Dimècres, 31.8.2022 03h00
Aqueste article fa seguida a mon article de la setmana passada a prepaus de las contribucions. Benlèu qu’avètz enveja de contribuir mas sabètz pas de qué far, ont començar
Lo site Wikimedi’Òc desvelopat per Aure SÉGUIER, vos permet de trapar de prètzfaches per contribuir als projèctes de la fondacion Wikimedia (Wikipèdia, Wikiccionari, Wikidata, etc). Las fichas indican lo temps previst per participar, lo nivèl de competéncia informatica requerit e lo nivèl de coneissença de la lenga.
Poiretz aprendre a mandar un fichièr son per prepausar una prononciacion d’un mot, illustrar un article de Wikipèdia o del Wikiccionari.
N’i a per totes, es vertadièrament un site de gardar als marcapaginas.
Personalament, cada còp qu’ausissi un mot pauc comun o que dobti de la definicion, vau al Wikiccionari en francés e apondi o cèrqui la traduccion en occitan per l’apondre. Pensi d’o far 3 o 4 còps per setmana dempuèi 2 ans almens.
Aquí lo ligam per trapar vòstre biais de contribuir: https://wikimedioc.com/
Comentaris
No hi ha cap comentari
Comenta
Lo comentari es estat mandat corrèctament
Pas cap de comentari
(9 vòtes)
En cargament
Pas cap de comentari
Mandar
