriure tan plan.
E òc, maissants Occitans qu'aiman mai s'acampar per beure un còp, cantar, caquetar e ausir de musica. Paures colhas qu'estiman mai lo real que non pas lo virtual... Solide que sèm fotuts !
Te comprèni! Quora èri mai jove (e òc! aquò fuguèt...), revirèri en occitan d'uneis aisinas (Star Downloader, PDF creator, Easy Cleaner, Bottin, lo Monopòli...). Aguèri jamai un solet retorn occitanista!
Adieu Quentin,
Sabi pas de qué te dire... Dins lo fons as (plan) rason, es un constat que nos fasèm, tròp sovent, amb un amic, grand occitanista de tria de grandas qualitats umanas e intellectualas que s'es implicat e contunha implicat dempuèi fòrça mai ans e temps que ieu, qu'es gaireben impossible de trabalhar en grop, e d'avançar coma cal o mai d'avançar... Las luchas intestinas per la causida d'un mot, l'e de sosten, lo nom de la lenga, la(s) varietat(s) de referéncias, la critica (destructiva en general) continua de çò qu'es fach es dramatica...; piéger encara quand ven de gents que fan pas res.
Albiri que se fan de guèrras per preservar un reialme teoric, pantaissat, amb una mena de rei e unes (quatre) gats vassalizats (mas sovent lo sobeiran a pas nimai un subjècte...), en se situar coma lo(s) qu'a(n) la solucion, plan mai d'un còp amb marrida fe, e rarament amb d'estudis rigoroses e generalament amb un "enemic/d'enemics", una mena de menaça roja o fascista, que cal véncer.
Evidentament lo lassitge que nosautres los (relativament) mai vièlhs avèm sentit es a ganhar las generacions mai joves, malastrosament, davant un mitan qu'es generalament de tendéncia que ne dirai autodestructiva. L'occitanisme es tròp sovent universitari e mai sovent en francés (çò qu'es gaireben impossible en catalan per exemple, lenga e cultura "protoenemigas" per una part de l'occitanisme franchimandofil; tot çò que sembla pas son occitan es susceptible d'èsser de catalan e mai dominen pas la lenga vesina...)... malgrat l'integracion pro recenta de la lenga dins l'AIEO per exemple (que saludi, èra temps!), avèm pas sabut/sabèm pas utilizar las aisinas del temps.
Passèri un brave temps (de còps en batalhas malastrosament) sus la wikipèdia (que per astre ten pel trabalh plan meritós dels que i son encara) mas vesi plan qu'es pas legida, pas gaire utilizada e que las contribucions son de longa dels meteisses... Pr'aquò mas intervencions dins la Viquipèdia catalana m'assabentan que lo catalan tanben malauteja fòrça, malastrosament... e mai las wikipedias de las lengas fòrtas flaquejan manca l'anglesa... Mai enlà de la question occitana, i a tanben la question del benevolat dins totas las societats occidentalas actualas...
Vau acabar aquí mos comentaris, te dire qu'as fach un trabalh plan interessant sul narbonés (e probablament dins d'autres domenis qu'ai pas vist, que sabi pas e te ne mercegi personalament) que soi a legir e qu'espèri cambiaràs de vejaire dins qualque temps. Pensi que i a de gents de qualitat dins l'occitanisme, benlèu vosautres los joves que sètz mens formatats a l' "enemigacion/enemizacion", recerca d'un enemic per se botar en avant, tipica del mitan, e que va caler ensajar qualque jorn de trabalhar amassa. Una pensada pel paure Lissandre qu'al meteis moment pèrd tanben la fe...
Mai enlà de l'occitanisme, es un mond òrre, que l'individualisme e lo profièch venon las valors dominantas, mas pensi qu'arribarem a far quicòm, e mai se sauvarem benlèu pas la lenga!
Bon coratge! Una abraçada plan fòrta!
PS: Soi aquí s'as besonh d'entresenhas dialectalas! :)
Lo pòble occitan es privat d'una part de sa cultura e de la lenga, los occitanistas son privats d'energia e sabon pas ont anar, donc çò que disètz es pas estonant. Vos deuriatz pas descoratjar. Cal avançar.
I a una causa que compreni pas brica dins vòstre article. Escrivètz: "Las demandas d’ajuda son ignoradas, amai pels amics. Passar de temps per aprendre o far quicòm de pas costumièr es tròp demandar. Quantes de temps ai esperat aprèp una relectura puèi abandèri."
Que vòl dire aquò?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari