Dimècres, 24.8.2022 03h00
Jakob Nielsen formulèt en 2006 aquesta teoria, es tanben apelada l’inegalitat participativa.
Segon ela:
– 90% dels utilizaires d’Internet son espectators, son solament passius: obsèrvan o consumisson mas crèan pas cap de contengut
– 9% dels utilizaires contribuisson d’un biais ocasional e pontualament.
– 1% dels utilizaires son a l’origina de 90% de las participacions e contribucions. Es un grop de “super utilizaire”
Aquesta distribucion se confirma suls malhums socials e los sites participatius coma Wikipèdia o Youtube. Un estudi de l’Universitat Catolica de Múrcia trobèt las chifras seguentas:
– 1% dels utilizaires genèran environ 50% del contengut
– 9% genèran 45%
– 90% restant genèran 5%
Aquò dòna 1+9 doncas 10% dels utilizaires èran responsables de 95% del contengut.
Un bon exemple pensi es un site de recèpta de cosina, un molon de monde lo consulta, d’unes comentan e envian de recèptas e un gropeton de personas garnisson lo site.
Aquò me donèt a soscar, que de còps me disi que’ls occitans, occitanistas poirián participar a de traduccions de logicials coma ieu o emplenar la Wikipèdia en occitan. Mas ara qu’i sosqui es vertat qu’òm vei sovent lo meteis nom de contributors pel Web, una minoritat que crèa la màger part del contengut. Es perilhós perque daissa s’installar lo concèpte de “una persona clau”, amb sa disparicion tot un fum de causas s’arrèstan. Nos calriá evitar aquesta situacion, per aquò meti a disposicion çò que sabi far en l’espèr qu’interèsse quauqu’un.
Comentaris
No hi ha cap comentari
Comenta
Lo comentari es estat mandat corrèctament
Pas cap de comentari
(15 vòtes)
En cargament
Pas cap de comentari
Mandar
