Dimècres, 15.12.2021 03h00
Lo collectiu CHATONS, per Collectiu dels Albergaires (hébergeurs en francés), Alternatius, Transparents, Dobèrts (ouverts), Neutres e Solidaris. Aqueste collectiu a per tòca d’amassar las estructuras que prepausan de servicis en linha etics e descentralizats per provesir d’alternativas als grands grops, los GAFAM (Google, Apple, Facebook, Amazon, Microsoft) qu’ofrisson pas cap de respècte a la vida privada. Aquesta iniciativa ven de l’associacion Framasoft a la seguida de sa campanha Dégooglisons Internet.
Per formar part de la catonada los candidats s’engajan a:
— utilizar pas que de logicials jos licéncia liura
— transmetre o esplechar pas las donadas dels beneficiaris
— utilizar pas d’agéncias de publicitats o de servicis de pistatge
— prepausar de rencontres fisics amb lo beneficiaris per reduire la fractura numerica.
Se volètz es coma una AMAP dels servicis en linha, dònan los imatges seguents:
sens OGM, que serián los logicials privadors de libertats quina aquela de veire cossí fonciona lo logicial o de lo modificar
— sens pesticida, que seriá los beneficis basats sus la reventa de vòstras donadas personalas
— sens marketing agressiu, coma o fan las agéncias de publicitat en coneissent vòstre compòrtament
— sens corsa al poder de crompa
Per vos illustrar los servicis qu’ls membres del collectiu prepausan pensi que la pagina
https://entraide.chatons.org/oc/ es la bona. Foguèt creada pendent lo primièr embarrament per fornir de servicis en linha al monde que se trobèron a trabalhar a l’ostal sens aisinas previstas per collaborar a distància.
Pensi qu’al mitan occitan li fa mestièr un CHATONS aital, una estructura de servicis numerics per cada federacion, ret d’associacions o autre. Los còstes se pòdon repartir e las ressorsas mutualizar. Lo collectiu met a disposicion la documentacion tanta tecnica que juridica, lor wiki es remirable.
Per exemple aqueste tutorial de Framasoft amb lo camp lexical de l’òrt:
https://framacloud.org/fr/cultiver-son-jardin/jitsi-meet.html Espèri que vos donarà d’idèas;)
Comentaris
15 de decembre 11.23h
Calandreta ne deuria montar un, per sas 70+ escòlas.
Valora aquest comentari:
1
0
1
Comenta
Lo comentari es estat mandat corrèctament
Un comentari
(11 vòtes)
En cargament
Un comentari
Mandar
