CAPÇALERA: MARPOC
CAPÇALERA2: mot amagat

Jornalet, gaseta occitana d'informacions

Dissabte, 2 de julh

Lo Quentin

Dimècres, 22.6.2022 03h00

Engana telefonica


Comentaris Pas cap de comentari    
Dolent Fluix Bo Molt bo Fabulós (11 vòtes)
carregant En cargament





Vos parlarai pas aquí del compte de formacion que nos parlan tan al telefòn per utilizar nòstres crèdits. Coneissètz segurament la pesca electronica vosautres que navigatz sus Internet. Aqueles messatges que semblan legitims mas que vos mandan sus una imitacion d’un site conegut, lo d’una banca o d’un provesidor, amb la tòca de recuperar vòstras informacions bancàrias.
 
La filonariá ganhèt en organizacion per èsser cada còp mai credibla. Ara en navigant suls Internets podètz trobar una fenèstra qu’imitan l’estil de vòstre sistèma operatiu amb un tèxte qu’indica que vòstre ordenador a un problèma, qu’es infectat, qu’es tròp lent o que cal lo netejar, e que vos cal sonar un numèro donat per reglar lo problèma. Teni a dire que’l problèma es pas las competéncias en informatica de la persona mas la simplesa. Transpausat al monde real, se quauqu’un ven chas vos per vos dire que vòstre ostal a un problèma e que’l pòt reglar contra una soma d’argent, vos i fisaretz?
 
 
Se sonatz lo numèro, un numèro Voip – un numèro al format del país mas que passa per Internet e que l’interlocutor pòt èsser ont que vòlga pel monde baste qu’aja una connexion Internet. S’avètz lo telefòn amb vòstre abonament internet, es un numèro Voip qu’avètz. Doncas sonatz e vos trobatz amb una persona mai qu’agradabla que se prepausa a vos ajudar per un prètz mens car qu’enlòc çò ditz. La filonariá pòt èsser fòrça realista s’ajustan un fons àudio per far creire a un centre de sonada o a un servidor telefonic «quichatz Un, quichatz 2, etc».
 
 
La conversacion s’acaba, avètz pagat, lo problèma es reglat e sètz estat victima de vishing. Lo phising, pesca electronica, mas via la Voip, d’aquí ven la V de voice en anglés.
 
Aquestas enganas son en fòrta aumentacion e se fan passar per un molon d’estructuras coma la seguretat sociala, los impòstes, las bancas etc. De còp l’objectiu es pas de vos prendre de l’argent sul pic mas d’obténer mai d’informacions a prepaus de vos. Per exemple un questionari per rire pòt reculhir lo nom de vòstre animal de companhiá e autres detalhs que permetràn als autors de poder tornar inicializar vòstre senhal per exemple via las questions secretas.
 
 
Vaquí d’unes indicis que vos devon alertar:
 

— fautas d’ortografia o frasas mal viradas
 
— urgéncia de realizar una accion
 
— biais de comunicacion pauc costumièr
 
— messatge sens cap de personalizacion coma vòstre nom o pichon nom
 
S’avètz un dobte contactatz l’organisme que ditz vos contactar, fisicament se possible o per telefòn al numèro qu’utilizatz abitualament.
 
 
 
abonar los amics de Jornalet
 
 

 



publicitat
BANER3: Ràdio Occitània



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Lo Quentin

Lo Quentin logo rss

Apassionat de lengas, ai començat a recuperar la lenga en 2011 e dempuèi ensagi d’obrar per l’occitan coma pòdi.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions