Dijòus, 2.12.2021 09h15
Es pas una mena d’espelches qu’òm utiliza cada jorn, e benlèu que sabètz quitament pas que servisson. Pòt arribar qu’ajatz de partejar una adreça Internet longa siá perque l’URL es vertadièrament longassa e complicada o que lo lòc ont la volètz pegar possedís una limita de caractèrs. Es aquí que’ls acorchidors d’URL an lor interès. Permeton de donar una adreça longa al logicial e de n’aver una mai corta e de còps personalizada.
Segon las aisinas, podètz tanben obténer d’estatisticas de clics, obténer una version en QR còdi del ligam acorchit.
Ara, perque vos parli d’aquò? Perque la setmana passada dos còps los acorchidors d’URL e l’occitan se rencontrèron. D’un lach lo Congrès Permanent de la lenga occitana sortiguèt lo servici
Abracat e de l’autre l’associacion parisenca, membre del collectiu CHATONS, sortiguèt una version novèla de son esplech RS-SHORT qu’integra la lenga occitana: d’ensajar aquí
https://s.42l.fr/ S’aficharà en occitan se vòstre navigador Internet demanda ben l’occitan,
fasètz la pròva aicí.
Un autre logicial es
lstu desvolopat per un membre de l’associacion Framasoft que vos parli sovent, d’ensajar aquí per exemple
https://anancus.ynh.fr/lstu/.
Una darrièra informacion, segur qu’un acorchidor de ligam pòt servir per trompar un utilizaire o li far una galejada en li amagant la destinacion finala.
Comentaris
No hi ha cap comentari
Comenta
Lo comentari es estat mandat corrèctament
Pas cap de comentari
En cargament
Pas cap de comentari
Mandar
